Jóshwa 10:10 - Bokyi Bible

¹⁰ Óburúkpâbí o-chi banet-Ámórit ba-díp ochéé, ńdyí ba/ri basúja-Ézerel mbe ba-bâ. Banet-Ézerel ba-kpet eju kámbé ké Gyíbwon. Ba-zóngê e ne mbé ba-câ ké kyikû ba-shû ng kaku ba-câ ké kyikit ńkyí badayú kaku ánke ba-jâ ké oshê mú badakó Bét-Hóron. Ba-nwa ng ne mbé ba-câ tete ba-ribi ké busyísen-eshê nyí badakó Azéka ne Makéda.

Jóshwa 10:10 Iomraidhean Croise

2 Sámwel 22:15

O-ché abán emen, ne banet-bushwôn emen ba-pwôo byiryibyiryi, nyǐ o/chi kámbé ba-kpet ezóngê ba-ca, ké kasabang emen ńké ka/kédê.

1 Kyîng 9:17

ne Otu Sólómon o-bwât kámú o-bi. O/chi kámbé to ké busa ba-bi oshê-Bét-Hóron mú busyísen

2 Korónyíkil 14:12

Óburúkpâbí o/kpógê basúja ḿbé Sudân ké nkéré Otu Ása ne basúja ḿbé Júda ba/kye kámbé bunwa. Ḿbé Sudân ba-chêe.

2 Korónyíkil 25:13

Ké nkéré ámu, basúja ḿbé Ézerel, ḿbé Otu Amazáya o*da/bángê kámbé ba-ca byití ne nyǐ ké kyikû* ba/kye bunwa ké eshê nyí Júda, ké otyém ne otyém mú Samérya ne Bét-Hóron, ba-ju égot-banet onyiryiká, ba-koo byěm chwóó.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 18:14

Nyǐ o-ché banet-bushwôn emen abán, o-chi kámbé ba-firi byiryibyiryi. Nyǐ o-chi kámbé ba-ribi ne ochéé ké kasabang ńké mu o-két ng.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 44:3

Banet eyên ba*da/kúng bushwám ebe ne ba-kpógê esí ányi ba-koo*. Ba*da/koo kányí ké busa ḿbú ebe*. Kyi/mû ké bubwô eyên ne busa eyên ne osêt mú a/sét kámbé ntûntû a/fu, wo oyén a-kyú u ne mbé nké kyi/tông kyi/fu, mbé mbe ba-jê ng ǒ.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 68:14

Osówo mú o/rêe o-shwôm o/chi abíp a-róng ké nkéré o/chi batu ba-firi byiryibyiryi ké kaku ńké Zámon.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 78:55

Nyǐ o/ró bayén-esí ké nkéré mú banet emen mbe ba-tín n ba-bâ. O-kyii esí ebe o-kye byikû-banet ḿbyí Ézerel, o-kúng byise ebe o-kye banet emen.

Azáya 28:21

Óburúkpâbí o/chi o-nwa bunwa wǎ eringe nyí o/nwa ké kaku ńké Perázim ne ké owo mú Gyíbya, eringe nyí odachi ńkyí nyǐ o/fu, nyǐ o-chi i, nang ké banet ba*fí ba-nyît ng kyi-kim ne ńkyí mu o-chi i*. Nyǐ o/chi o-man akat-bǎmkpóngé emen.

Azáya 30:30

Óburúkpâbí o/chi o-chi nang yeě nang yeě o-jwo ejá emen nyí nyi ne busa, o-jwo to busa ḿbú kafâ esa emen ké bumang-okwâ ne afú nyí aryên ne abíp ne omu mú oryên.

Jeryimáya 34:7

ké nkéré mú basúja ḿbé otu mú Bábyílon mbe ba-kyâ Jerúsélem bunwa. Basúja ámbe ba/mû mbe ba-kyâ to Lákyishi ne Azéka bunwa. Eshê ńnyín nké nke e/mû e/waa ké Júda nyí ba/mû ba/bi ekpe ba-wáp kányí ba-fé ké kafâ.

Zákaryâ 14:3

Óburúkpâbí o/chi o-dim kâng o-da-nwa byití ne eshê ányi wǎ eringe nyí o/mû o/nwa ké nkéré mú o/shwôm ké esim.

Dyitórónómyi 7:23

Óburúkpâbí o/chi o-fé běn banet-bushwôn enen ké abwô, o-fé kámbé bushî tete ba-ju kámbé.

Jóshwa 10:11

Nkéré mú banet-Ámórit mbe ba-chêe ng ba-shû ng kaku ba-câ ké kyikit ánkyi, Óburúkpâbí o/chi biimbâng-abíp byi-kûróng byi-câ kámbé ké byiko tete ba-ribi Azéka. Abíp ányi a/ju banet ba-jê ba-shwôm ḿbé banet-Ézerel ba/ju.

Jóshwa 10:28

Jóshwa o/dakye banet-Makéda bunwa ké ochíchí-dyicí ándyi, o-koo kámú, o-kám to otu ebe. O-ju kángkáng banet ḿbé ba/mû ké oshê ámu. Nang onet o*da/waa*. O-ju otu-oshê ámu wǎ eringe nyí o/ju otu-Jéríku.

Jóshwa 10:9

Buchú ámbu bumúmú, Jóshwa ne basúja emen ba/dim ké Gyígal mbe ba-wâa ng ḿbú Gyíbwon. Ba-da-kye banet-Ámórit bunwa ḿbú ba*da/tî okabe*.

Jóshwa 11:8

Óburúkpâbí o-chi banet-Ézerel ba-kpógê kámbé. Ba-kye kámbé bunwa ba-zóngê e ba-câ ne mbé tete ba-ribi ne mbé ké kyicê ńkyí bushûyû, ké eshê nyí badakó Myíserefut-Myâm ne Sádon, ba-ribi tete ne mbé ké kyicê ńkyí esû nyi e-byí i ké owo mú Myízipa. Bunwa ámbu bu/ce kashú tete banet-Ézerel ba-ju kángkáng banet-bushwôn ebe ámbe.

Jóshwa 12:16

ne Makéda ne Bétel

Jóshwa 15:35

ne Jámut ne Adúlam ne Sóko ne Azéka

Jóshwa 15:41

ne Géderot ne Bét-Dágon ne Náma ne Makéda. Eshê onyiryiká ne din, cibicibi ne boǒshê ḿbú bu/wáp kányí bu-fé ké kafâ.

Jóshwa 16:3

Bu-shwôm ányi kâng bu-wâa kyicê ńkyí esû edaríbî e-jâ, ké esí nyí banet-Jéfelet, tete bu-ribi ké oshê-Bét-Hóron, mú busyísen. Bu-fím ányi bu-ribi ké Géze, bu-da-tî dyishí ké Medeterényan.

Jóshwa 16:5

Nyín něen esí nyí e/já byikû-banet-Éferem. Buti ebe bu/kpet ké Átarot-Áda, kyicê ńkyí esû edabyí, bu-ribi oshê mú Bét-Hóron mú bushûyû.

Jóshwa 21:22

ne Kyibizam ne Bét-Hóron, cibicibi ne byikit-baryî-byitú ebe.

Jójis 4:15

Nkéré mú Bérek ne basúja emen ba/kye bunwa, Óburúkpâbí o-chi Sisárá o-firi yógeyóge, cibicibi ne kángkáng bamútu emen ámbe ne banet emen. Sisárá o-shû ké mútu emen o-chêe o-dim byiká kyísí.

Jójis 4:16

Bérek o-rim ne bamútu ne basúja ámbe ké kyikû ba-ribi ké Haróshet. Ba-ju basúja-Sisárá kángkáng, nang ocincing o*da/waa*.

Jójis 5:20

Ékpére e/bwom kyíbóng e-nwa bunwa, nkéré mú e/cen e-nyáng bubóng, e/nwa byití ne Sisárá.

1 Sámwel 13:18

kyikim ńkyí kyibónge ba-bírî kashú ḿbú Bét-Hóron, ne ńkyí kyibónge to ba-wâa ḿbú buti, kyíbóng-ndege-esí mú Zébom ne kyikim-dyikán.

1 Sámwel 17:1

Banet-Fyilíta ba/bacibi barî ké byití enwa, ké oshê mú badakó Sóko. Oshê ámu mu ké esí nyí Júda. Ba-bi bampyep-byití ebe ké kyikit ńkyí badakó Efyis-Damim, ké otyém ne otyém mú Sóko ne Azóka.