Jóshwa 18:1 - Bokyi Bible

¹ Nkéré mú banet-Ézerel baa/koo esí ányi, mbé ashí kángkáng ba/bacibi kyikit kyibónge ké oshê mú Shílo, ba-bi mpyep-kyifen-Óburúkpâbí echi.

Jóshwa 18:1 Iomraidhean Croise

2 Sámwel 7:6

Kyi-fím ké nkéré mú me n/nyii banet-Ézerel ké abwô nyí banet-Éjip, tete kyi-ribi kántîk, me n*da/kyú ne ké kiǐtí-kyise-kyifen ejí echi*. Me nn/kyú ké mpyep mú badabi ké byídí, n-cen n n-wáp ng.

1 Kyîng 14:2

Otu Jérobâm o-raa ne onyi emen o/fu, yángê byiko eyên eringe onet nang obónge oo*cêe ǒ* a-ca Shílo, kyikit ńkyí Ahíja mú mkpábé mú odasét byiraa-Osówo mu o-kyú u, mú o/fu, me n/chi n-kyú otu mú Ézerel.

1 Kyîng 14:4

Nyǐ o-dim kâng o-ca kyikit-Ahíja, ké Shílo. Bukâa boo/sé Ahíja achi.

1 Kyîng 2:27

Otu Sólómon o-fîm kâng Abyǎta ké bǎmkpóngé ḿbé o/mû mu o-chi i wǎ nchi kyifen-Óburúkpâbí, ne o-chi kâng ńkyí Óburúkpâbí o/mû oo/raa ké Shílo kyi-kim ne nchi kyifen-Osówo mú odabángê Élyi ne kyikû-banet emen kyi-firi ntûntû.

Nehemyâ 9:24

Mbé ba/koo esí nyí Kínan, wo a/kpógê banet ḿbé ba/mû ba-kyú u ányi. Wo a/kye banet eyên busa ḿbú badachi eringe nyí kyi/nyîn kámbé ne banet cibicibi ne batu ḿbé Kínan.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 78:60

O-dim o-mîng mpyep-kyifen emen echi mú badabi ké kyídí, ké Shîl, ké kyise ńkyí nyǐ o/mû oo/kyú ne mbé.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 78:66

O-nwa ne banet-bushwôn emen ba-bwa esim ké nkuli kyikû-dyikpóge ńdyí éshwân.

Jeryimáya 26:6

 bamu ba-câ kashú ba-né ng echi ńkyí ba/sét běn, n/chi n-chi kâng kiǐtí-kyise-kyifen ejí echi ńkyín wǎ eringe nyí n/chi oshê mú Shílo, ne kángkáng eshê nyí ké ejíí ba/chi ba-kúng dyizîn-oshê mún wǎ kyishû.

Jeryimáya 26:9

Ebóng wo a/raa ké dyizîn ńdyí Óburúkpâbí a/fu, kiǐtí-kyise-kyifen-Osówo echi ńkyín kyi/chi kyi-firi wǎ Shílo, ne ba/chi ba-bên oshê mún, onet oo*kyú to ké mǔ*. Ne banet ámbe kâng ba-wâng mě ba-fé ké otyém.

Jeryimáya 41:5

bajam-banet banyii ba/fím Shékem ne Shílo ne Samérya ba-bâ. Ba/mû ba/pwát byiti ebe, ba-ját byídí, ba-ját byiko ebe byibáp. Ba/mû ba/kúng byiryíng ne burwan ba/fu, mbé ba-bâ ng echi kyifen ké kiǐtí-kyise-kyifen-Osówo echi.

Nómba 32:22

o-koo esí ebe. Ké nkéré ńkyí ányi kii/shwôm, ben ba-man n ebwa esim, ké nǎ, ben baa/chi ńkyí ben ba/ryí Óburúkpâbí ocím ne bánen-banet-Ézerel. Óburúkpâbí o/chi o-bángê kâng o/fu, esí nyí kyicê-Jódan ńkyí esû edabyí kyi/já běn ben.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 7:45

Ké nkéré mú kii/rí ńdyí ba/chi kámú, banchí eten ḿbé kpákpá ḿbé ba/koo mpyep ámu ne banchí ebe ba/yip kámú ba-dim ne mǔ ké nkéré mú ba/cen ne Jóshwa ba-nung ké esí nyí eshê nyí Osówo o/ró banet ké nyǐ, o-kye kámbé. Mpyep ámu o/waa ányi tete kyi-ribi ké nkéré mú Otu Dívit.

Jóshwa 18:2

Byikû-banet-Ézerel byi/mû byi/tôong káchâtkányi ḿbyí ba/mû ba*da/kyii ne esí nyí ebe ba-kye kámbé*.

Jóshwa 18:8

Banet ámbe ba-dim ba-wâa edasáng kyísí kyi-kim ne esí ányi, ányi Jóshwa oo/sét kámbé ejá ńnyín o/fu, ca n̂g ké esí ányi emúmú ba-da-sáng kyísí kyi-kim ne nyǐ, ba-bwa esim ba-kâm mě. Me kâng n/chi m-pem ne Óburúkpâbí nyín ké Shílo, ké dyímám etwóp, ké bubwô enen.

Jóshwa 19:51

Elyǎza mú nchi kyifen-Osówo ne Jóshwa mú wǎn-Nûn ne banet-ashí ḿbé byikû-banet-Ézerel ba/kyii byikim-esí ḿbyín ba-kye banet ké dyímám etwóp, eringe nyí badapem ne Óburúkpâbí, ké oshê mú Shílo, ké ocím-dyifyi mú mpyep-kyifen-Óburúkpâbí echi. Ké bukwóp ḿbún nké ba/kúng ne ba-kyii kángkáng esí ányi.

Jóshwa 21:2

ké oshê mú badakó Shílo, mú mu ké esí nyí Kínan. Ba-raa ne mbé ba/fu, Óburúkpâbí o/kye busa ké ocím mú Músis o/fu, ben kye n̂g bě eshê nyí byidakûkyú ké nyǐ, ba-kye bě to esí nyí byitú eten byidakûryí baryî ké nyǐ, fáráng ne eshê ányi.

Jóshwa 22:12

Ńdyí banet-Ézerel ámbe ba/jwo ńkyín, mbé ashí amúmú ba/dim ba-ba-cibi ké Shílo eringe nyí badadanwa byití ne byikû-banet-Ézerel ḿbé mbe ba-kyú u ké kyicê ńkyí esû edabyí.

Jóshwa 22:19

Kántîk kâng, â esí enen e*da/kwárê nyí ben badakûkye Osówo ofê ányi* bâ n̂g kwán ké esí nyí Óburúkpâbí, ké kyikit ńkyí mpyep-kyifen emen echi mu kô. Ba-man n ekoo kyicê-esí nyí eten e-firi nyí enen. Nké *da n̂g ebírî bunwa ne Óburúkpâbí* ba-chi bě to nang ochi byi-bírî bunwa ne nyǐ* ké obi mú badabi kyikit-kyifen-Osówo echi kyikíri ba-cibi ne ńkyí Óburúkpâbí mú Osówo eten*.

Jóshwa 22:9

Banet ámbe kâng ba-bwa esim dyijê. Ba-mîng banet-Ézerel ḿbé áku ké Shílo, ké esí nyí Kínan, ba-kpet ebwa esim dyijê ké esí nyí ebe, esí nyí Gyílet, nyí mbé baa/koo wǎ eringe nyí Óburúkpâbí o/sét kámbé ké ocím mú Músis.

Jójis 18:31

Orím-bukye mú Máka o/waa ányi kángkáng nkéré mú mpyep-kyifen-Osówo echi o/mû ké Shílo.

Jójis 21:12

Ké burwám-banet ámbe, mbé ba/já égot-bwǎsíng-banyinyi efee ḿbé ba*da/nyît ne onyinchéng* ba-kpî kámbé kâng ba-bâ ne mbé ké kyikit ńkyí ba/bi bampyep ebe, ké Shílo.

Jójis 21:19

Ba-kabe kâng ba/fu, dyijî-kyifen ńkyí badachi kángkáng dyije ké Shílo dii/fárâng. Shílo mu ké kyicê-bushûyû-Bétel, ne kyicê-busyísen ḿbú Lebóna, ne kyicê ńkyí esû edabyí ńkyí bukwóp ḿbú mbu ké otyém ne otyém mú Bétel ne Shékem.

1 Sámwel 1:24

Ké nkéré mú oo/byii ǎ, o-kpî ǎ o-dim ne nyǐ Shílo, o-yip to otyép-mpong mú [oo/rí aje achât] ne bakyílogaram filáwa diǐkpú ḿbé badachi berêt ne kabu-bato. O-kpî Sámwel nang ké o/mû o/tôong éné fyěet, o-ca ne nyǐ ké kyise ńkyí Óburúkpâbí ké Shílo.

1 Sámwel 1:3

Dyije nang dyirá, Ekána o-dim m ké Ryíma o-ca Shílo o-da-kye Óburúkpâbí mú o/rêe o-shwôm ofê, o-chi byifen to o-kye ǎ, ké kyikit ńkyí Hófinyi ne Fyinéhas ḿbé bwǎn-Élyi ba/mû banchi kyifen-Óburúkpâbí.