Jóshwa 13:11 - Bokyi Bible

¹¹ Esí ányi e/cít oshê mú Gyílet ne esí nyí Géshu ne Máka, cibicibi ne kángkáng kaku ńké Hémon, cibicibi to ne oshê mú Báshan, tete a-ribi Saléka.

Jóshwa 13:11 Iomraidhean Croise

Jénésis 37:25

Ńdyí ba-kú ba-ryí i byiryíng, ba/bírî achi ba-ri banet-Éshimal ḿbé ba/fím Gyílet mbe ba-wâa ng Éjip. Boonyam-atû ebe bu/mû bu/tû atû nyí ba/fé burwan.

1 Korónyíkil 2:23

Nké eshê nyí Géshu ne Áram e/kpógê bajam-eshê bachât ké esí ányi, cibicibi ne eshê nyí Jáyi ne Kénat ne boǒshê ḿbú bu/wáp kányí bu-fé ké kafâ. Kángkáng banet ḿbé ba/mû ba-kyú u ányi ba/mû ba/fím ké kyikû ńkyí Mákyi mú bonchí-Gyílet.

1 Korónyíkil 5:11

Kyikû-banet ńkyí Gât kyi/mû kyi-kyú u ké bushûyû ḿbú Rúben ké esí nyí Báshan tete kyi-byí Saléka, ké kyicê ńkyí óbyísû mu o-byí i.

Nómba 32:29

â banet ḿbé Gât ne Rúben ba/nyáng kace-Jódan ba-kpá byiko-byití ké busa ḿbú Óburúkpâbí, ne â mbé ba/chwáp běn ba-kpógê, kye n̂g kámbé kâng esí nyí Gyílet e-firi myí ebe.

Dyitórónómyi 3:10

Byi/koo kángkáng esí nyí Otu Ôok mú Báshan, eshê nyí e/mû ké ndege-esí mú mu kyíbóng-kaku ne esí nyí Gyílet ne nyí Báshan tete kyi-ribi ké eshê nyí Saléka ne Édara, ké kyicê ńkyí óbyísû odabyí.

Jóshwa 11:3

O-twóm to kyitwóm ba-sét banet-Kínan ké byicê byimúmú ḿbyí kace ńké Jódan, ba-sét to banet-Ámórit ne ḿbé Hyítat ne ḿbé Périzit ne ḿbé Jébus, ḿbé mbe ba-kyú u ké esí nyí eku éku, cibicibi ne ḿbé Hyíbit, ḿbé ba/mû ba-kyú u ké kyikû-kaku ńké Hémon, ké esí nyí Myízipa.

Jóshwa 13:10

E/pwôo tete e-ribi buti ḿbú Ámon, cibicibi ne kángkáng eshê nyí e/mû ké abwô nyí otu-Ámórit, mú o/mû o-bángê e Otu Síhon, mú o/mû o-tún n oshê mú Héshibon.

Jóshwa 13:2

Esí-banet-Fyilíta emúmú ne nyí Géshu

Jóshwa 13:25

Esí nyí ebe e/cít Jáze ne kángkáng eshê nyí nyi ké Gyílet ne kyicê-esí nyí banet-Ámon tete kyi-ribi ké Áro, mú mu ké kyicê-Rába ńkyí esû nyi e-byí i.

Jóshwa 17:5

Éné nké kyi/cen ne ba-chîkye Manáse byikim-esí diǐkpú cibicibi ne eshê nyí Gyílet ne Báshan ḿbyí ba/mû baa/kye ǎ ké kyicê-kace ńké Jódan ńkyí esû edabyí,

1 Sámwel 13:7

Bakíri ba-nyáng kace ńké Jódan ba-jâ ké esí nyí Gât ne Gyílet. Otu Sôl o/mû o/tôong ké Gyígal, ne banet ḿbé ba/mû ne nyǐ ba/kpet eziri banê ké byiko.