Jóshwa 11:3 - Bokyi Bible

³ O-twóm to kyitwóm ba-sét banet-Kínan ké byicê byimúmú ḿbyí kace ńké Jódan, ba-sét to banet-Ámórit ne ḿbé Hyítat ne ḿbé Périzit ne ḿbé Jébus, ḿbé mbe ba-kyú u ké esí nyí eku éku, cibicibi ne ḿbé Hyíbit, ḿbé ba/mû ba-kyú u ké kyikû-kaku ńké Hémon, ké esí nyí Myízipa.

Jóshwa 11:3 Iomraidhean Croise

Jénésis 31:49

Lában o-raa to o/fu, kyi/bát Óburúkpâbí okû bě etún ké nkéré mú bii/pap barî. Ba/fé to kyikit ánkyi dyizîn, Myízipa.

2 Sámwel 24:16

Nkéré mú orím mú onong mú Óburúkpâbí o/bê ebabên Jerúsélem, Óburúkpâbí o/yángê okabe emen mú odakye banet ámbe busông, ne o-raa ne orím mú o/mû mu o-ju ng kámbé o/fu, mîng, kyi/kwárê. Orím ámu o/mû ké kyikit-Arwǎna ńkyí mu o-kim m esang-byichí, o/mû onet-Jébus.

2 Sámwel 24:7

Ne ba-dim kâng ba-wâa ké kyicê ńkyí busyísen, ké oshê mú Táya mú shwaneshwane, ba-dim ba-wâa ké kángkáng eshê nyí banet-Hyíbit ne ḿbé Kínan, ne ké nryî esim, ba/dim ba-wâa Byíshíba, ké kyicê-busyísen-esí nyí Júda.

1 Kyîng 15:22

Otu Ása kâng o-twóm ejá ké eshê-Júda emúmú o/fu, nang yeě nang yeě ochwáp ba-da-kúng aká ne byichí ḿbyí Otu Básha o/mû o-kúng ng ne o-bi ng ekpe nyí ké Ríma. Otu Ása o-yip byěm ámbyi o-bi ekpe nyí e/wâng Myízipa ne Géba e-fé ké kafâ. Oshê mú Géba mu ké esí nyí Běnjámin.

1 Kyîng 9:20

Ké busa nké Otu Sólómon o/tírîng banet ḿbé ba/fím ké kyikû-banet ńkyí Kínan, ḿbé banet-Ézerel ba/mû ba*da/ju kámbé* ńdyí ba/koo kámbé esí* ba-chi bǎmkpóngé ámbe. Banet ḿbén ba-chi i banet-Ámórit ne ḿbé Hyítat ne ḿbé Périzit ne ḿbé Hyíbit ne ḿbé Jébus, ḿbé banet ḿbé ba/fím ké kyikû ebe ba/waa básóng tete kurún.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 133:3

Nkyi wǎ kyibû ńkyí nkyi ké kaku ńké Hémon, ńkyí nkyi kyi-na ng ké eku nyí Záyon. Ányi nké Óburúkpâbí oo/ryí ocím mú odakye ojware emen mú dyikpen ńdyí ne banyá.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 89:12

Wo nké a/chi ejíí emúmú. Kaku ńké Tábo ne ńké Hémon mbu bu-kyâ dyizîn eyên akpee ké bunyîn-dyityém.

Okwan 4:8

Ókyî ejí, fím ké eku nyí Lebánon a-bâ ne me ké kyikû. Shû kyíbóng-eku nyí Lebánon a-bâ ne me. Shû kyíbóng-eku nyí Ámana ne nyí Séne ne nyí Hémon, nyí ekpang nyi e-kyú u.

Jeryimáya 40:10

Me oyén n/chi n-kyú ké Myízipa n-raa ké dyishí enen â banet ḿbé Bábyílon ba/bê nyín. Nké ben ba-man n ekyú ba-kûchi byiryíng ké eshê nyí bamu ba-kyú u.

Jeryimáya 40:6

Me n/dim n-da-kyú ne Gedalyâ ké Myízipa, n-kyú ne banet ḿbé ba/mîng kámbé ányi.

Jeryimáya 41:14

ba-bírî ba-zóngê ba-kâm kámbé.

Jeryimáya 41:3

Éshimal o/ju to kángkáng banet-Ézerel ḿbé ba/mû ké Myízipa ne Gedalyâ ne basúja ḿbé Bábyílon ḿbé ba/mû ányi.

Nómba 13:29

Banet ḿbé Amálek mbe ba-kyú u ké kyicê-esí ńkyí busyísen. Ḿbé Hyítat ne Jébus ne Ámórit mbe ba-kyú u ké esí nyí eku éku. Banet ḿbé Kínan mbe ba-kyú u fáráng ne baya ḿbé badakó Medeterényan ne bakô-kace ńké Jódan.

Dyitórónómyi 4:48

Esí ńnyín e/mû e/fím ké oshê mú Áro ké bukô-káce ńké Ánon tete e-ribi ké kyicê-bushûyû ké kaku ńké [Síryon,] ányi kaku-Hémon.

Dyitórónómyi 7:1

Óburúkpâbí mú mu Osówo enen o/chi o-bâ ne ben ké esí nyí ben ba/chi ba-da-nung ba-kyú ké nyǐ, ne o/chi o-ró eshê chwóó e-byí ké esí ányi. Â ba-kú ba-cen n ba-câ, nyǐ o/chi o-ró eshê káchâtkányi nyí e/rêe, ne nyi ne busa e-shwôm běn. Eshê ányi nyi banet ḿbé Hyítat ne ḿbé Gyígashit ne ḿbé Ámórit ne ḿbé Kínan ne ḿbé Périzit ne ḿbé Hyíbit ne ḿbé Jébus.

Jóshwa 11:17

Esí ányi e/yage kyi-fím ké kaku ńké Hálak, ńké nke ké kyicê ńkyí busyísen, fáráng ne oshê mú badakó Édom, tete e-ribi Bâl-Gât, mú mu ké kyicê ńkyí bushûyû, ké owo mú Lebánon, ké kyicê-busyísen-kaku ńké Hémon. Jóshwa o/nwa byití ne batu ḿbé ba/mû ké esí ńnyín kyi-rí kanong kanong, nké nyǐ o/kám kámbé ashí amúmú o-ju.

Jóshwa 11:8

Óburúkpâbí o-chi banet-Ézerel ba-kpógê kámbé. Ba-kye kámbé bunwa ba-zóngê e ba-câ ne mbé tete ba-ribi ne mbé ké kyicê ńkyí bushûyû, ké eshê nyí badakó Myíserefut-Myâm ne Sádon, ba-ribi tete ne mbé ké kyicê ńkyí esû nyi e-byí i ké owo mú Myízipa. Bunwa ámbu bu/ce kashú tete banet-Ézerel ba-ju kángkáng banet-bushwôn ebe ámbe.

Jóshwa 13:11

Esí ányi e/cít oshê mú Gyílet ne esí nyí Géshu ne Máka, cibicibi ne kángkáng kaku ńké Hémon, cibicibi to ne oshê mú Báshan, tete a-ribi Saléka.

Jóshwa 13:5

Esí-banet-Gébal ne nyí banet-Lebánon emúmú, ké kyicê ńkyí esû edabyí, e-chi i nyí ebe, kyi-fím ké Bâl-Gât, mú mu ké kyicê ńkyí busyísen-kaku ńké Hémon, kyi-ribi ké kyikit ńkyí badayú kaku ánke, ké Hámat.

Jóshwa 15:38

ne Dyílyan ne Myízipa ne Jokityîl

Jóshwa 15:63

Nké banet-Júda ba*da/man eró banet-Jébus ḿbé ba/mû ké Jerúsélem*. Banet ámbe ba/tôong ba-kyú u ne banet-Júda.

Jóshwa 18:26

ne Myízipa ne Kéfyira ne Móza

Jóshwa 3:10

O/fu, â ben ba-kú ba-câ kashú, nyǐ o-man o-ró banet ḿbé Kínan ne ḿbé Hyítat ne ḿbé Hyíbit ne ḿbé Périzit ne ḿbé Gyígashit ne ḿbé Ámórit ne ḿbé Jébus. Ben ba/chi ba-nyît ba/fu, Osówo mú mu okpó mu ne ben,

Jójis 20:1

Kángkáng banet-Ézerel ḿbé ba/fím ké kyikû-Dǎn, ḿbé mbe ké kyicê-bushûyû tete a-ribi ké Byíshíba ké kyicê-busyísen, cibicibi to ne ḿbé ba/fím ké esí nyí Gyílet ké kyicê ńkyí esû edabyí, ba/bê kyikit ńkyí ba/kó kámbé burwám kyikit kyibónge ké bushú ḿbú Óburúkpâbí, ké oshê mú Myízipa.

Jójis 21:5

Ba-bí barî ba/fu, kyikim-banet nkyi kô nang kyibónge ké kángkáng kyikû-banet-Ézerel ḿbé ba*da/ce ocibi ne be ké Myízipa* ké bushú ḿbú Óburúkpâbí*? Mbé ba/mû baa/ryí ocím shwaneshwane ba/fu, nang yeě nké o*da/ce Myízipa* ba-man ba-ju ǎ.

Jójis 21:8

Nkéré mú ba/bí ba/fu, kyikim-banet nkyi kô nang kyibónge ké byikû-banet-Ézerel ḿbé ba*da/ce ocibi ne be ké Myízipa dí, mbé ba/ri ba/fu, nang onet obónge mú o/fím Jábeshi, ké esí nyí Gyílet, mú o/ce ne mbé o*fí*.

Jójis 3:3

Banet ḿbé ba/mû ba/waa ké esí ányi ba/mû eshê-Fyilíta etánge ne banet-Kínan bamúmú ne banet-Sádon ne banet-Hyíbit ḿbé ba/mû ba-kyú u ké eku nyí Lebánon kyi-fím ké kaku ńké Bâl-Hémon tete kyi-ribi ké kyikit ńkyí badayú kaku, ńkyí badakó Hámat.

Jójis 3:5

Ké bubwô ámbu kâng, banet-Ézerel ba/kyú ányi ne banet-Kínan ne ḿbé Hyítat ne ḿbé Ámórit ne ḿbé Périzit ne ḿbé Hyíbit ne ḿbé Jébus.

1 Sámwel 10:17

Sámwel o/kó banet-Ézerel ba-ba-cibi kyikit kyibónge ké bushú-Óburúkpâbí, ké Myízipa.