Jóshwa 16:9 - Bokyi Bible

⁹ cibicibi ne eshê ekíri ne boǒshê to bukíri nyí e/mû ké kafâ-esí nyí Manáse, nké ba/kúng kányí ba-kye banet-Éferem.

Jóshwa 16:9 Iomraidhean Croise

2 Sámwel 2:9

Ábina o-chi ǎ áku o-firi otu mú esí nyí Gyílet ne [Ásha] ne Jézerel ne Éferem ne Běnjámin, ne ké ntûntû, nyǐ o/mû otu mú esí-Ézerel emúmú.

1 Korónyíkil 7:28

Kyikim-esí ńkyí mbé ba/koo ne ba-kyú ké nkyí kyi/mû Bétel ne boǒshê ḿbú bu/wáp kánkyí bu-fé ké kafâ tete a-byí Náran ké kyicê ńkyí óbyísû odabyí, ne ké Géze ké kyicê ńkyí óbyísû odaríbî o-jâ. Eshê nyí Shékem ne Áya e/mû to ké kafâ ne boǒshê ḿbú bu/wáp kányí bu-fé ké kafâ.

Jóshwa 16:10

Nké mbé ba*da/ró banet-Kínan ḿbé ba/mû ké Géze*. Ké bubwô ámbu kâng, banet-Kínan baa/kyú ne banet-Éferem tete dyicí ńdyí kurún, ne banet-Éferem mbe ba-tírîng ng kámbé ké busa ba-chi i kámbé bǎmkpóngé wǎ básóng.

Jóshwa 16:8

Bu-fím ké Tápwa bu-jâ kyicê ńkyí esû edaríbî e-jâ bu-ribi kace ńké Kána, bu-da-kúlî ké baya ḿbé Medeterényan. Esí ńnyín nké ba/kye banet ḿbé ba/fím ké kyikû-Éferem ba/fu, baryí bukyû,

Jóshwa 17:9

Kyi-fím ányi kâng, buti bu/shû bu-jâ kyísí ké kace ńké Kána. Eshê nyí nyi ké busyísen-kace ánke e/já banet-Éferem, nang ké e/mû ké esí nyí Manáse. Buti ḿbú Manáse bu/wâa éné ké kyicê ńkyí bushûyû-kace ánke tete bu-da-nyere ké baya ḿbé Medeterényan.