Jóshwa 17:4 - Bokyi Bible

⁴ Mbé ba/dim ba-kâm Elyǎza mú nchi kyifen-Osówo ne Jóshwa mú wǎn-Nûn ne banet-ashí-banet-Ézerel, ba-sét kámbé ba/fu, Óburúkpâbí o/mû o/sét Músis o/fu, okye bě to kyicê-esí byi-ryí bukyû ké nyǐ wǎ eringe nyí o/kye bwǎn-bané eten ḿbé banyinchéng. Nké wǎ eringe nyí Óburúkpâbí o/sét, ba/kye kámbé esí cibicibi ne bwǎn-bané ebe ḿbé banyinchéng.

Jóshwa 17:4 Iomraidhean Croise

Nómba 27:1

Mála ne Núwa ne Hógala ne Myíka ne Tyíza ba/mû bwǎn-banyinyi ḿbé Zélófahat o/fwon. Zélófahat o/mû wǎn mú Héfe. Héfe o/mû wǎn mú Gyílet, ne Gyílet o/mû wǎn-Mákyi, mú o/mû wǎn mú Manáse, ne Manáse o/mû wǎn mú Josêf.

Nómba 27:4

Ebóng ńkyí dyizîn ńdyí bonchí eten dyidatánê ké Ézerel, ké nǎ, o*fí ne wǎn-onyinchéng*. Kye bě esí ké burwám-bwǎn-bané-bonchí eten.

Nómba 36:10

Ké bubwô ámbu kâng, Mála ne Tyíza ne Hógala ne Myíka ne Núwa ḿbé bwǎn-Zélófahat ḿbé banyinyi ba/chi wǎ eringe nyí Óburúkpâbí o/sét Músis, ne mbé ba/bé banet-kyikû ebe.

Galíshan 3:28

Ne ké bubwô ámbu to kâng, banet-Jûs ne ḿbé ba*fí banet-Jûs* básóng ne banet ḿbé ba*fí básóng* banyinchéng ne banyinyi ba*da/yángê ne barî*. Ké ebóng, ben ashí amúmú bamu wǎ onet obónge ké ocibi ne Jisos Karâs.

Jóshwa 14:1

Nyín něen eringe ba/kyii esí-Kínan, ké kyicê-Jódan ńkyí esû edaríbî, ba-kye banet-Ézerel. Elyǎza mú nchi kyifen-Osówo ne Jóshwa mú wǎn-Nûn ne banet-ashí-byikû-banet-Ézerel ba/kyii esí ányi ba-kye kámbé.

Jóshwa 17:5

Éné nké kyi/cen ne ba-chîkye Manáse byikim-esí diǐkpú cibicibi ne eshê nyí Gyílet ne Báshan ḿbyí ba/mû baa/kye ǎ ké kyicê-kace ńké Jódan ńkyí esû edabyí,

Jóshwa 21:1

Banet-ashí ḿbé byikû-abóng-Lyíva ba/dim ba-kâm Elyǎza mú nchi kyifen-Osówo ne Jóshwa mú wǎn-Nûn ne banet-ashí ḿbé kángkáng byikû-banet-Ézerel,