Jóshwa 14:9 - Bokyi Bible

⁹ Ké bubwô ḿbú ńkyí me n/chi éné, Músis o/ryí mě ocím o/fu, ké ntûntû, me ne bwǎn ejí byi-man byi-ryí bukyû ké esí nyí me n/cen ké nyǐ.

Jóshwa 14:9 Iomraidhean Croise

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 37:9

Banet ḿbé mbe ba-tî ng atyém ebe ké Óburúkpâbí ba/chi ba-já esí nyí Óburúkpâbí o/ryí ocím. Nké Óburúkpâbí o/chi o-ró byibî-banet.

Nómba 13:22

Mbé ba/ce kpá ké kyicê-esí ńkyí busyísen, ne ba-ba-ribi ké oshê mú Héboron, mú mu kyikit ńkyí byikû-banet ḿbyí Ahíman ne Shésha ne Talyimyâ, ḿbé ba/fím ké kyikim-banet ḿbé Ának ba/mû ba-kyú u. Ba/bi Héboron o-rí aje káchâtkányi ne ba-kûbi Zôn mú ké Éjip.

Dyitórónómyi 1:36

Kálep mú wǎn-Jéfúne nké nke o/chi o-nung ké nyǐ. Nyǐ kángkáng nkéré o/tî dyityém ne me, ne n/chi n-kye ǎ ne bwǎn emen esí nyí nyǐ oo/cen ké nyǐ.

Dyitórónómyi 11:24

Kángkáng ecing nyí ben ba/chi ba-cím byiká ké nyǐ e/chi e-firi nyí enen. Esí enen e/chi e-nere e-fím ké kyikim-dyikán ké busyísen, e-ribi ké eku nyí Lebánon, ké kyicê ńkyí bushûyû. E-fím ké kace ńké Yuférétyis, ké kyicê ńkyí óbyísû odabyí, e-ribi ké baya ḿbé Medeterényan, ké kyicê ńkyí óbyísû odaríbî o-jâ.

Jóshwa 1:3

Wǎ eringe nyí me m/mû n/sét Músis, me nn/kye běn esí emúmú nyí bamu ba-wâa ng ké nyǐ.

Jóshwa 14:10

Nké kan kâng achi a-ri kántîk, aje aa/byí bajam bafee esim atánge ńdyí Óburúkpâbí o/sét Músis kyiraa ánkyi. Ńkyín kyi/mû ké nkéré mú banet-Ézerel mbe ba-cen n ba-câ ké kyikim-dyikán. Nké wǎ eringe nyí Óburúkpâbí o/mû o/ryí ocím, nyǐ oo/tî mě okpó tete kurún. Kan achi a-ri, me nn/rí bajam-aje banyii esim-aje atánge,

Jójis 1:20

Wǎ eringe nyí Músis o/mû o/sét, ba/kúng Héboron ba-kye Kálep mú o/ró byikû-banet byichât, ḿbyí byi/fím ké kyikû ńkyí Ának ba-byí ké oshê ámu.