Jóshwa 17:1 - Bokyi Bible

¹ Kyicê-esí ńkyí ké kyicê-kace ńké Jódan ńkyí esû edaríbî e-jâ ba/mû ba/kyii kányí ba-kye kyicê-banet ḿbé ba/fím ké kyikû-dyibóng-wǎn-Josêf mú okínkán, mú odabángê Manáse. Mákyi mú bonchí-Gyílet o/mû ókpá-Manáse mú onyinchéng, ne okân-nnwa byití mú o/byí dyizîn. Ké bubwô ámbu kâng, oshê mú Gyílet ne mú Báshan, nyí nyi ké kyicê-kace ńké Jódan ńkyí esû edabyí, ba/kyii kányí ba-kye ǎ.

Jóshwa 17:1 Iomraidhean Croise

Jénésis 41:51

ne o-raa o/fu, Osówo oo/chi mě n-ráp kángkáng afaníkong ejí ne kángkáng kyikû-banet ńkyí bonchí ejí. Ne o-fé wǎn emen mú mbwôp kashú dyizîn, Manáse.

Jénésis 41:52

O-chîraa to o/fu, Osówo oo/kye mě bwǎn ké esí nyí afaníkong ejí. Ne o-fé nnyinyěng-wǎn emen dyizîn, Éferem.

Jénésis 46:20

Ké Éjip, Josêf o/fwon bwǎn-banyinchéng ashí afee, Manáse ne Éferem ne onyi emen Asénat mú wǎn-Potyiféra, mú o/mû nchi kyifen ké Helópólis.

Jénésis 48:17

Kyi*da/nyîn Josêf* ńkyí bonchí emen o/yip bubwô-etyebéng o-twôom Éferem ké dyishí*. Ne o-níbî bonchí ké bubwô o/fu, nyǐ o-yángê e kámbú o-twôom ké dyishí ńdyí Manáse,

Jénésis 48:18

o-sét bonchí o/fu, *chí éné* ǎ bonchí*. Wǎn mún nké mu okínkán. Twôom ǎ bubwô-etyebéng ké dyishí.

Jénésis 50:23

O/kpen o-ri bwǎn ḿbé Éferem ne ḿbé bwǎn-Éferem ba/fwon. O/kpen to o-koo bwǎn ḿbé Mákyi mú wǎn-Manáse o/fé ké kyikû emen.

2 Sámwel 2:9

Ábina o-chi ǎ áku o-firi otu mú esí nyí Gyílet ne [Ásha] ne Jézerel ne Éferem ne Běnjámin, ne ké ntûntû, nyǐ o/mû otu mú esí-Ézerel emúmú.

1 Korónyíkil 2:23

Nké eshê nyí Géshu ne Áram e/kpógê bajam-eshê bachât ké esí ányi, cibicibi ne eshê nyí Jáyi ne Kénat ne boǒshê ḿbú bu/wáp kányí bu-fé ké kafâ. Kángkáng banet ḿbé ba/mû ba-kyú u ányi ba/mû ba/fím ké kyikû ńkyí Mákyi mú bonchí-Gyílet.

Ezékyel 47:13

Óburúkpâbí mú mu Otu Kyítá o-raa o/fu, nyín něen bati-esí ḿbé esí nyí ba/chi ba-kyii ba-kye byikû-banet diǐkpú ne byifee ḿbyí banet-Jûs. Kyikû-banet ńkyí Josêf kyi-koo ng byikim-esí byifee.

Nómba 26:29

Ké kyikû-banet ńkyí Manáse, Mákyi mú wǎn-Manáse o/mû bonchí mú Gyílet, ne byikim-banet ḿbyín byi/mû byi/fím ne Gyílet,

Nómba 27:1

Mála ne Núwa ne Hógala ne Myíka ne Tyíza ba/mû bwǎn-banyinyi ḿbé Zélófahat o/fwon. Zélófahat o/mû wǎn mú Héfe. Héfe o/mû wǎn mú Gyílet, ne Gyílet o/mû wǎn-Mákyi, mú o/mû wǎn mú Manáse, ne Manáse o/mû wǎn mú Josêf.

Nómba 32:33

Músis kâng o-kyii kángkáng kyikim-esí ńkyí Otu Síhon mú banet-Ámórit ne ńkyí Otu Ôok mú banet-Báshan o-kye byikû-banet ḿbyí Gât ne Rúben ne kyicê-kyikû-banet ńkyí Manáse.

Dyitórónómyi 21:17

O/chi o-kyii byěm ámbyi, o-kúng byikit byifee o-kye ókpá-wǎn-onyinchéng emen, nang o*fí wǎn mú onyi mú mu o-jê ng ǎ*. Onyinchéng o-man o-kye ókpá-wǎn-onyinchéng emen ofê, o-kye ǎ byěm ḿbyí ba/tî ké byije ḿbyí oshê ba/fu, byijá ǎ.

Jóshwa 17:2

Ba-kúng esí nyí Jódan emúmú nyí kyicê ńkyí esû edaríbî e-jâ, ba-kye bwǎn-Manáse ḿbé ba/waa. Mbé ba/mû ba-bángê e Abyǎza ne Hélek ne Áserel ne Shékem ne Héfe ne Shémyida. Nyín něen bwǎn-banyinchéng ḿbé ba/fím ké kyikû ńkyí Manáse mú wǎn-Josêf, ne mbé ba/mû to banet-ashí ké kyikû-dyibóng ánkyi.

Jójis 5:14

Ba/fím] ké oshê-Éferem ba-bâ [ké owo,] ba/bê kyikû-banet-Běnjámin ne banet emen ké kyikû. Banet-ashí-basúja ba/fím ké Mákyi ba-shû kyísí, banet-ashí ba-fím ké oshê-Zébélon ba-shû kyísí.