Jóshwa 13:8 - Bokyi Bible

⁸ Banet ḿbé ba/fím ké kyikû ńkyí Rúben ne ḿbé ba/fím ké kyikû ńkyí Gât ne kyicê-banet ḿbé ba/fím ké kyikû ńkyí Manáse ba/mû baa/koo esí nyí Músis mú ḿgbán-Óburúkpâbí o/kye kámbé. Esí ányi e/mû ké kyicê-kace ńké Jódan ńkyí esû edabyí.

Jóshwa 13:8 Iomraidhean Croise

Nómba 32:19

Be bii*ba/chi byi-cibi ne mbé byi-koo esí* ké esim-Jódan nyí áku* ké nǎ, be bii/koo kyicê ńkyí eten ké kyicê-Jódan ńkyí esû edabyí.

Dyitórónómyi 3:8

Ké nkéré ámu, byi/koo esí nyí kyicê-kace-Jódan ńkyí óbyísû mu o-byí i, ké abwô nyí batu-Ámórit ámbe bafee, kyi-fím ké kace ńké Ánon tete kyi-ribi ké kaku ńké Hémon.

Jóshwa 12:1

Banet-Ézerel ba/mû baa/nwa byití ne banet ḿbé mbe ba-kyú u ké kyicê-kace ńké Jódan ńkyí esû edabyí, ba-kpógê banet ámbe, ba-koo byikit ámbyi ba-kyú. Kyi-fím ké owo mú Ánon ba-shwôm ba-dim ké kyicê ńkyí bushûyû, ńkyí owo mú Jódan, tete ba-ribi ké kaku ńké Hémon, ńké nke ké kyicê ńkyí bushûyû. Ba-kpógê batu bafee.

Jóshwa 12:6

Músis ne banet-Ézerel ba/kpógê batu ḿbén bafee. Músis mú ḿgbán-Óburúkpâbí o-yip esí ebe ányi o-kye banet ḿbé ba/fím ké kyikû-Rúben ne ḿbé ba/fím ké kyikû-Gât ne kyicê-banet ḿbé ba/fím ké kyikû-Manáse, o/fu, baryí bukyû ké nyǐ.

Jóshwa 13:7

Kántîk kâng, mu n-sét ng ǒ n/fu, kyii esí ányi a-kye byikû-banet-Ézerel ḿbyí kátángekányi, a-kye to kyicê-banet kyikíri ké kyikû-banet ńkyí Manáse, ba-ryí bukyû ké nyǐ.

Jóshwa 13:9

Esí ebe ányi e/nere tete e-ribi oshê mú badakó Áro, mú mu ké bubwô-owo mú Ánon, cibicibi ne oshê mú mu ké otyém ne otyém mú owo ámu, cibicibi to ne kángkáng ndege-esí mú mu kyíbóng-kaku, kyi-fím ké Médéba a-ribi Dyíbon.

Jóshwa 22:4

Kántîk kâng, wǎ eringe nyí Óburúkpâbí mú Osówo enen o/mû o/ryí ocím, nyǐ oo/kye barî-banet-Ézerel enen bunyîn-dyityém. Bwa n̂g dyijê kâng ba-jâ ké esí nyí ben ba/koo e-firi nyí enen, esí nyí nyi ké Jódan, ké kyicê ńkyí esû edabyí, nyí Músis mú ḿgbán-Óburúkpâbí o/kye běn.

Jóshwa 4:12

Banet ḿbé ba/fím ké kyikû ńkyí Rúben ne ḿbé ba/fím ké kyikû ńkyí Gât ne kyicê-banet ḿbé ba/fím ké kyikû ńkyí Manáse, ḿbé baa/kpá byiko-byití enwa, ba-bwóp banet ḿbé áku kashú wǎ eringe nyí Músis o/mû o/sét kámbé.

1 Sámwel 13:7

Bakíri ba-nyáng kace ńké Jódan ba-jâ ké esí nyí Gât ne Gyílet. Otu Sôl o/mû o/tôong ké Gyígal, ne banet ḿbé ba/mû ne nyǐ ba/kpet eziri banê ké byiko.