Jóshwa 2:1 - Bokyi Bible

¹ Jóshwa o-twóm kâng banet-boǒfêp-esí bafee fím ké bampyep ḿbé ké Akákya, ké kyikit ńkyí ba/mû ba-kyú u, o-sét kámbé o/fu, baca ké kadip ba-da-ryuu kyikû kyi-kim ne esí nyí Kínan, aciringaciring oshê mú Jéríku. Ké nkéré mú banyinchéng ámbe ba/nung ké Jéríku, ba/darí ké kyise-onyi-dyikpe obónge mú odabángê Ráhap.

Jóshwa 2:1 Iomraidhean Croise

Jénésis 42:16

Onet enen obónge o-man o-bwa esim o-da-kpî ǎ. Ben burwám enen ḿbú áku ba-kyú u nyín ba-kû běn ebám tete byi-nyît â bamu ba-sét ng ntûntû. Â kyi*fí éné* nkyi ntûntû wǎ eringe nyí otu mu okpó, ben ba-chi i banet-boǒfêp-esí.

Jénésis 42:9

O/zîim barê ḿbé o/mû o/ri kyi-kim ne mbé ne o-raa ne mbé o/fu, ben ba-chi i banet-boǒfêp-esí. Ben baa/bê oshê eten kyikû ekyé ba-ri kyikit ńkyí mu kyeekyee.

Máka 6:5

Banet ejí, zîim m̂ ńkyí Otu Bálek mú Mówep o/kabe o/fu, nyǐ o-chi i běn, ne eringe nyí Bálim mú wǎn-Bého o/faa ǎ. Zîim m̂ eringe nyí ben ba/nyáng kace ńké Jódan, ké nkéré mú ba/fím Akákya ba-kú ba-wâa ng Gyígal. Zîim m̂ byěm ḿbyín ne ben ba/chi ba-nyît ńkyí me n/chi n/fu, n-nyii ng běn.

Nómba 13:1

Óburúkpâbí o-raa ne Músis o/fu,

Nómba 13:2

cá onet-dyishí obónge obónge ké byikû-banet ḿbyí banet-Ézerel diǐkpú ne byifee a-twóm kámbé wǎ banet-boǒfêp-esí ba-da-kyé kyikû kyi-kim ne esí nyí Kínan, nyí me mu n-kyâ banet-Ézerel.

Nómba 25:1

Ké nkéré banet-Ézerel ba/mû ba/bi oshê ké owo mú Akákya, banyinchéng ba/kpet erí ne banyinyi ḿbé Mówep ḿbé ba/mû ányi.

Mátyuu 1:5

Sálamon o/mû bonchí mú Bówaz. Boné-Bówaz o/mû o-bángê e Ráhap. Bówaz o/mû bonchí mú Obêt. Boné-Obêt o/mû o-bángê e Rût. Obêt o/mû bonchí mú Jésyi.

Mátyuu 10:16

Fwôo n̂g atông ba-jwo, me mu n-twóm m běn wǎ etám-ebû nyí nyi e-wâa ng e-kâm ekpang. Ben ba-man ba-chwoo byiko enen wǎ etong, ne ba-man to ba-kyú ne dyityém ńdyí degere wǎ ńdyí karúú.

Efyíshan 5:5

Nyît n̂g ńkyín ké ntûntû ba/fu, onet mú mu o-chi i byibî-byěm, o-rí i ne banet byiryibyiryi, ne o-shwam m byěm o*fí nang obónge* mú o/chi o-já mpât ké Butu ḿbú Karâs ne Osówo ne banyá*. Ké nǎ, â wo amu a-shwam m byěm, ányi kyi/byí, amu a-kyâ byěm ofê a-shwôm Osówo oyén.

Hyíburus 11:31

Kyi/mû ké dyityém efé ne Osówo nké Ráhap mú o/mû o-ryí i akpara o*da/kpú ne banet ḿbé ba/né echi ńkyí Osówo o/fu, bachi* ké ebóng, nyǐ o/koo banet-boǒfêp-esí ḿbé Ézerel kanong kanong.

Jêmsyi 2:25

Kyi/mû eringe ebónge ne onyinyi mú o/mû o-ryí i akpara, mú odabángê Ráhap. Osówo o/két mpan o-nwa ǎ ké bubwô-édúú emen, ké okoo mú o/koo banet-kyitwóm ḿbé Jûs kanong, ne ké ochwâp mú o/chwáp kámbé ba-chêe ké kiǐfáng kyikíri.

Jóshwa 1:18

Nang yeě nké o/kán ké dyishí ké ńkyí wo a/sét, o-né nang ńkyí wo a/fu, byichi, ba-man ba-ju ǎ. Fé busa a-kyú to ne dyityém dyibónge.

Jóshwa 2:2

Otu-Jéríku o-jwo ba/fu, banet-Ézerel baa/nung ké oshê ké buchú ámbu ba-bâ ebaryuu kyikû kyi-kim ne oshê.

Jóshwa 21:31

ne Hékat ne Réhop, cibicibi ne byikit-baryî-byitú ḿbyí byi/mû ké eshê ányi.

Jóshwa 3:1

Ké orî-dyicí, ké dyicófóróng pirípirí, Jóshwa ne kángkáng banet-Ézerel ba-jwóbê ba-fút bampyep ebe ba-dim ké Akákya, ba-ribi ké Jódan ba-chîbi bampyep mbe ba-bám m ba/fu, mbé banyáng kace ánke.

Jóshwa 5:10

Nkéré mú banet-Ézerel mbe ba-kyú u ké kyikit ánkyi, ńkyí nkyi ké ndege-esí mú o/fárâng ne Jéríku, mbé ba/chi dyijî-kyifen ńkyí Shwôm, ké dyikurúku, ké ací diǐkpú ne achât nyí otukáku ámu.

Jójis 18:14

Banet ámbe ashí atánge, ḿbé ba/mû ba/ce kyikû edakyé kyi-kim ne eshê nyí e/fárâng ne Láshi, ba-bí kâng barî ba/fu, ben bamu ba-nyît ng ba/fu, ké burwám-byise ḿbyín, kyise kyibónge nkyi ányi ne orím-bukye mú ba/sím ké kyichí ba-mwane kámú ne syílyíba dí. Erím-bakye ekíri to nyi ányi ne chwǒm to ńkyí badasô epé. Ben ba/kabe ba/fu, byichi nǎ.

Jójis 18:17

Banet-boǒfêp-esí ámbe ashí atánge ba-nung onǔng ké kyise-Máka ba-da-kúng orím-bukye ámu ne erím-bakye nyí áku ne chwǒm ánkyi ńkyí epé esô, ányi nchi kyifen-Osówo ámu mu to kwán ké dyifyi-oshê ne ḿbé basúja.

Jójis 18:2

Mbé ba-cá kâng banet ashí atánge ḿbé [ba/kwárê,] ké kángkáng byikû-banet-Dǎn ba-twóm kámbé ba-dim ké eshê nyí Zóra ne nyí Eshítwal, ba-sét kámbé ba/fu, bada-kyé kyikû kyi-kim ne esí. Nkéré mú ba/firi ké esí nyí Éferem nyí eku éku, ba/nung ké kyise-Máka.