Jóshwa 11:6 - Bokyi Bible

⁶ Óburúkpâbí o-sét Jóshwa o/fu, *dachi a-shî kámbé*. Ne bankéré ḿbén ba-kûribi nencí, n-ju ng kámbé ashí kángkáng n-kye Ézerel. Wo a/chi a-chi bubyî-orá ebe bu-firi bankwa, a-shí to bamútu ebe ḿbé bubyî-orá budatut.

Jóshwa 11:6 Iomraidhean Croise

2 Sámwel 8:4

Otu Dívit o/kám égot-basúja nyí onyinchéng ámu nyíryinyi ne kyicê, ḿbé banyû bubyî-orá, o-kám to égot-basúja emen etánge etánge ké byikit bujam, ḿbé ba/mû abe kyísí. O-tî bujê-bubyî-orá ḿbú budaman etut bajam-bamútu batánge, o-bún ḿbú áku kángkáng acit bu-firi bankwa.

2 Kyîng 6:16

Elásha o-sét ǎ o/fu, *dachi a-shî*. Banet ḿbé mbe ké kyicê ńkyí eten ba/jê ba-shwôm ḿbé mbe ké ńkyí ebe.

2 Korónyíkil 20:16

Kye n̂g kámbé bunwa nencí, ké nkéré ba-kú ba-bâ ké kyikit ńkyí badayú kaku ké Zîz. Ben ba/chi ba-kwárê ne mbé ké dyishí-owo ńdyí dyi/jé ké kyikim-dyikán, fáráng ne Jérwel.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 46:10

Nyǐ mu o-raa ng o/fu, mîng n̂g bunwa, ba-nyît ba/fu, me n-chi i Osówo. Me n/rêe n-shwôm eshê kángkáng ne ejíí kángkáng.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 46:11

Óburúkpâbí mú o/rêe o-shwôm mu ne be. Osówo mú Jekôp nké mu kyikit-dyirem eten.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 46:9

Nyǐ mu o-kám m byití ké ejíí emúmú. Nyǐ mu o-bún n báre, o-bên n byíbye. Ne mu o-fâ édem ké okwâ e-shí kángkáng.

Póróvep 20:7

Ashí a-nwa ng bwǎn â mbe ne bonchí mú mu o-sét ng ntûntû ne mu o-chi i ńkyí nkyi kanong.

Azáya 30:16

Nké bamu ba-kabe ng ba/fu, â ben ba/yú ké bubyî-orá enen ḿbú budakwáng ochéé ben ba/chi ba-fem ké abwô nyí banet-bushwôn enen. Okabe enen mu kanong. Dyichêe nké ben ba/chi ba-chêe. Ben bamu ba-kabe ng ba/fu, bubyî-orá enen mbu bu-kwáng ng, nké banet ḿbé mbe ba-nwa ng ne ben ba-bâ ba/chi ba-kwáng ba-shwôm běn.

Azáya 31:1

Banet ḿbé mbe ba-câ ba-kâm Éjip ba/fu, echwáp kámbé, mbe ké busông. Mbé mbe ba-jêem m esim ké busa-byití ḿbú Éjip, ké bubyî-orá ebe ne bamútu-byití ebe ne basúja ebe. Nké ba*da/jêem esim ne Osówo Óburúkpâbí mú onong mú Ézerel* ba-bí ǎ nang obî ba/fu, ochwáp kámbé*.

Ezékyel 39:9

Banet ḿbé mbe ba-kyú u ké eshê nyí Ézerel ba/chi ba-ca ba-da-wuri byiyám-byití ḿbyí ba/chêe ba-mîng, ba-chi ekwón. Mbé ba/chi ba-kúng édem ne báre ne abán ne byíbye ne byikim-echí ba-wóngê okwâ, ne byi/chi byi-kwárê kámbé ké aje káchâtkányi.

Hozáya 14:3

Asyírya aa*man bě enyii* ne bubyî-orá-byití boo*man bě eku*. Ne banyá, bii*man to echîsét byi/fu, erím-bakye eten e-chi i Osówo eten*. Ô Óburúkpâbí, wo a-ri ng bafip ne banet ḿbé ba*fí ne onet okíri mú badabírî ba-kâm ǎ*.

Náhum 2:13

Óburúkpâbí mú o/rêe o-shwôm o/raa ne Nyínyíve o/fu, me n-chi i onet-bushwôn enen. N/chi n-shí bamútu enen ḿbé bubyî-orá budatut. N/chi n-ju basúja enen ké byití, ne n/chi n-kúng kángkáng byěm ḿbyí ben ba/koo ne banet. Banet baa*ba/chi ba-chîjwo kyi-kim ne busa enen ké ejíí*.

Dyitórónómyi 7:16

Bên n̂ oshê nang orá mú Óburúkpâbí mú mu Osówo enen o/fé běn ké abwô, *da n̂g echi ba-ri kámbé bafip*. *Da n̂g echi ba-fé erím-bakye ebe* ké nǎ, ńkyí ánkyi kyi/chi kyi-kyú běn wǎ kaǎtám.

Jóshwa 10:8

Óburúkpâbí o-sét Jóshwa o/fu, *dachi a-shî kámbé*. Me nn/chi ǒ a-kpógê kámbé. Nang onet obónge ké burwám ebe oo*ba/chi o-man ebwom bunwa ne wo*.

Jóshwa 11:5

Banet ḿbén kángkáng ba-cibi basúja ebe kyikit kyibónge ba-ba-bi bampyep-byití ebe ké kaace ńké Mérom, eringe nyí badanwa ne banet-Ézerel.

Jóshwa 11:7

Jóshwa ne kángkáng basúja emen ba-da-kye banet ámbe kâng bunwa kiǐmút ké kyikit ánkyi.

Jóshwa 11:9

Jóshwa o-chi kámbé ńkyí Óburúkpâbí o/sét ǎ o/fu, ochi kámbé. O-chi bubyî-orá ebe bu-firi bankwa, o-shí to bamútu ebe ḿbé bubyî-orá budatut.

Jóshwa 3:5

Jóshwa o-sét banet-Ézerel o/fu, soo n̂g byiko enen, ké nǎ, nencí Óburúkpâbí o/chi o-chi akat o-kye běn.

Jójis 7:9

Ké buchú ámbu, Óburúkpâbí o/sét Gyídyon o/fu, bûu nensang a-da-kye kámbé bunwa. Me mu n-chi i ǒ a-kpógê kámbé.

1 Sámwel 11:9

Ba-sét banet-kyitwóm ámbe ḿbé ba/fím Jábeshi ba/fu, sét n̂g banet enen ba/fu, ne kyi-kûribi nencí ké ńcên-esû, Óburúkpâbí o/chi o-nyii kámbé. Nkéré mú banet-Jábeshi ba/jwo ejá ányi, bunyîn-dyityém bu-sú kámbé byiko.