Jóshwa 17:7 - Bokyi Bible

⁷ Esí nyí Manáse e/fím ké Ásha e-ribi Myikyímétat, mú mu ké kyicê-oshê mú Shékem ńkyí esû edabyí. Buti bu-fím ányi kâng bu-jâ ké kyicê ńkyí busyísen, eringe nyí banet ḿbé Ntápwa badanung to.

Jóshwa 17:7 Iomraidhean Croise

Jénésis 34:2

Ńdyí Shékem mú wǎn-Hámo, mú o/fím Hyítat, mú o/mû otu mú kyikim-esí ánkyi o/ri ǎ, o-kpî ǎ, o-bam ǎ o-rí ne nyǐ.

Jénésis 37:12

Dyicí dyibónge, ńdyí bwǎn-bané-Josêf baa/dim Shékem ebû nyí bonchí ebe edanen,

Jénésis 37:14

Bonchí o-sét ǎ o/fu, ca a-da-ri â bwǎn-bané eyên ne byitú ḿbyí mbe ba-tún n mbe kanong, a-bwa esim a-ba-sét mě. Ne bonchí o-bwom ké owo mú Héboron, o-twóm ǎ o-dim. Josêf o/daribi ké Shékem

1 Kyîng 12:1

Otu Ryíhobâm o/dim o-ca Shékem, ké kyikit ńkyí kángkáng banet-Ézerel ḿbé kyicê ńkyí bushûyû ba/bacibi ba/fu, ba-kúng ng ǎ butu.

1 Kyîng 12:25

Otu Jérobâm mú otu-Ézerel o/bi ekpe nyí shwanshwan o-wáp oshê-Shékem, mú mu ké esí nyí eku éku, nyí Éferem, o-fé ké kafâ, o-kyú ányi ké kyikim-nkéré. O-dim kâng o-da-bi ekpe nyí shwanshwan o-wáp oshê-Pénwel o-fé ké kafâ.

1 Korónyíkil 6:67

Shékem, mú oshê-dyirem, mú mu ké eku nyí Éferem, ne Géze

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 60:6

Osówo [o/bwom ké kyikit-ociring emen] o-raa o/fu, me n/chi m-kpógê n-kyii Shékem byicê byicê n-kyii owo mú Súkot n-kye banet ejí.

Jóshwa 17:6

ké nǎ, bwǎn-bané emen ḿbé banyinyi ne ḿbé banyinchéng ba/kye kámbé esí to. Esí nyí Gyílet ba/kye banet ḿbé ba/fím ké kyikû ńkyí Manáse.

Jóshwa 17:8

Esí nyí e/fárâng Tápwa e/já Manáse nké oshê-Tápwa mú mu ké buti o/já banet ḿbé ba/fím ké kyikû ńkyí Éferem.

Jóshwa 20:7

Ké bubwô ámbu kâng, mbé ba/cá Kédeshi mú mu ké esí nyí Gályílyi, ké kyicê-kace ńké Jódan ńkyí esû edaríbî e-jâ, esí nyí Nafatályi nyí eku éku. Ba-cá to Shékem mú mu ké esí nyí Éferem nyí eku éku. Ba-cá to Héboron mú mu ké esí-Júda nyí eku éku,

Jóshwa 21:21

Ba/kye kámbé eshê enyii. Obónge ba-kó ng kámú Shékem, cibicibi ne byikit-baryî-byitú emen. Mǔ o/mû ké esí nyí Éferem nyí eku éku. Mǔ to o/mû oshê-dyirem. Ba/kye kámbé to Géze

Jóshwa 24:1

Jóshwa o-cibi kángkáng byikû-banet-Ézerel kyikit kyibónge ké Shékem. O-kó ḿbé bakínkán-banet ne ḿbé banet-ashí ne bampan bampan ne banet-ashí-basúja, ba-ba-cibi ké bushú ḿbú Osówo.

Jóshwa 24:32

Kyikwóm-enyam-byiko-Josêf ńkyí banet-Ézerel ba/kúng ké Éjip ba-dim ne nkyí, mbé ba/ryii kánkyí ányi to ké Shékem, ké kyikit-esí ńkyí Jekôp o/mû o/ré ne bwǎn-Hámo mú o/mû bonchí mú Shékem, ké bajam-byikim-syílyíba batánge. Esí ányi banet ḿbé ba/fím ké kyikû ńkyí Josêf nké ba/ryí bukyû ké nyǐ.

Jójis 9:1

Wǎn-Gyídyon mú odabángê Abyímélek o/dim o-ca ké oshê mú badakó Shékem, kyikit ńkyí bwǎn-bané-boné emen ashí amúmú mbe ba-kyú u, o-sét kámbé o/fu,