Jóshwa 2:12 - Bokyi Bible

¹² Kántîk, sem m̂ ba-kó dyizîn emen ba/fu, ben ba/chi ba-tî kyikû-banet ejí kanong wǎ eringe nyí me nn/tî běn, ba-tông mě to ekap nyí eda mě echi n-fé dyityém ne ben.

Jóshwa 2:12 Iomraidhean Croise

Jénésis 21:23

Ké bubwô ámbu, ryí mě ocím nyín ké bushú-Osówo a/fu, wo aa*ba/chi a-nîm mě* nang bwǎn ejí* nang kyikû-banet ejí*. Me nn/kye ǒ ofê, ne ké bubwô ámbu, ryí mě ocím a/fu, wo to a-kyâ mě ofê ne oshê ejí mún mú amu a-kyú u.

Jénésis 24:3

Mu n-ryuu ng ǒ n/fu, ryí mě ocím ké dyizîn ńdyí Óburúkpâbí mú mu Osówo mú bubóng ne esí a/fu, wo aa*ba/chi a-fîm onyi mú o/fím nyín ké Kínan a-kye wǎn ejí o-bé*.

Jénésis 24:9

Ne ḿgbán ámu o-fé bubwô emen ké anam nyí Ébarahâm mú bonchí emen, ne o-ryí ocím o/fu, nyǐ o-chi i ńkyí Ébarahâm o/sét ǎ.

Jénésis 40:14

Nké kamgbe, zîim mě ké nkéré byěm byi-kú byi-câ kanong ne wo, a-pem otu kyi-kim ne me, a-chwáp mě ba-fîm mě ké mgbokobá mún.

2 Korónyíkil 36:13

Otu Zedekyâ o/bírî bunwa ne Otu Nébúkanéza mú o/mû oo/tírîng ǎ o/fu, osem ké dyizîn ńdyí Osówo o/fu, nyǐ oo*bên kyije nang kyibónge*. Nyǐ ké dyishí eshwane, o/né esaa byiko ké byibî emen o-bírî o-kâm Osówo Óburúkpâbí mú Ézerel.

Esitá 8:6

Me n-cíp ng kánkyí nǎ, â afaníkong ńnyín a/bê a-kâm banet ejí, ba-ju bwǎn-bané ejí.

Ézódos 12:13

Baróng ḿbé ba/chi ba-sabe ké ekíkírí-afyi ba/chi ba-kyú ekap nyí e/chi e-tông byise ḿbyí bamu ba-kyú u. Â n/ri baróng ámbe, n/chi n-shwôm běn ne mm*ba/chi n-chi běn chwǒm* ké nkéré n-kú n-kyâ banet ḿbé Éjip busông*.

Jeryimáya 12:16

 mbé ba/chi ba-koo Osówo mú banet ejí mbe ba-fâ ne kángkáng atyém ebe, ba-ryí ocím ba/fu, ké dyizîn ńdyí Óburúkpâbí mú mu okpó, wǎ eringe nyí mbé ba/mû ba/tángê banet ejí ba-ryí ocím ké dyizîn ńdyí Bâl, mbé kâng ba/chi ba-kyú ké burwám-banet ejí, ne ba/chi ba-já ńkyí mbe ba-ryuu ng.

MÂK BǍMPÉM ḾBÉ BANONG KYI-KIM NE JISOS KARÂS ERINGE NYÍ MÂK O/SÁNG 14:44

Onet mú mu o-bâ ebachi ba-kám Jisos o/mû oo/sét banet ámbe ekap nyí nyǐ o/chi o-tông kámbé ne ba-kám Jisos. O-sét kámbé o/fu, onet mú me n/chi n-rwâm ǎ o-chi i onet mú ben bamu ba-ryuu ng. Kám m̂ ǎ ba-dim ne nyǐ. Bám m̂ ǎ kanong kanong.

Rúman 1:31

Ba-chi i byibî-byěm, baa*tî ocím ebe mú badaryí* ne baa*tông dyityém ecángê nang bafip eri ne barî-banet*.

1 Tyímótyi 5:8

Nké â onet o*fí o-tún n bwǎn-bané emen* aciringaciring banet ḿbé kyikû ńkyí emen* onet ámu oo/né dyityém efé ne Karâs ne mu kyibî-onet o-shwôm onet mú o*fí o-bángê e ké Karâs*.

Jêmsyi 2:13

Ké ebóng, Osówo oo*ba/chi o-ri onet bafip* mú nyǐ oo/pan ǎ mpan o-ri o/fu, onet ámu o*da/ri barî-banet bafip*. Nké onet mú oo/ri barî-banet bafip o*fí ne chwǒm ńkyí nyǐ odashî Osówo* mú mu o-két ng mpan*.

Jóshwa 2:13

Ryí n̂g mě ocím ba/fu, ba/chi ba-nyángê dyikpen ńdyí bonchí ejí ne boné ejí ne ńdyí bwǎn-bané ejí ḿbé banyinchéng ne ḿbé banyinyi ne kángkáng banet ebe. *Da n̂g echi ba-bángê ba-ju bě*.

Jóshwa 2:18

Nyín něen ńkyí wo adaman a-chi. Ké nkéré mú bii/nung ne byití ké oshê enen, bwá kiǐshíshét-orí ńkyín ké wíndu ámu mú byi/cen ne byi-shû. Kpî bonchí eyên ne boné eyên ne bwǎn-bané eyên ḿbé banyinchéng ne kángkáng kyikû-dyibóng-bonchí eyên a-tî ké kyise eyên.

Jóshwa 2:19

Nang yeě ké burwám ebe nké o/byí o-dim, ányi nyǐ nké o/ju byiko emen, ne abwô eten aa*ba/chi a-kyú ké kafâ*. Nké â nang yeě ké burwám ebe mú mu ké kafâ-kyise ne wo nké chwǒm kyi/chi ǎ, be nké kyi/tú bě.

Jóshwa 6:22

Jóshwa o/mû oo/sét banet-boǒfêp-esí ḿbé ba/mû baa/bê ányi o/fu, ca n̂g ké kyise ńkyí mú onyi-dyikpe ámu ba-da-kpî ǎ ne kyikû-banet emen ba-byí kyíjí, wǎ eringe nyí ba/mû ba/ryí ǎ ocím.

Jóshwa 9:15

Jóshwa o-chi kyikwáré ńkyí bunyîn-dyityém ne banet-oshê ámu. O-mîng kámbé ba-waa bakpó. Banet-ashí ḿbé oshê-Ézerel ba-ryí ocím kanong kanong ba/fu, mbé ba-tî ng ocím ebe mú mbé ba/ryí éné.

Jójis 1:24

onet mú o/mû o-kú o-byí i o-dim, ba-raa ne nyǐ ba/fu, tông bě eringe nyí byidacen ne byi-nung ké oshê mún, ne be bii*ba/chi byi-némê ǒ*.

1 Sámwel 30:15

Dívit o-bí ǎ o/fu, a/chi a-tông mě bukwóp ḿbú banet ámbe ba/wâa? O-faa Dívit o/fu, n-chi i éné, â a/ryí mě ocím a-sem Osówo a/fu, wo aa*ba/chi a-ju mě* a-bwa nang ne me esim a-kye bonchí ejí*.