Jóshwa 11:16 - Bokyi Bible

¹⁶ Jóshwa o/koo esí emúmú. Esí nyí eku éku ne nyí ké byikû-eku, ké kyicê ńkyí bushûyû ne ńkyí busyísen, ne kángkáng esí nyí Góshen ne kyikim-dyikán ké kyicê ńkyí busyísen, cibicibi ne owo mú Jódan.

Jóshwa 11:16 Iomraidhean Croise

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 105:44

Nyǐ o/kye kámbé esí nyí banet bakíri, o-mîng to kámbé ba-koo byifát ebe

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 78:55

Nyǐ o/ró bayén-esí ké nkéré mú banet emen mbe ba-tín n ba-bâ. O-kyii esí ebe o-kye byikû-banet ḿbyí Ézerel, o-kúng byise ebe o-kye banet emen.

Ezékyel 17:23

ké kaku ńké Ézerel, ńké ka/nyâam ka-shwôm. Nkyí kyi/chi kyi-chi byire kyi-zím esang kyi-firi kyichí ńkyí kyinong kyinong. Dyizong-kanurung nang kará ka/chi ka-kûkyú ányi, ka-ri kyikit chee ké busi-kyichí ánkyi.

Ezékyel 36:8

Nké byichí byi/chi byi-chîchi eshǎan byi-zím byirim byi-kye běn ben banet ejí ḿbé Ézerel. Ben ba/chi ba-fyi ké byise abeabe.

Dyitórónómyi 1:7

Bú n̂g boompyep enen ba-dim ba-wâa kashú. Ca n̂g ké esí-eku éku nyí Ámórit ne ké kángkáng byikit ḿbyí mbyi ányi fáráng, ba-ca ké owo mú kace ńké Jódan ne ké esí nyí eku éku ne byikit ḿbyí ndege ńdege ne ké kyikim-esí ńkyí busyísen ne ké bukô-baya ḿbé Medeterényan. Ca n̂g ké esí nyí Kínan, ba-ca kashú ba-shwôm eku nyí Lebánon tete ba-ribi ké kiǐtí-kace ńké Yuférétyis.

Jóshwa 10:40

Jóshwa o/kpógê esí ányi emúmú. O-kpógê batu ḿbé mbe ba-kyú u ké esí nyí eku éku ne ḿbé mbe ba-kyú u ké esim-eku nyí kyicê ńkyí esû edabyí ne ḿbé mbe ba-kyú u ké byikû-eku nyí kyicê ńkyí esû edaríbî e-jâ cibicibi ne ḿbé ké kyikim-dyikán ké kyicê ńkyí busyísen. O*da/mîng onet nang obónge okpó*. Nyín něen ńkyí Óburúkpâbí mú Osówo-Ézerel o/mû o/sét ǎ o/fu, ochi.

Jóshwa 10:41

Byití ḿbyí Jóshwa o/nwa o/kpet kámbyí ké Kádyishi-Bánya, ké busyísen, tete o-ribi ké oshê mú Gáza, mú mu fáráng ne bukô-baya ḿbé Medeterényan, cibicibi ne kángkáng esí nyí nyi ké Góshen, kyi-ribi tete ké kyicê-bushûyû-oshê mú Gyíbwon.

Jóshwa 11:15

Óburúkpâbí nké o/mû o/sét Músis mú ḿgbán emen ńkyín, Músis o-yip o-sét Jóshwa, ne Jóshwa o-chi kâng wǎ eringe ba/sét ǎ. Nyǐ o/chi kángkáng byěm ḿbyí Óburúkpâbí o/mû o/sét Músis.

Jóshwa 11:2

batu ḿbé mbe ba-kyú u ké esí nyí eku éku, nyí nyi ké kyicê ńkyí bushûyû ne ḿbé ké owo mú Jódan, ké kyicê ńkyí busyísen-baya ḿbé Gályílyi, ne ḿbé ké byikû-eku ne ḿbé Medeterényan, fáráng ne oshê mú badakó Dôo.

Jóshwa 11:21

Ké nkéré ámu, Jóshwa o/ju to biǐnât-kyikû-banet ḿbé badabángê Ának, ḿbé ba/mû ba-kyú u ké esí nyí eku éku, nyí Héboron ne Dyíbyi ne Ánap, ne ké kángkáng esí nyí eku éku to nyí Júda ne Ézerel. Jóshwa o/ju kángkáng, nang onet o*da/waa*. O-bên to kángkáng eshê ebe e-nung ké ecing.

Jóshwa 12:8

Esí ányi e/cít esí nyí eku éku ne byikû-eku ké kyicê ńkyí esû edaríbî e-jâ, ne owo mú Jódan ne esim-eku nyí nyi ké kyicê-esû edabyí ne kyikim-dyikán ńkyí nkyi ké kyicê ńkyí busyísen. Esí ányi e/mû e/já banet Hyítat ne banet-Ámórit ne banet-Kínan ne banet-Périzit ne banet-Hyíbit ne banet-Jébus.

Jóshwa 9:1

Okpóge mú banet-Ézerel mbe ba-kpógê e banet o/ribi o-kâm kángkáng batu ḿbé mbe ké kyicê-Jódan ńkyí esû nyi e-ríbî ng e-jâ, ké eku ne ké byikû-eku ne ké kángkáng ndege-esí mú mu fáráng ne baya ḿbé Medeterényan, tete kyi-ribi ké Lebánon mú mu ké kyicê ńkyí bushûyû. Batu ámbe ba/mû batu-Hyítat ne ḿbé Ámórit ne ḿbé Kínan ne ḿbé Périzit ne ḿbé Hyíbit ne ḿbé Jébus.