Jóshwa 10:1 - Bokyi Bible

¹ Otu Adónyizédek mú otu-Jerúsélem o/jwo ba/fu, Jóshwa oo/koo Áyi o-bên kámú nang kaǎchwóm ka*da/waa* o-ju to otu ebe o-cibi ányi, wǎ eringe nyí o/chi Jéríku ne otu ebe. O-jwo to ba/fu, banet-Gyíbwon baa/chi kyikwáré ne banet-Ézerel, ne ba-kú ba-kyú u ne mbé to.

Jóshwa 10:1 Iomraidhean Croise

Jénésis 14:18

Ne Otu Mekyízédek, mú o/mû otu mú Sélim, ne o/mû to nchi kyifen mú Osówo mú kyíbóng kyíbóng, o/bê ne berêt ne bato o-ba-kye Ébaram,

Hyíburus 7:1

Otu Mekyízédek mún o/mû otu mú Sélim, ne o/mû to nchi kyifen-Osówo, Osówo mú kyíbóng kyíbóng. Ké nkéré mú Ébarahâm mu o-fyi ng byití ḿbyí o/ju batu, Otu Mekyízédek o/kwárê ne nyǐ o-jware ǎ.

Jóshwa 10:3

Otu Adónyizédek o-twóm kyitwóm ńkyín kâng ba-kye Otu Hóham mú otu-Héboron ne Otu Pyíram mú otu-Jámut ne Otu Jáfya mú otu-Lákyishi ne Otu Dyíbyi mú otu-Égolon o/fu,

Jóshwa 6:21

Ba-zú bushwám ba-ju kángkáng banet ḿbé ba/mû ké oshê ámu, banyinchéng ne banyinyi ne bwǎsíng ne bakâa. Ba-ju to bampong ne etám-ebû ne boonyam-atû.

Jóshwa 8:2

A/chi a-chi oshê ámu ne otu ebe ńkyí a/chi Jéríku ne otu ebe. Nké ntáng mún, wo a-man n ekoo byěm ebe ne byitú ebe byi-firi ḿbyí enen. Kpá byiko a-kye kámbé bunwa kiǐmút ké esim nyí áku.

Jóshwa 8:21

Nkéré mú Jóshwa ne banet emen ba/ri ba/fu, banet ebe ḿbé áku baa/koo oshê ámu, ne baa/mee okwâ ba-fé ké mǔ, ba-bírî esim ba-kpet eju banet-Áyi.

Jóshwa 9:3

Nké banet-Gyíbwon, ḿbé ba/mû banet-Hyíbit, ba/jwo ńkyí Jóshwa o/chi banet-Jéríku ne ḿbé Áyi.