Jóshwa 13:6 - Bokyi Bible

⁶ Ńkyín kyi/cibi ne kángkáng esí nyí banet-Sádon, ḿbé mbe ba-kyú u ké esí nyí eku éku, ké otyém ne otyém mú eku nyí Lebánon ne Myíserefut-Myâm. Me n/chi n-ró banet ḿbén â banet-Ézerel ba-kú ba-bâ. A-man a-kyii esí ányi a-kye banet-Ézerel wǎ eringe nyí n/sét ǒ n/fu, chi.

Jóshwa 13:6 Iomraidhean Croise

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 80:8

Ké nkéré mú wo a/chi banet eyên ba-fem ké abwô nyí banet-Éjip, be byi/mû wǎ wo a/fím ne dyisín-kyichí ké Éjip a-ba-ró eshê ekíri nyí e/mû nyín, ne a-kwón kánkyí nyín ké esí ebe.

Nómba 33:54

Kyii n̂g esí ányi ba-kye byikû-banet ḿbyí Ézerel ké ámám etwóp, ba-kyii esí nyí e/jê ba-kye byikim-banet ḿbyí byi/jê, ne esí nyí e*da/jê* ba-kye byikim-banet ḿbyí byi*da/jê*.

Jóshwa 1:6

Fé busa a-kyú to ne dyityém dyibónge, ké nǎ, wo nké a/chi a-kyú onet-dyishí-banet ḿbén, ńdyí ba-kú ba-koo ng esí ńnyín ba-câ, nyí n/ryí banchí ebe ḿbé kpákpá ocím.

Jóshwa 11:12

Jóshwa o/koo kángkáng eshê ányi, o-kám to batu ebe, o-ju to kángkáng banet wǎ eringe nyí Músis mú ḿgbán-Óburúkpâbí o/mû o/sét ǎ.

Jóshwa 11:8

Óburúkpâbí o-chi banet-Ézerel ba-kpógê kámbé. Ba-kye kámbé bunwa ba-zóngê e ba-câ ne mbé tete ba-ribi ne mbé ké kyicê ńkyí bushûyû, ké eshê nyí badakó Myíserefut-Myâm ne Sádon, ba-ribi tete ne mbé ké kyicê ńkyí esû nyi e-byí i ké owo mú Myízipa. Bunwa ámbu bu/ce kashú tete banet-Ézerel ba-ju kángkáng banet-bushwôn ebe ámbe.

Jóshwa 13:7

Kántîk kâng, mu n-sét ng ǒ n/fu, kyii esí ányi a-kye byikû-banet-Ézerel ḿbyí kátángekányi, a-kye to kyicê-banet kyikíri ké kyikû-banet ńkyí Manáse, ba-ryí bukyû ké nyǐ.

Jóshwa 23:13

ben ba/chi ba-ri ké ntûntû ba/fu, Óburúkpâbí mú Osówo enen oo*ba/chi o-chîró eshê ńnyín ba-chêe* â ben ba-kú ba-bâ*. Nké mbé ba/chi ba-bwom běn chwǒm-bukyû wǎ kaǎtám ne wǎ dyibíng ne wǎ kachí ńké bada běn emín ké esim nang wǎ byiwong ḿbyí bada běn etím ké achi. Ne ńkyí ánkyi kyi-waa ng éné tete ba-kpú ba-man ké kiǐnínǒng-esí ńkyín, ńkyí Óburúkpâbí mú Osówo enen oo/kye běn.

Jóshwa 23:4

Me nn/kúng esí-eshê nyí e/waa n-kye byikû-byikim-banet enen n/fu, efiri nyí ebe, cibicibi ne kángkáng eshê nyí me mm/kpógê kámbé, kyi-fím ké kace ńké Jódan ké kyicê ńkyí esû edabyí tete kyi-ribi ké baya ḿbé Medeterényan, ḿbé mbe ké kyicê ńkyí esû edaríbî e-jâ.

Jóshwa 23:5

Óburúkpâbí mú Osówo enen o/chi o-chi kámbé ba-kûbwa kyikû esim ésim ké bushú enen, ne nyǐ o/chi o-ró kámbé ba-chêe, â ben ba-kú ba-câ. Ben ba/chi ba-koo esí ebe wǎ eringe nyí Óburúkpâbí mú Osówo enen oo/ryí běn ocím.