Jóshwa 13:3 - Bokyi Bible

³ cibicibi ne nyí Ábim emúmú ké kyicê ńkyí busyísen. Esí nyí fím ké kace ńké badakó Shího, ńké nke ké buti ḿbú banet-Éjip, tete a-ribi ké kyicê ńkyí bushûyû ké buti ḿbú Ékoron, esí ányi e/já banet-Kínan. Batu ḿbé Fyilíta ba/mû ba-kyú u ké Gáza ne Áshídot ne Áshíkelon ne Gât ne Ékoron.

Jóshwa 13:3 Iomraidhean Croise

Jénésis 10:6

Bwǎn ḿbé Hâm, Kúshi ne Éjip ne Lyíbya ne Kínan nké ba/mû banchí-byikû-banet ḿbé mbe ba-bángê e azîn ebe.

Jénésis 15:18

Ké dyicí ándyi kâng nké Óburúkpâbí o/ryí ocím ne Ébaram o/fu, me n/ryí ocím n/fu, n-kyâ bwǎn eyên esí ńnyín kyi-fím ké buti ḿbú Éjip tete kyi-ribi ké kace ńké Yuférétyis,

1 Kyîng 8:65

Otu Sólómon ne kángkáng banet-Ézerel ba-chi dyijî-kyifen ányi ńkyí boompyep ebi, ké ací [káchâtkányi.] Banet ba/mû ba/jé kanong kanong, ḿbé ba/fím tíbítíbí wǎ kyikit ńkyí badayú kaku, ńkyí badakó Hámat, ké kyicê ńkyí bushûyû, ne buti-Éjip ké kyicê ńkyí busyísen.

1 Korónyíkil 13:5

Ké bubwô ámbu, Otu Dívit o/kó banet-Ézerel ké oshê omúmú kyi-fím ké buti ḿbú Éjip, ḿbú busyísen kyi-byí ké kyikit ńkyí badayú kaku ńké Hámat, ńkyí nkyi ké bushûyû, ba-cibi kyikit kyibónge eringe nyí badadakúng mkpukpu-byěm-Osówo ké Kyíryat-Jérim ba-dim ne mǔ Jerúsélem.

Azáya 23:3

ba-nyáng baya ba/fu, bada-ré esang-byichí nyí mbe ba-kwón n ké Éjip ba-shee, ba-cen kasî ne ejíí emúmú.

Jeryimáya 2:18

Wo a/kabe a/fu, a-ryí i ebóng mpún â a/dim a-wâa Éjip a-kûdajwáp omu ké kace ńké Nâl. Wo a/kabe a/fu, a-ryí i ebóng mpún â a/dim a-wâa Asyírya, a-kûdajwáp omu ké kace ńké Yuférétyis.

Dyitórónómyi 2:23

Banet ḿbé oshê-Kyirît, mú baya ḿbé Medeterényan ba/wáp kámú ba-fé ké kafâ nké ba/mû ba-kyú u ké esí nyí ké bukô-baya ámbe. Mbé ba/mû ba/ju banet ḿbé Ábim, ḿbé ba/mû ba-kyú u ányi kpákpá, ba-koo kámbé esí ányi kángkáng tete ba-ribi oshê-Gáza ké kyicê ńkyí busyísen.

Jóshwa 13:13

Nké banet-Ézerel ba*da/ró banet-Géshu* ne ḿbé Máka*. Mbé ba/tôong ba-kyú u ké Ézerel.

Jójis 16:5

Batu-ashí batánge ḿbé ba/fím Fyilíta ba-dim ba-kâm onyinyi ámu. Ba-sét ǎ ba/fu, nîm Sámsin o-sét ǒ ńkyí nyǐ mu o-shwane e éné, eringe nyí be byida ǎ eman ekpógê, byi-bwá ǎ, byi-chi ǎ busa bu-man ǎ. Nang yeě ké burwám eten o-kyâ ǒ égot-byikim-syílyíba etánge ne bajam batánge.

Jójis 3:3

Banet ḿbé ba/mû ba/waa ké esí ányi ba/mû eshê-Fyilíta etánge ne banet-Kínan bamúmú ne banet-Sádon ne banet-Hyíbit ḿbé ba/mû ba-kyú u ké eku nyí Lebánon kyi-fím ké kaku ńké Bâl-Hémon tete kyi-ribi ké kyikit ńkyí badayú kaku, ńkyí badakó Hámat.

1 Sámwel 5:1

Nkéré mú banet-Fyilíta ba/koo mkpukpu-byěm-Osówo, ba/kúng kámú ké Ebenéze ba-jâ ne mǔ ké oshê ebe mú badakó Áshídot.

1 Sámwel 5:10

Ba-twóm kâng mkpukpu-byěm-Osówo o-jâ Ékoron, oshê-banet-Fyilíta okíri. Nké nkéré mú mǔ o/ribi áku, banet-oshê ámu ba/wonge ba/fu, baa/bê ne mkpukpu-byěm mú Osówo-Ézerel nyín, eringe nyí oda bě eju ashí kángkáng.

1 Sámwel 5:8

Ba-twóm banet-kyitwóm kâng ba-da-kpî batu-Fyilíta ashí atánge ba-ba-cibi kyikit kyibónge, ba-bí kámbé ba/fu, byi-chi i nǎ ne mkpukpu-byěm mú Osówo mú Ézerel. Ba-faa kámbé ba/fu, yip n̂g kámú ba-jâ ne mǔ Gât. Ba-yip kâng kámú ba-jâ ne mǔ Gât, oshê-Fyilíta okíri.

1 Sámwel 6:4

Mbé ba-bí banshâng bakye ebe ne bansô epé ebe ba/fu, be byi-twóm m kámú ebóng eyáré. Mbé ba-faa kámbé ba/fu, twóm m̂ kámú ne ekap nyí kyibî-kyirwóm ánkyi etánge nyí ba/chi ké gûl ne ekap nyí efêp to etánge nyí ba/chi ké gûl, ekap nang erá e/bwom ké dyishí-otu-banet-Fyilíta ḿbé ashí atánge. Dyizong-kyibî-kyirwóm ándyi dyibónge nké Osówo o/twóm běn ashí amúmú, o-twóm to batu ámbe ashí atánge.