Jóshwa 11:12 - Bokyi Bible

¹² Jóshwa o/koo kángkáng eshê ányi, o-kám to batu ebe, o-ju to kángkáng banet wǎ eringe nyí Músis mú ḿgbán-Óburúkpâbí o/mû o/sét ǎ.

Jóshwa 11:12 Iomraidhean Croise

Dyitórónómyi 7:2

Ké nkéré mú Óburúkpâbí mú mu Osówo enen oo/kúng banet ḿbén o-fé běn ké abwô enen, ba-kpógê kámbé, ba-man ba-ju kámbé ashí kángkáng. *Da n̂g echi ba-chi kyikwáré ne mbé* ba-ri nang kámbé bafip*.

Dyitórónómyi 9:3

Nké kurún, ben ba/chi ba-nyît ba/fu, Óburúkpâbí mú mu Osówo enen o/chi o-bwóp běn kashú wǎ okwâ mú odashí byěm o-câ. Nyǐ o/chi o-kpógê kámbé ké nkéré ba-kú ba-cen n ba-câ, eringe ben ba/chi ba-ró kámbé ba-ju kámbé ochéé óchee wǎ eringe nyí o/ryí ocím.

Jóshwa 10:20

Jóshwa ne banet emen ba-ju banet ámbe, nang ké bakíri ba/nwa ba-waa bakpó ké kafâ-oshê ebe, ké ekpe nyí e/wáp oshê e-fé ké kafâ.

Jóshwa 10:28

Jóshwa o/dakye banet-Makéda bunwa ké ochíchí-dyicí ándyi, o-koo kámú, o-kám to otu ebe. O-ju kángkáng banet ḿbé ba/mû ké oshê ámu. Nang onet o*da/waa*. O-ju otu-oshê ámu wǎ eringe nyí o/ju otu-Jéríku.

Jóshwa 10:30

Óburúkpâbí o-chi to banet-Ézerel ba-kpógê oshê ámu ne otu ebe. Ba-ju kángkáng banet ḿbé ba/mû ányi, nang onet o*da/waa*. Ba-ju otu-oshê ámu wǎ eringe nyí ba/mû ba/ju otu-Jéríku.

Jóshwa 10:32

Óburúkpâbí o-chi banet-Ézerel ba-kpógê banet-Lákyishi, ké nnyinyěng-dyicí mú ba/chînwa byití. Ba-ju kámbé ashí kángkáng wǎ eringe nyí ba/mû ba/chi banet-Lyíbana, nang onet obónge ké oshê o*da/waa*.

Jóshwa 10:35

Ba-waa ányi ké dyicí ándyi ba-koo oshê ámu. Ba-ju kángkáng banet ḿbé ba/mû ányi, wǎ eringe nyí ba/chi banet-Lákyishi.

Jóshwa 10:37

Ba-koo oshê ámu. Ba-ju otu-oshê ámu ne kángkáng banet ḿbé ba/mû ké kafâ-oshê ámu. Ba-ju to kángkáng banet ḿbé ba/mû ké eshê ekíri ányi fáráng. Jóshwa o-bên oshê ámu kángkáng, wǎ eringe nyí o/chi Égolon. Nang onet obónge o*da/waa okpó*.

Jóshwa 11:13

Nké banet-Ézerel ba*da/shí oshê nang obónge mú ba/bi ké kyikit ńkyí ba/mû baa/bi oshê ányi* kyi*da/shwôm Házo nké Jóshwa o/shí*.

Jóshwa 11:15

Óburúkpâbí nké o/mû o/sét Músis mú ḿgbán emen ńkyín, Músis o-yip o-sét Jóshwa, ne Jóshwa o-chi kâng wǎ eringe ba/sét ǎ. Nyǐ o/chi kángkáng byěm ḿbyí Óburúkpâbí o/mû o/sét Músis.

Jóshwa 13:6

Ńkyín kyi/cibi ne kángkáng esí nyí banet-Sádon, ḿbé mbe ba-kyú u ké esí nyí eku éku, ké otyém ne otyém mú eku nyí Lebánon ne Myíserefut-Myâm. Me n/chi n-ró banet ḿbén â banet-Ézerel ba-kú ba-bâ. A-man a-kyii esí ányi a-kye banet-Ézerel wǎ eringe nyí n/sét ǒ n/fu, chi.

Jóshwa 21:44

Óburúkpâbí o-kye kámbé bunyîn-dyityém ké esí ányi emúmú, wǎ eringe nyí nyǐ o/mû o/ryí banchí ebe ḿbé kpákpá ocím. Onet-bushwôn ebe nang obónge o*fí* mú oo/man ebwom ne mbé* ké nǎ, Óburúkpâbí o/kye busa o/fu, banet-Ézerel bakpógê banet-bushwôn ebe bamúmú.

Jóshwa 8:31

Nyǐ o/bi kánkyí wǎ eringe nyí Músis mú ḿgbán-Óburúkpâbí o/mû o/sét banet-Ézerel, wǎ eringe nyí ba/sáng ké Nwet-Músis ba/fu, bi kyikit-kyifen-Osówo echi ké aká nyí baa*kúng biǐré ne ba-két*. Banet-Ézerel bakûchi kâng byifen ányi ḿbyí byěm eshí, ba-kyâ Óburúkpâbí, ba-chi i to byifen ányi ḿbyí kyikwáré ekwárê ne Óburúkpâbí.

Jóshwa 8:8

Ké nkéré mú baa/koo kámú, shí n̂g kámú wǎ eringe nyí Óburúkpâbí o/sét. Nyín něen ńkyí me n/sét běn.

Jóshwa 9:24

Mbé ba-faa ba/fu, be byi/chi éné, ǎ bonchí, ké nǎ, be byi/jwo ba/fu, nkyi ntûntû něen, Óburúkpâbí mú Osówo enen o/sét Músis mú ḿgbán emen o/fu, okye běn esí ńnyín emúmú, ba-ju to banet ḿbé mbe ba-kyú u ké nyǐ, â ba-kú ba-tín n ba-bâ. Be byi/chi éné, ké nǎ, bushî bu/chi bě ne ben kanong kanong. Ne bushî bu/mû mbu bu-chi i bě kyi-kim ne akpen eten.