Jóshwa 11:2 - Bokyi Bible

² batu ḿbé mbe ba-kyú u ké esí nyí eku éku, nyí nyi ké kyicê ńkyí bushûyû ne ḿbé ké owo mú Jódan, ké kyicê ńkyí busyísen-baya ḿbé Gályílyi, ne ḿbé ké byikû-eku ne ḿbé Medeterényan, fáráng ne oshê mú badakó Dôo.

Jóshwa 11:2 Iomraidhean Croise

1 Kyîng 15:20

Otu Benhádat o-bángê ne ńkyí Otu Ása o/fu, o-twóm kâng bannyân byití emen ne basúja ebe ba-da-kye eshê-Ézerel bunwa. Ba-koo Éjon ne Dǎn ne Ébel-Bét-Máka, esí nyí nyi fáráng ne baya ḿbé Gályílyi, ba-koo to esí nyí Nafatályi emúmú.

1 Kyîng 4:11

Esí emúmú nyí Dôo e/mû e/já Benabyínadap mú one-Otu Sólómon, mú o/mû o-bé ng wǎn-Otu Sólómon mú odabángê Táfat.

Nómba 34:11

Bu/chi bu-jâ kâng kyicê-busyísen, ké Hábel, ké kyicê ńkyí esû edabyí, ńkyí Âan, ne bu-ca kashú ḿbú eku nyí ké bukô-baya ḿbé Gályílyi, ḿbú kyicê ńkyí esû edabyí.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 1:39

Ka*da/chîrí* Méryi o-kpá byiko o-dim ochéé óchee ké oshê mú eku éku. O-da-ribi ké oshê obónge mú mu ké Judyâ.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 5:1

Nkéré obónge, Jisos o/mû o/bwom ké bukô-baya ḿbé badakó Genézéret. Banet ba-kpet etín ba-fárâng ng ǎ ba-bâ byiraa-Osówo ebajwo.

Jóshwa 10:40

Jóshwa o/kpógê esí ányi emúmú. O-kpógê batu ḿbé mbe ba-kyú u ké esí nyí eku éku ne ḿbé mbe ba-kyú u ké esim-eku nyí kyicê ńkyí esû edabyí ne ḿbé mbe ba-kyú u ké byikû-eku nyí kyicê ńkyí esû edaríbî e-jâ cibicibi ne ḿbé ké kyikim-dyikán ké kyicê ńkyí busyísen. O*da/mîng onet nang obónge okpó*. Nyín něen ńkyí Óburúkpâbí mú Osówo-Ézerel o/mû o/sét ǎ o/fu, ochi.

Jóshwa 10:6

Banet-Gyíbwon ba-twóm kyitwóm ba-sét Jóshwa ké kyikit ńkyí ba/mû ba/bi bampyep ebe ké Gyígal, ba/fu, *dachi a-mîng bě* ǎ bonchí*. Bâ babap a-ba-chwáp bě. Batu-Ámórit bamúmú, ḿbé ba/fím esí nyí eku éku, baa/cibi basúja ebe ba-ba-kye bě bunwa.

Jóshwa 11:16

Jóshwa o/koo esí emúmú. Esí nyí eku éku ne nyí ké byikû-eku, ké kyicê ńkyí bushûyû ne ńkyí busyísen, ne kángkáng esí nyí Góshen ne kyikim-dyikán ké kyicê ńkyí busyísen, cibicibi ne owo mú Jódan.

Jóshwa 11:21

Ké nkéré ámu, Jóshwa o/ju to biǐnât-kyikû-banet ḿbé badabángê Ának, ḿbé ba/mû ba-kyú u ké esí nyí eku éku, nyí Héboron ne Dyíbyi ne Ánap, ne ké kángkáng esí nyí eku éku to nyí Júda ne Ézerel. Jóshwa o/ju kángkáng, nang onet o*da/waa*. O-bên to kángkáng eshê ebe e-nung ké ecing.

Jóshwa 12:23

ne Dôo, mú mu ké baya ḿbé Medeterényan, ne Gówim, mú mu ké [Gályílyi,]

Jóshwa 12:3

Butu emen bu/ribi to ké owo mú Jódan, kyi-fím ké baya ḿbé Gályílyi bu-ribi ké oshê mú Bét-Jéshímot, ké kyicê ńkyí busyísen, ké kyicê-baya ḿbé badakó Bukyû ńkyí esû edabyí, bu-shwôm bu-ca kashú ké kyicê ńkyí kyikû-kaku ńké Pyísaga.

Jóshwa 13:27

Ké owo mú Jódan, esí ányi e/cít Bét-Háram ne Bét-Nyímara ne Súkot ne Sáfon ne esí to emúmú nyí e/mû ké bubwô-Otu Síhon, mú otu-Héshibon. Buti ebe ḿbú ké kyicê ńkyí esû edaríbî e-jâ bu/mû ké kace ńké Jódan tete kyi-ribi ké kyicê-bushûyû-baya ḿbé Gályílyi.

Jóshwa 17:11

Ké kafâ-esí-Ézaka ne Ásha, Manáse o/mû ne eshê ányi nyí Bét-Shân ne Ébyam, cibicibi ne eshê nyí e/wáp eshê ányi e-fé ké kafâ, ne eshê ekíri to wǎ [Dôo, oshê mún ba/bi kámú ké bukô-baya ḿbé Medeterényan,] ne Ndo ne Tának ne Megído ne eshê nyí e/wáp kányí e-fé ké kafâ.

Jójis 1:27

Banet-Manáse ba*da/ró banet ḿbé ba/mû ba-kyú u ké eshê ńnyín* Bét-Shân ne Tának ne Dôo ne Ébyam ne Megído ne boǒshê to ḿbú bu/mû ányi ne mbé fáráng. Banet-Kínan ḿbén ba/waa ányi.