Jóshwa 12:2 - Bokyi Bible

² Obónge o/mû o-bángê e Otu Síhon, otu-Ámórit mú o/mû onet-dyishí mú oshê mú Héshibon. Butu emen bu/ribi kyicê-oshê mú badakó Gyílet. Kyi-fím ké oshê mú Áro, mú mu ké owo mú Ánon, bu-ribi to ké [oshê mú mu] otyém ne otyém mú owo ámu, tete bu-ribi ké kace ńké Jábok, ké buti ḿbú banet-Ámon.

Jóshwa 12:2 Iomraidhean Croise

Jénésis 32:22

Ké buchú ámbu, Jekôp o/bûu nensang, o-kpî banyi emen ḿbé kashú ashí afee ne banyi emen ḿbé bwǎsíng ashí afee ne bwǎn emen ashí diǐkpú ne din, o-nyáng kace ńké Jábok.

1 Korónyíkil 5:8

ne Béla mú wǎn-Ázaz, mú wǎn-Shéma, mú kyikim-banet ńkyí Jówel. Mbé ba/mû ba-kyú u ké Áro, mú o/nere tete o-ribi Nébo, mú mu bushûyû ne Bâl-Myôn.

Nehemyâ 9:22

Wo a/kye kámbé busa ba-kpógê eshê ne batu ḿbé mbe ké esí nyí e/fárâng nyí ebe. Mbé ba/kpógê esí nyí Héshibon, nyí Otu Síhon o/mû otu, ne esí nyí Báshan nyí Otu Ôok o/mû otu.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 135:11

Batu wǎ Otu Síhon mú otu mú Ámon, ne Otu Ôok mú otu mú Báshan, ne kángkáng batu ḿbé Kínan.

Jeryimáya 48:19

Ben mú bamu ba-kyú u ké Áro, bwom m̂ ké bukwóp ba-bám. Bí n̂g banet ḿbé mbe ba-chêe ng ba-sét běn ńkyí kii/chi.

Dyitórónómyi 1:4

Ńkyín kyi/mû ké nkéré mú [Óburúkpâbí] oo/kpógê Otu Síhon mú banet ḿbé Ámórit, mú o/mû otu mú oshê mú Héshibon, ne Otu Ôok mú Báshan, mú o/mû otu mú eshê nyí Ashítarat ne Édara.

Jójis 11:13

Otu-Ámon o-faa banet-kyitwóm ámbe o/fu, nkéré mú banet-Ézerel ba/byí ké Éjip, ba/koo mě esí kyi-fím ké kace ńké Ánon tete kyi-ribi ké kace ńké Jábok ne kace ńké Jódan to. A-man a-bwa ne esí ányi a-kye mě kántîk ne bunyîn-dyityém.

Jójis 11:22

Ba-káng ké esí-banet-Ámórit emúmú kyi-fím ké Ánon ké kyicê ńkyí busyísen ba-ribi ké Jábok, ké kyicê ńkyí bushûyû, ne kyi-fím to ké kyikim-dyikán ké kyicê ńkyí esû edabyí ba-ribi ké kace ńké Jódan, ké kyicê ńkyí esû edaríbî e-jâ.