Jóshwa 14:3 - Bokyi Bible

^3-4 Músis o/mû oo/kyii esí nyí ké kyicê ńkyí esû edabyí o-kye byikû-banet-Ézerel ḿbyí áku byifee ne kyicê. Banet ḿbé ba/fím ké kyikû-banet ńkyí Josêf ba/mû ba/kyii kámbé ké byikim-byikû-banet byifee, Manáse ne Éferem. Nké Músis o/mû o*da/kye banet ḿbé ba/fím ké kyikû ńkyí Lyíva kyikim-esí nang kyibónge*. Ba/mû ba/kye kámbé eshê nyí badakyú nké nke ne byikim-akán ḿbyí badanen byitú ebe.

Jóshwa 14:3 Iomraidhean Croise

Ezékyel 45:1

Ké nkéré baa/kyii esí eringe nyí badakye kyikû-banet nang kyirá kyikim, ba/chi ba-cá kyikim kyibónge ba-kye mě me. Kyi/chi kyi-kyú bakyilómyíta diǐkpú ne kyicê ké butang ne [bakyilómyíta diǐkpú] ké baryên. Kyikim-kyikit ánkyi kyimúmú kyi/chi kyi-já Osówo.

Jóshwa 12:6

Músis ne banet-Ézerel ba/kpógê batu ḿbén bafee. Músis mú ḿgbán-Óburúkpâbí o-yip esí ebe ányi o-kye banet ḿbé ba/fím ké kyikû-Rúben ne ḿbé ba/fím ké kyikû-Gât ne kyicê-banet ḿbé ba/fím ké kyikû-Manáse, o/fu, baryí bukyû ké nyǐ.

Jóshwa 13:14

Músis o/mû o*da/kye kyikû-banet ńkyí Lyíva esí*. Wǎ eringe nyí Óburúkpâbí o/mû o/sét Músis, nyǐ o/mû mu o-kyâ kámbé kyicê-byěm ḿbyí mbe ba-shí i ké kyikit-kyifen-Osówo echi ba-kyâ Óburúkpâbí mú Osówo-Ézerel.

Jóshwa 13:16

Esí ebe e/rêe tete e-ribi Áro, ké bubwô-owo mú Ánon ne oshê mú mu ké otyém ne otyém mú owo ámu, cibicibi ne kángkáng ndege-esí mú mu kyíbóng-kaku ánke, ńké ka/fárâng ne Médéba.

Jóshwa 13:17

Esí ányi e/cít Héshibon ne kángkáng eshê nyí nyi ké ndege-esí mú kyíbóng-kaku. Ányi kyi/byí, Dyíbon ne Bámot-Bâl ne Bét-Bâl-Myôn

Jóshwa 13:8

Banet ḿbé ba/fím ké kyikû ńkyí Rúben ne ḿbé ba/fím ké kyikû ńkyí Gât ne kyicê-banet ḿbé ba/fím ké kyikû ńkyí Manáse ba/mû baa/koo esí nyí Músis mú ḿgbán-Óburúkpâbí o/kye kámbé. Esí ányi e/mû ké kyicê-kace ńké Jódan ńkyí esû edabyí.