Jóshwa 2:11 - Bokyi Bible

¹¹ Bushî bu/kám bě kanong kanong ńdyí byi-jwo ng kánkyí byi-bâ. Óburúkpâbí mú mu Osówo enen o-chi i Osówo mú bubóng ne esí ńnyín.

Jóshwa 2:11 Iomraidhean Croise

1 Kyîng 8:60

Ne kyi-fím ányi, kángkáng eshê nyí ké ejíí e/chi e-nyît e/fu, Óburúkpâbí kǎnchí nké mu Osówo, osówo okíri o*fí*.

2 Kyîng 5:15

O-bwa esim-kyikit-Elásha ne kángkáng banet emen, o-sét ǎ o/fu, me nn/nyît kántîk n/fu, Osówo okíri o*fí to* kyi-cibi ne Osówo mú Ézerel*. Ké bubwô ámbu, ǎ bonchí, koo eyáré ké abwô ejí.

Nehemyâ 6:16

Ké nkéré banet-bushwôn eten ḿbé ké eshê nyí wângwâng ba/jwo ńkyín, mbé ba/ri ba/fu, éshwân ee/wuri kámbé, ké nǎ, nang yeě o/nyît o/fu, Osówo nké o/kye ochwâp ne bǎmkpóngé ámbe ba-man.

Esitá 8:17

Ké oshê nang orá ne ké kyikim-oshê nang kyirá nké ba/kó ńkyí otu o/sét, banet-Jûs ba/kyú ké dyijâng ne dyijî ne bunyîn-dyityém. Ké ntûntû, bujê-banet bakíri ba/bírî ba-firi banet-Jûs, ké nǎ, mbé ba/kpet eshî kámbé.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 102:15

Eshê kángkáng e/chi e-shî Óburúkpâbí. Kángkáng batu ḿbé ké ejíí ba/chi ba-shî busa emen.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 22:14

Busa ejí boo/man. Boo/man éné wǎ omu mú ba/pwó kyísí. Byikúú ejí kángkáng bii/zóngê. Dyityém ejí dyi/firi éné wǎ burwan nké mbu bu-nyange e mě ké kafâ. [

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 58:7

Kyi/bát barím wǎ omu mú mu o-núng ng. [Kyi/bát bacím kámbé wǎ biǐbyâa ḿbyí ké kiǐfáng.]

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 83:18

Kyi/bát mbé banyît ba/fu, wo kǎnchí nké amu Óburúkpâbí mú mu Otu-Dyishí mú ejíí emúmú, mú o/rêe o-shwôm.

Ézódos 15:14

Eshê ee/jwo, ne e-kú e-tím m banê ké bushî. Bushî boo/róng banet ḿbé Fyilíta.

Ézódos 15:15

Banet-ashí ḿbé Édom ba-kú ba-shî ng. Biǐtí-banet ḿbyí Mówep byi-kú byi-tím m banê. Busa boo/man banet ḿbé Kínan.

Azáya 13:7

Abwô nyí nang yeě nang yeě a/chi a-róng, ne asa a/chi a-jwâa nang yeě nang yeě.

Azáya 19:1

Nyín kyitwóm ńkyí Osówo o/twóm mě kyi-kim ne Éjip. Óburúkpâbí mu o-bâ ké Éjip ochéé óchee ké ófíbí. Erím-bakye nyí Éjip e-kú e-tím m banê ké bushú emen, ne busa boo/man banet ḿbé Éjip.

Ezékyel 21:15

Nké nke ka-chi i banet ejí asa a-man kámbé, ba-kpán n ácíring. Me [mu m-pii ng oshê ebe achi ne kashwám] ńké nke ka-san n wǎ kasabang, ne kaa/kpá byiko ḿbyí kadaju. [

Náhum 2:10

Baa/bên Nyínyíve, banet baa/chêe ké mǔ ne oo/waa kafâ dyikáá. Atyém aa/kyee ké bushî, arông a-kú a-tím m kámbé banê, busa boo/man kámbé, bashú baa/kpú.

Dyitórónómyi 1:28

Ebóng ńkyí byidace ké esí ányi. Be byimu byi-shî ng. Banet ḿbé byi/twóm kámbé ba/sét bě ba/fu, banet ḿbé mbe ké esí ányi ba-shwane e ba-shwôm bě, ne ba/nárê to ba-shwôm bě, ne mbe ba-kyú u ké eshê nyí ekpe nyí e/wáp kányí e/nyâam wǎ e-ta ng bubóng. Ba/ri biǐnât-banet ké esí ányi.

Dyitórónómyi 20:8

Ba-bí ng to kámbé ba/fu, onet mu nyín mú asa aa/jwâa ǎ? ne mu o-shî ng? Â mu kô, obwa esim dyijê. Â kyi*fí éné* o/chi o-jwâa banet ḿbé áku asa.

Dyitórónómyi 4:39

Ké bubwô ámbu, zîim m̂ kurún, ba*dachi ba-ráp* ba/fu, Óburúkpâbí mu Osówo mú bubóng ne esí*. Osówo okíri o*fí to*.

Jóshwa 14:8

Nké banet ḿbé ba/mû ba/bê ne me ba/chi banet eten ba-kpet eshî. Nké me n/chi ńkyí Óburúkpâbí mú Osówo ejí o/sét mě, ne dyityém ejí.

Jóshwa 2:24

Ba-sét ǎ kâng ba/fu, be byimu byi-nyît ng byi/fu, Óburúkpâbí oo/kye bě oshê ámu omúmú. Banet ámbe bamúmú mbe ba-shî ng bě.

Jóshwa 5:1

Kángkáng batu-Ámórit ḿbé mbe ké kyicê-kace ńké Jódan, ńkyí esû nyi e-byí i, ne kángkáng batu to ḿbé Kínan, ḿbé mbe ba-kyú u ké bukô-baya ḿbé badakó Medeterényan ba/jwo ba/fu, Óburúkpâbí oo/chi Jódan o-núng tete banet-Ézerel ba-nyáng kánké. Bushî bu-róng kámbé kanong kanong.

Jóshwa 7:5

Banet-Áyi ba-ró kámbé kyi-fím ké dyifyi ńdyí ké dyishí-bukwóp-oshê ba-ribi ké kyikit ńkyí badasé aká. Ba-ju banet nang bujam esim onyiryiká ne din, nkéré mú mbe ba-shû ng kaku ba-bâ. Kyi-fím ányi kâng, banet-Ézerel ba-zú dyityém.

Jóshwa 9:24

Mbé ba-faa ba/fu, be byi/chi éné, ǎ bonchí, ké nǎ, be byi/jwo ba/fu, nkyi ntûntû něen, Óburúkpâbí mú Osówo enen o/sét Músis mú ḿgbán emen o/fu, okye běn esí ńnyín emúmú, ba-ju to banet ḿbé mbe ba-kyú u ké nyǐ, â ba-kú ba-tín n ba-bâ. Be byi/chi éné, ké nǎ, bushî bu/chi bě ne ben kanong kanong. Ne bushî bu/mû mbu bu-chi i bě kyi-kim ne akpen eten.

Revelíshon 6:16

Mbé ba-kó eku ne aká ba/fu, myii n̂g ba-cít bě, ba-rôo bě, eringe nyí nyǐ mú mu o-kyú u ké kakyúng-butu oo*ri bě*. Ba-rôo bě, eringe nyí kafâ esa ńké Wǎn-Etám-Ebû kaa*ta bě*.