Jóshwa 2:10 - Bokyi Bible

¹⁰ Be byi/jwo eringe Óburúkpâbí o/chi baya ḿbé badakó Rêt ba-núng, ńdyí bamu ba-bâ, ké nkéré mú ba/dim ké Éjip. Be bii/jwo to eringe ba/ju Otu Síhon ne Otu Ôok, ḿbé batu-Ámórit, ké kyicê-Jódan ńkyí esû nyi e-byí i.

Jóshwa 2:10 Iomraidhean Croise

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 74:15

Wo a/chi booce ḿbú mbu bu-byí i ké bambwo bu-sen, a-chi baya ba-núng.

Nómba 20:14

Músis o-twóm banet-kyitwóm ké Kádyishi ba-ca ba-kâm otu mú Édom. Mbé ba-sét otu mú Édom ba/fu, kyitwóm ńkyín kyi/fím ne byikû-banet ḿbyí Ézerel, ḿbyí bwǎn-bané eyên. Wo amu a-nyît ng afaníkong nyí be bii/ri,

Nómba 23:22

Osówo oo/fîm kámbé ba-byí ké Éjip. Nyǐ mu o-nwa ng o-kyâ kámbé wǎ kyibî-enyam. [

Nómba 24:8

Osówo o/fîm kámbé ba-byí ké Éjip. Nyǐ mu o-nwa ng o-kyâ kámbé wǎ kyibî-enyam. Mbé mbe ba-ju ng banet-bushwôn ebe, ba-sé ng kámbé byikúú, ba-shiryi ng abán ebe.

Dyitórónómyi 2:30

Nké Otu Síhon o*da/bángê o/fu, be byishwôm ké esí emen*. Óburúkpâbí mú mu Osówo enen o/mû oo/fé ǎ dyishí eshwane o-bírî bunwa, eringe nyí be byida ǎ ekpógê byi-koo esí emen nyí byi/tôong byi-kyú u ké nyǐ.

Jóshwa 24:12

Ńdyí bamu ba-cen n ba-bâ kashú, n/chi kámbé ba-pwôo byiryibyiryi eringe nyí ndaró batu-Ámórit ḿbé ashí afee ba-chêe. Bushwám enen ne búre enen byi*da/chi chwǒm*.

Jóshwa 4:24

Ké bubwô ḿbún, kángkáng banet ḿbé mbe ké ejíí ba/chi ba-nyît eringe nyí busa ḿbú Óburúkpâbí bu/rêe, ne ben ba/chi ba-kye ǎ ofê ne banyá ne banyá.

Jóshwa 5:1

Kángkáng batu-Ámórit ḿbé mbe ké kyicê-kace ńké Jódan, ńkyí esû nyi e-byí i, ne kángkáng batu to ḿbé Kínan, ḿbé mbe ba-kyú u ké bukô-baya ḿbé badakó Medeterényan ba/jwo ba/fu, Óburúkpâbí oo/chi Jódan o-núng tete banet-Ézerel ba-nyáng kánké. Bushî bu-róng kámbé kanong kanong.

Jóshwa 9:10

ne ńkyí o/chi batu-Ámórit ashí afee, ḿbé ba/mû ba-kyú u ké kyicê-kace ńké Jódan ńkyí esû edabyí, Otu Síhon mú o/fím Héshibon ne Otu Ôok mú o/fím Báshan, mú o/mû o-kyú u ké Ashítarat.