Jóshwa 10:8 - Bokyi Bible

⁸ Óburúkpâbí o-sét Jóshwa o/fu, *dachi a-shî kámbé*. Me nn/chi ǒ a-kpógê kámbé. Nang onet obónge ké burwám ebe oo*ba/chi o-man ebwom bunwa ne wo*.

Jóshwa 10:8 Iomraidhean Croise

1 Kyîng 20:13

Ké nkéré ámu, mkpábé mú odasét byiraa-Osówo o/dim o-kâm Otu Éhap, o-raa ne nyǐ o/fu, Óburúkpâbí mu o-raa ng o/fu, wo a*dachi a-shî bujê-basúja ámbe*. Nyǐ o/chi o-chi ǒ a-kpógê kámbé kurún, ne wo a/chi a-nyît a/fu, nyǐ o-chi i Óburúkpâbí.

Rúman 8:31

Ne kángkáng byěm ḿbyín ké dyityém, be byi-sét ng ebóng. Â Osówo mu mú eten, yeě odaman enwa ne be.

Dyitórónómyi 3:2

Nké Óburúkpâbí o/sét mě o/fu, *dachi eshî ǎ*. Me n/chi n-kúng ǎ ne banet emen ne kángkáng esí emen n-kye ǒ. Chi ǎ wǎ eringe nyí a/chi Otu Síhon mú otu-Ámórit, mú o/mû otu ké Héshibon.

Dyitórónómyi 7:24

O/chi o-kúng batu ebe o-fé běn ké abwô. Ben ba/chi ba-ju kámbé, ne ba/chi ba-ráp kyi-kim ne mbé. Onet o*fí mú o/chi o-man běn eku ké bukwóp*. Ba-ju ng nang yeě nang yeě.

Jóshwa 10:25

Jóshwa o-sét kámbé kâng o/fu, *da n̂g echi ba-shî* ba-kyú nang ne atyém afee*. Chi n̂g ne kángkáng busa enen, ba-kyú to ne dyityém dyibónge, ké nǎ, něen nké Óburúkpâbí o/chi o-chi kángkáng banet-bushwôn enen.

Jóshwa 10:9

Buchú ámbu bumúmú, Jóshwa ne basúja emen ba/dim ké Gyígal mbe ba-wâa ng ḿbú Gyíbwon. Ba-da-kye banet-Ámórit bunwa ḿbú ba*da/tî okabe*.

Jóshwa 11:6

Óburúkpâbí o-sét Jóshwa o/fu, *dachi a-shî kámbé*. Ne bankéré ḿbén ba-kûribi nencí, n-ju ng kámbé ashí kángkáng n-kye Ézerel. Wo a/chi a-chi bubyî-orá ebe bu-firi bankwa, a-shí to bamútu ebe ḿbé bubyî-orá budatut.

Jóshwa 8:1

Óburúkpâbí o-raa ne Jóshwa o/fu, kpî basúja eyên bamúmú a-ca ne mbé ké Áyi. *Dachi a-shî* a-zú to nang dyityém*. Me n/chi n-chi ǒ a-kpógê otu-Áyi ne banet emen ne oshê ámu, ne esí ányi e/chi e-firi nyí enen.

Jójis 6:16

Óburúkpâbí o-faa ǎ o/fu, wo a-man n echi kánkyí, ké nǎ, me n/chi n-chwáp ǒ. Wo a/chi a-ju banet-Médyan nang osông kii*sóng ǒ* wǎ a/ju onet obónge.

Jójis 7:9

Ké buchú ámbu, Óburúkpâbí o/sét Gyídyon o/fu, bûu nensang a-da-kye kámbé bunwa. Me mu n-chi i ǒ a-kpógê kámbé.

1 Sámwel 17:47

Ne nang yeě nang yeě mú mu nyín o/chi o-kúng achi emen o-ri o/fu, Óburúkpâbí oo*kúng bushwám ne byíbye ne o-nyii banet ḿbé emen*. Nyǐ mu o-kpógê ng byití, ne nyǐ o/chi o-yip běn ashí kángkáng o-fé bě ké bubwô.