Jóshwa 16:5 - Bokyi Bible

⁵ Nyín něen esí nyí e/já byikû-banet-Éferem. Buti ebe bu/kpet ké Átarot-Áda, kyicê ńkyí esû edabyí, bu-ribi oshê mú Bét-Hóron mú bushûyû.

Jóshwa 16:5 Iomraidhean Croise

2 Sámwel 2:9

Ábina o-chi ǎ áku o-firi otu mú esí nyí Gyílet ne [Ásha] ne Jézerel ne Éferem ne Běnjámin, ne ké ntûntû, nyǐ o/mû otu mú esí-Ézerel emúmú.

1 Korónyíkil 7:24

Éferem o/mû ne wǎn-onyinyi, mú o/mû o-bángê e Shíra. Shíra nké o/bi eshê nyí Bét-Hóron, nyí bushûyû ne nyí busyísen ne Ózen-Shíra.

1 Korónyíkil 7:28

Kyikim-esí ńkyí mbé ba/koo ne ba-kyú ké nkyí kyi/mû Bétel ne boǒshê ḿbú bu/wáp kánkyí bu-fé ké kafâ tete a-byí Náran ké kyicê ńkyí óbyísû odabyí, ne ké Géze ké kyicê ńkyí óbyísû odaríbî o-jâ. Eshê nyí Shékem ne Áya e/mû to ké kafâ ne boǒshê ḿbú bu/wáp kányí bu-fé ké kafâ.

Jóshwa 10:10

Óburúkpâbí o-chi banet-Ámórit ba-díp ochéé, ńdyí ba/ri basúja-Ézerel mbe ba-bâ. Banet-Ézerel ba-kpet eju kámbé ké Gyíbwon. Ba-zóngê e ne mbé ba-câ ké kyikû ba-shû ng kaku ba-câ ké kyikit ńkyí badayú kaku ánke ba-jâ ké oshê mú badakó Bét-Hóron. Ba-nwa ng ne mbé ba-câ tete ba-ribi ké busyísen-eshê nyí badakó Azéka ne Makéda.

Jóshwa 16:2

Bu-fím ányi ké Bétel bu-ribi Lûz, bu-shwôm bu-ribi Átarot-Áda, kyikit ńkyí banet-Ákit ba/mû ba-kyú u.

Jóshwa 18:13

Bu-fím ányi kâng bu-wâa ké bukô ḿbú ké busyísen-kyicê ńkyí Lûz, oshê mún ba-kó ng kámú to Bétel, bu-shwôm ányi kâng bu-shû bu-jâ kyísí ké oshê mú Átarot-Áda, ké kaku ńké nke ké kyicê-busyísen-oshê mú Bét-Hóron mú busyísen.