Jóshwa 15:8 - Bokyi Bible

⁸ ne bu-shwôm kâng bu-yú bu-jâ kyíbóng ké owo mú Hyínom, ké kyicê ńkyí busyísen-kaku, kyikit ńkyí oshê mú banet-Jébus mú badakó Jerúsélem o/mû. Bu-fím ányi kâng bu-yú bu-jâ kyíbóng-ashí-kaku ké kyicê ńkyí owo mú Hyínom ńkyí esû edaríbî e-jâ, owo mú Réfyam.

Jóshwa 15:8 Iomraidhean Croise

2 Sámwel 5:18

Banet-Fyilíta ba-ba-ribi ké ndege-esí mú Réfyam, ba-koo ba-kyú.

2 Sámwel 5:22

Banet-Fyilíta ba-bwa esim ba-jâ ké ndege-esí mú Réfyam, ba-chîkpet ekyú ányi.

2 Kyîng 23:10

Otu Josáya o/bên to kyikit ńkyí ba/mû ba-sháng ng bakye ké owo mú Hyínom, ńkyí ba/mû ba-kó ng Tófet, eringe nyí onet oo*man to ekúng wǎn emen o-chi kyifen ńkyí badashí o-kye osówo ebe mú badakó Mólek*.

1 Korónyíkil 11:4

Otu Dívit ne kángkáng banet-Ézerel ba-dim ba-da-kye oshê-Jerúsélem bunwa. Ba/mû ba-kó ng kámú Jébus, ké nkéré ámu, ne banet-Jébus ḿbé bayén-esí ányi ba/mû ba/tôong ba-kyú u ányi.

2 Korónyíkil 28:3

o-shí burwan o-kye erím-bakye ányi ké owo mú Hyínom, ne o/kúng nang bwǎn emen ḿbé banyinchéng o-chi byifen wǎ eyáré nyí badashí o-kye erím-bakye, o-leme biinunut-byěm ḿbyí banet ḿbé Óburúkpâbí o/mû o/ró ba-byí ké nkéré banet-Ézerel mbe ba-tín n ba-bâ.

Nehemyâ 11:30

ne Zánwa ne Adúlam ne boǒshê ḿbú bu/fárâng eshê ńnyín. Mbé ba/kyú to ké Lákyishi ne byifát ḿbyí byi/fárâng kámú ne Azéka ne boǒshê emen. Ányi kyi/byí kyi/fu, banet ḿbé Júda ba/kyú ké esí nyí otyém ne otyém-oshê-Byíshíba mú mu ké kyicê ńkyí busyísen ne owo mú Hyínom ké kyicê ńkyí bushûyû.

Azáya 17:5

Ézerel e/chi e-kyú wǎ kyifát-nkurung ńkyí baa/bún nkurung ké nkyí kángkáng, e-waa kafâ dyikáá wǎ kyifát ńkyí nkyi ké owo mú Réfyam, ké nkéré mú baa/fuu byiryíng ké nkyí.

Jeryimáya 19:14

Ne n-dim kâng m-mîng Tófet ké kyikit ńkyí Óburúkpâbí o/mû o/sét mě o/fu, me nsét kyitwóm emen. Me n/dim n-da-bwom ké kafâ-kiǐtí-kyise-kyifen-Osówo echi ne n-sét kángkáng banet

Jeryimáya 19:2

me n-cen ne mbé byi-shwôm ké dyifyi ńdyí Póshet, n-ca ne mbé ké owo mú Hyínom. Ké kyikit ánkyi nké me n/chi n-sét banet kyitwóm ńkyí nyǐ o/chi o-sét mě.

Jeryimáya 19:6

Ké bubwô ḿbún kâng, nkéré mu o-bâ mú baa*ba/chi ba-chîkó kyikit ńkyín Tófet* nang owo mú Hyínom*. Ba/chi ba-kûkó kánkyí owo mú banet eju.

Jóshwa 15:63

Nké banet-Júda ba*da/man eró banet-Jébus ḿbé ba/mû ké Jerúsélem*. Banet ámbe ba/tôong ba-kyú u ne banet-Júda.

Jóshwa 18:16

Bu-shû kâng ányi bu-jâ kyísí ké kyikû-kaku ńké nke kyíbóng bu-bírî kashú ké owo mú ké Hyínom, ké kyicê ńkyí bushûyû-bukô-owo mú ké Réfyam. Bu-bírî kâng ányi bu-jâ ké kyicê ńkyí busyísen, bu-shwôm ké owo mú ké Hyínom, ké kyicê-busyísen-oshê mú Jébus, ké otáng-eku mú mu ké oshê ámu, ké kyicê-oshê mú Nrógel.

Jóshwa 18:28

ne Zéla ne Hálep ne Jébus, oshê mún ba-kó ng kámú to Jerúsélem, ne Gyíbya ne Kyíryat-Jérim. Eshê diǐkpú ne enyii, cibicibi ne boǒshê ḿbú bu/wáp kányí bu-fé ké kafâ. Nyín něen esí nyí banet ḿbé ba/fím ké kyikû ńkyí Běnjámin ba/koo e-firi nyí ebe.

Jójis 1:21

Nké banet ḿbé ba/fím ké kyikû-Běnjámin ba*da/ró banet-Jébus ḿbé ba/mû ba-kyú u ké Jerúsélem*. Ne banet ḿbén ba/waa mbe ba-kyú u ányi ne banet-Běnjámin tete kurún.

Jójis 1:8

Banet-Júda ba-kye Jerúsélem bunwa, ba-koo kámú. Ba-ju banet ḿbé ba/mû ányi. Ba-bwóp okwâ ba-fé ké oshê.

Jójis 19:10

Nké onyinchéng ámu o/mû o*fí to o-ryuu ng o/fu, nyǐ o-chî ng erí dyicí ányi* nyǐ ne ósóng emen ba-dim kâng, cibicibi ne ḿgbán emen ne boonyam-atû emen bufee ne bukyúng ké mbú. Dyicí dyi/mû dii/kán, nkéré mú baa/cen ba-fárâng Jébus, ányi kyi/byí, Jerúsélem. Mú ḿgbán emen o-raa ne nyǐ kâng o/fu, ebóng bii*waa nyín byi-rí ké oshê-banet-Jébus mún*.