Jóshwa 10:13 - Bokyi Bible

¹³ Óbyísû o-bwom cip. Otukáku to o*da/chîcen* tete ké nkéré mú oshê-Ézerel baa/kpógê banet-bushwôn ebe. Ba/sáng ńkyín ké nwet mú Jásha, ba/fu, óbyísû o/bwom cip ké otyém-bubóng, ké kyirim-dyicí, o*da/ríbî*.

Jóshwa 10:13 Iomraidhean Croise

2 Sámwel 1:18

ne o-kye busa o/fu, batángê banet-Júda [kámú.] Ba/sáng kámú ké nwet mú Jásha.

2 Kyîng 20:10

Otu Hezekyâ o-faa o/fu, kii*sóng echi kiǐríribí kyi-yú ké [abe diǐkpú kyi-jâ kyíbóng*. Chi kánkyí kyi-bwa kyísí ké abe diǐkpú.]

Esitá 8:13

Ba/sét kyije ńkyín ba-chi nang yeě nang yeě ké kyikim-oshê nang kyirá o-nyît eringe nyí banet-Jûs badakpá byiko ḿbyí badasó banet-bushwôn ebe ewa ké nkéré dyicí ándyi dii/fyi.

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 9:7

Nyǐ o-man n ekye busa óbyísû o-mîng ebyí, ne ékpére to e-mîng esan ne buchú.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 148:3

Óbyísû ne otukáku, kye n̂g ǎ akpee. Ékpére nyí nyi e-san n, kye n̂g ǎ akpee.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 19:4

Nké [ejá] ebe nyi e-ta ng ejíí emúmú. Kyitwóm ebe nkyi kyi-ribi ng nang nyá. Osówo o/bi kyise ké bubóng o-tî óbyísû.

Azáya 24:23

Otukáku o/chi o-bírî kyifip, ne óbyísû oo*ba/chi o-chîsan*. Ké nǎ, Óburúkpâbí mú o/rêe o-shwôm o/chi o-kyú Otu. Nyǐ o/chi o-kyú Otu ké Jerúsélem, ké kaku ńké Záyon, ne banet-ashí ba/chi ba-ri busan emen ḿbú ragerage.

Azáya 38:8

Óburúkpâbí o/chi o-chi [kiǐríribí ńkyí óbyísû kyi-da-cít kyi-bwa esim ké byikit diǐkpú ḿbyí kyi/mû kii/shwôm ké kyikit ńkyí badacen ne ba-yú kyíbóng-kyise ńkyí Otu Éhaz o/bi. Ne kiǐríribí ánkyi kyi-bwa esim ké byikit diǐkpú ḿbyí kyi/mû kii/shwôm.]

Jówel 2:10

 a-kú a-cen n a-bâ, bubóng ne esí byi-kpet enáng, óbyísû ne otukáku byi-firi kyifip, nang ékpére ee*san to*.

Jówel 2:31

Óbyísû o/chi o-jîi, ne otukáku o/chi o-kûbwam shíshét wǎ baróng, ne kiǐtí-kyibî-dyicí ńdyí Óburúkpâbí dyi-bâ.

Jówel 3:15

Óbyísû ne otukáku byi/chi byi-jîi pyam, ne ékpére ee*san to*.

Habákuk 3:11

Ńdyí kasabang ńké abán eyên nyí adakwáng, ne ńké kyíbye eyên ńkyí kyidasan ka/kédê, óbyísû ne otukáku byi/bwom kyikit kyibónge.

Nómba 21:14

Nkyí nké kyi/chi ne ba-sáng ké Nwet-Byití ḿbyí Óburúkpâbí kyi-kim ne oshê mú Báhep, ké kyikim-esí ńkyí Súfa ne ewo ányi ne kace ńké Ánon

Nómba 31:2

kye banet ḿbé Médyan busông ké ńkyí mbé ba/chi banet-Ézerel. Ké nkéré mú wo aa/chi éné, wo a/chi a-kpú.

Mátyuu 24:29

 afaníkong nyí ací ányi a-man n a-bâ, óbyísû o/chi o-róng kyifip, otukáku oo*ba/chi o-chîsan* ékpére e/chi e-fím kyíbóng e-róng kyísí, ne busa ḿbú mbu bu-níbî ng byěm ḿbyín kyíbóng bu/chi bu-náng.

Mátyuu 5:45

Eringe nyí ben ba/chi ba-firi bwǎn ḿbé Bonchí enen mú kyíbóng. Ké ebóng, nyǐ mu o-chi i esû emen e-san n byibî-banet ne banet ḿbé banong eringe ebónge ké byiko. Ne nyǐ mu o-kyâ banet ḿbé mbe ba-chi i kanong ne ḿbé ba*fí ba-chi i kanong* omu.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 18:7

Osówo kâng oo*ba/chi o-két mpan o-nwa banet ḿbé nyǐ o/cá kámbé*? ḿbé mbe ba-tii ng buchú ne esû ba-kó ng ǎ*? O/chi o-bên nkéré ne o-kye kámbé ńkyí mbe ba-ryuu ng dí.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 2:20

Óbyísû o/chi o-mîng esan, otukáku o-kûbwam shíshét wǎ baróng, ne Kiǐtí-Dyicí ńdyí Otu Kyítá ńdyí ndyi ne busan ḿbú ragerage dyi-fyi.

Jóshwa 10:11

Nkéré mú banet-Ámórit mbe ba-chêe ng ba-shû ng kaku ba-câ ké kyikit ánkyi, Óburúkpâbí o/chi biimbâng-abíp byi-kûróng byi-câ kámbé ké byiko tete ba-ribi Azéka. Abíp ányi a/ju banet ba-jê ba-shwôm ḿbé banet-Ézerel ba/ju.

Jóshwa 10:14

Dyizong-dyicí něen dyi/mû dyi*da/chi ne ne banyá ne banyá* ńdyí Óburúkpâbí o/chi ńkyí onet o/sét ǎ*. Óburúkpâbí o/nwa o-kye banet-Ézerel.

Revelíshon 21:23

Oshê-Jerúsélem o*fí o-ryuu ng o/fu, nang esû nang otukáku byikûsan ké mǔ*. Ké ebóng, busan-Osówo ḿbú ragerage mbu bu-san n ké mǔ, ne Wǎn-Etám-Ebû o-chi i otyuryíkáng mú emen.

Revelíshon 6:10

Mbé ba/wonge ké ejá kyíbóng kyíbóng ba/fu, Otu Kyítá mú kángkáng busa, mú mu kanong ne o-sét ng ntûntû, ka-rí i nǎ ne kyi-byí nkéré mú wo a/chi a-pan banet ḿbé ké ejíí mpan a-kye kámbé busông, ké nǎ, mbé ba/ju bě.

Revelíshon 6:12

M-bwa n-chîtún n-ri Wǎn-Etám-Ebû ké o/ját o-bâa nnyinyěng-ekap, ányi ké ekap nyâchât. Esí e-náng kanong kanong, ne óbyísû o-firi pyampyam wǎ kiipyimpyam-kyídí-dyikán eta, ne otukáku omúmú o-firi shíshét wǎ baróng.

Revelíshon 8:12

Orím mú onong ké ashí anyii o-jwá kâng ntán mú emen. Chwǒm kyi-kíbî kyicê-óbyísû kyibónge ne kyicê-otukáku kyibónge ne kyicê-ékpére kyibónge, â a/kyii kámbyí ké byicê byichât, kyi-chi kyikim-kiinwángé ebe kyibónge, â a/kyii kánkyí ké byikim byichât, kyi-firi kyifip. Kiinwángé kyi/mû kyi*fí ké kyikim-dyicí kyibónge* â a/kyii kándyí ké byikim byichât. Eringe ebónge to ne kyikim-buchú kyibónge, â a/kyii kámbú ké byikim byichât.

Jójis 16:28

Sámsin o-fé kâng nshwam o/fu, Óburúkpâbí mú mu Otu Kyítá, zîim mě, kamgbe. Chî mě ekye-busa ejí kampén kabónge nké nke, ǎ Osówo, eringe nyí ké ocím-okwâ mún obónge, ndaman esó banet-Fyilíta ewa nang ké achi ejí nyí ba/fuu mě.

Jójis 5:2

Ba/fu, kpee n̂g Óburúkpâbí. Banet-Ézerel ba/tigi ne dyityém ba/fu, mbé ba-nwa ng byití. Banet-Ézerel ba/bángê abwô afee ne bunyîn-dyityém.