Jóshwa 10:41 - Bokyi Bible

⁴¹ Byití ḿbyí Jóshwa o/nwa o/kpet kámbyí ké Kádyishi-Bánya, ké busyísen, tete o-ribi ké oshê mú Gáza, mú mu fáráng ne bukô-baya ḿbé Medeterényan, cibicibi ne kángkáng esí nyí nyi ké Góshen, kyi-ribi tete ké kyicê-bushûyû-oshê mú Gyíbwon.

Jóshwa 10:41 Iomraidhean Croise

Jénésis 10:19

tete ba-ribi ké buti-esí ḿbú banet ḿbé Kínan kyi-fím ké Sádon, ké kyicê ńkyí busyísen kyi-ribi Géra fáráng ne Gáza, tete kyi-ribi Sódom ne Gomóra ne Ádima ne Zébom fáráng ne Lásha, ké kyicê ńkyí esû nyi e-byí i.

1 Kyîng 3:5

Ké buchú ámbu, Óburúkpâbí o/byí o-kâm ǎ ké burê o-bí ǎ o/fu, wo amu a-ryuu ng a/fu, me nkye ǒ ebóng.

Zákaryâ 9:5

Oshê mú Áshíkelon o/chi o-ri ńkyín, bushî bu-róng kámú. Oshê mú Gáza o/chi o-ri kánkyí kyi-bán kámú kanong kanong. Dyizong dyibónge nké kyi/chi kyi-chi Ékoron, achi nyí badatî a-waa ng kámbé kyísí. Otu mú Gáza o/chi o-kpú, ne banet ba/chi ba-jaa ké Áshíkelon.

Nómba 13:26

ba-kâm Músis ne Éron ne kángkáng banet ḿbé Ézerel ké oshê mú Kádyishi, ké kyikim-dyikán ńkyí Páran. Mbé ba/sét kyi-kim ne byěm ḿbyí mbé ba/ri, ne ba/tông kámbé byirim-byichí ḿbyí mbé ba/bê ne mbyí.

Nómba 32:8

Éné nké banchí enen ba/chi, ké nkéré n/twóm kámbé ké Kádyishi-Bánya n/fu, bada-kyé kyikû kyi-kim ne esí ányi.

Nómba 34:4

Mbú kâng bu/chi bu-pín bu-jâ kyicê ńkyí busyísen, ḿbú kyikit ńkyí badayú kaku ké Ákárabim bu-ca kashú bu-shwôm Zîn tete bu-byí kyicê ńkyí busyísen, ké Kádyishi-Bánya. Ne mbú kâng bu/chi bu-pín ké otyém ne otyém-kyicê-bushûyû ne kyicê ńkyí esû edaríbî bu-jâ ḿbú Háza-Ráda, bu-shwôm bu-jâ Ázimon.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 8:26

Orím mú onong mú Otu Kyítá o-raa ne Fyílip o/fu, kpá byiko a-bírî busyísen, a-ca ké bukwóp ḿbú bu/fím Jerúsélem mbu bu-jâ Gáza. Banet ba*fí to ba-cen n ké bukwóp ámbu*.

Dyitórónómyi 1:19

Be byi/chi ńkyí Óburúkpâbí mú mu Osówo eten o/sét bě. Byi/dim ké kaku ńké Sána, byi-cen byi-shwôm kiimbâng ne kiinchi bushî-kyikim-dyikán ánkyi, ńkyí nkyi ké bukwóp ḿbú budajé esí-eku éku nyí banet-Ámórit. Ké nkéré mú byi/ribi Kádyishi-Bánya,

Dyitórónómyi 2:23

Banet ḿbé oshê-Kyirît, mú baya ḿbé Medeterényan ba/wáp kámú ba-fé ké kafâ nké ba/mû ba-kyú u ké esí nyí ké bukô-baya ámbe. Mbé ba/mû ba/ju banet ḿbé Ábim, ḿbé ba/mû ba-kyú u ányi kpákpá, ba-koo kámbé esí ányi kángkáng tete ba-ribi oshê-Gáza ké kyicê ńkyí busyísen.

Dyitórónómyi 9:23

Ne ké nkéré mú nyǐ o/twóm běn ké Kádyishi-Bánya o/fu, ben baca ba-da-koo esí nyí nyǐ o/fu, nyǐ o-kyâ běn, ben baa/bírî bunwa ne nyǐ, ba*da/fé dyityém ne nyǐ* ba-kye ǎ ofê*.

Jóshwa 10:12

Dyicí ńdyí Óburúkpâbí o/chi banet-Ézerel ba-kpógê banet-Ámórit, Jóshwa o/pem ne Óburúkpâbí. Nyǐ o/raa ké bushú ḿbú banet-Ézerel o/fu, ô Óburúkpâbí, chi óbyísû o-bwom ányi cip ké Gyíbwon, a-chi otukáku o-mîng ecen ké owo mú ké Ájalon.

Jóshwa 10:2

Banet-Jerúsélem bushî bu/róng kámbé kanong kanong ké ńkyí ba/jwo éné, ké nǎ, Gyíbwon o/mû o/rêe kanong kanong wǎ oshê nang orá mú mbe ne otu. Mǔ o/mû o/rêe o-shwôm Áyi, ne banet emen ba/mû bannwa byití ḿbé banong banong.

Jóshwa 11:16

Jóshwa o/koo esí emúmú. Esí nyí eku éku ne nyí ké byikû-eku, ké kyicê ńkyí bushûyû ne ńkyí busyísen, ne kángkáng esí nyí Góshen ne kyikim-dyikán ké kyicê ńkyí busyísen, cibicibi ne owo mú Jódan.

Jóshwa 11:22

Onet-Ának nang obónge o*da/waa ké esí ányi*. Nké boǒnyín-banet ámbe ba/mû ba/waa ké Gáza ne Gât ne Áshídot.

Jóshwa 15:51

ne Góshen ne Hólon ne Gyílo e/mû ányi. Eshê diǐkpú ne din, cibicibi ne boǒshê ḿbú bu/wáp kányí bu-fé ké kafâ.

Jójis 16:1

Dyicí dyibónge, Sámsin o/dim o-ca oshê-Fyilíta mú badakó Gáza. Nyǐ o/kâm onyinyi-akpara obónge ányi o-dim o-da-rí ne nyǐ.

Jójis 16:21

Banet-Fyilíta ba-kám ǎ, ba-fuu ǎ achi. Ba-kpî ǎ ba-dim ne nyǐ Gáza, ba-yip bamgbokobá ḿbé biǐré ba-fé ǎ, ba-tî ǎ ké kyibám-mgbokobá o-kûchi bǎmkpóngé ḿbé byěm ekwa ké kiǐchwóm-byěm ekwa.

1 Sámwel 6:17

Banet-Fyilíta ba/twóm ekap ányi etánge nyí ba/chi ké gûl, nyí e/bwom wǎ kyibî-orwôm ba-kye Óburúkpâbí wǎ eyáré, ba-ré dyifwá ké dyishí-byibî ebe. Ekap ányi e/bwom ké ashí-eshê nyí Áshídot ne Gáza ne Áshíkelon ne Gât ne Ékoron.