Jóshwa 1:9 - Bokyi Bible

⁹ Zîim a/fu, me nn/sét ǒ n/fu, fé busa a-kyú to ne dyityém dyibónge. *Dachi a-shî* a-jwâa asa* ké nǎ, me Óburúkpâbí mú Osówo eyên, me mu ne wo nang a-ca nyá nang a-ca nyá.

Jóshwa 1:9 Iomraidhean Croise

Jénésis 28:15

Zîim a/fu, me n/chi n-kyú ne wo, n-ku ǒ nang nyá nké a/jé, ne n/chi m-bwa ne wo esim ké esí ńnyín. Me mm*ba/chi m-mîng ǒ* tete n-chi kángkáng byěm ḿbyí n/ryí ǒ ocím.

Jénésis 39:2

Óburúkpâbí o/mû ne Josêf ké kyikû, ne o/chi ǎ o-firi kiǐtí-onet. Josêf o/mû o-kyú u ké kyise ńkyí bonchí emen mú ké Éjip,

Jénésis 39:3

mú o/ri o/fu, Óburúkpâbí o/mû ne nyǐ ké kyikû ne nang ebóng chwǒm ńkyí Josêf o/chi kyi-kyú u kanong.

2 Sámwel 13:28

O-sét bǎmgbán emen o/fu, kan n̂ achi, â Ámyinon oo/jwáp bato kanong kanong, ne â n/kye kâng busa, ju n̂g ǎ. *Da n̂g eshî*. Me oyén n/chi n-kúng busông ámbu. Shwane ê dyityém, ne *da n̂g ebên nkéré*.

1 Korónyíkil 28:20

Otu Dívit o-raa ne Sólómon o/fu, fé busa, a-kyú to ne dyityém dyibónge. Kpet bǎmkpóngé ámbe, *damîng chwǒm nang kyibónge kyi-chi ǒ a-mîng kámbé*. Osówo Óburúkpâbí mú me mu n-kyâ ǎ ofê o/chi o-kyú ne wo. Oo*ba/chi o-mîng ǒ*. Nké nyǐ o/chi o-kyú ne wo tete a-man bǎmkpóngé ḿbé mbe ké kiǐtí-kyise-kyifen emen echi.

2 Korónyíkil 15:7

Nké ben ba-man ba-bwom shwaneshwane. *Da n̂g ejwâa asa*. Eyáré e/chi e-kyú ké bǎmkpóngé ḿbé bamu ba-chi i.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 46:7

Óburúkpâbí mú o/rêe o-shwôm mu ne be. Osówo mú Jekôp nké mu kyikit-dyirem eten.

Azáya 41:10

*Da n̂g echi ba-shî* me mu ne ben. Me n-chi i Osówo enen. *Da n̂g echi ba-shî nang chwǒm kyibónge*. Me n/chi n-chi běn ba-shwane, n-nyángê běn. Me n/chi n-ku běn ké afaníkong, n-nyii běn.

Azáya 43:1

Óburúkpâbí mú o/chi běn, ǎ Ézerel, mu o-sét ng běn o/fu, *da n̂g eshî* me n/chi n-nyii běn. Me nn/kó běn ké dyizîn ńdyí n/kye běn, ben ba/já mě.

Azáya 43:5

*Da n̂g echi ba-shî* me mu ne ben. N/chi n-fyi ne banet enen kyi-fím ké byikit ḿbyí tíbítíbí ḿbyí esû nyi e-byí i ne ḿbyí nyi e-ríbî ng.

Azáya 8:12

*dachi a-kyú ne abwô ké byěm ḿbyí banet mbe ba-chi i* ne *dachi a-shî byěm ḿbyí mbé mbe ba-shî ng*.

Dányel 10:19

Nyǐ o/raa o/fu, wo amu a-jê ng Osówo. Ké bubwô ámbu, *damîng chwǒm nang kyibónge kyi-kédê ǒ ofong* kyi-fé ǒ nang bushî*. Ké nkéré nyǐ o/raa ńkyín, busa bu/bwa bu-nung mě onǔng bu-shwôm, ne n-raa n/fu, bonchí, sét mě ńkyí ada mě esét. Wo aa/chi mě n-firi kanong.

Hágya 2:4

Nké asa a*dachi a-jwâa onet nang obónge*. Chi n̂g bǎmkpóngé ba-ca kashú, ké nǎ, me mu ne ben.

Hágya 2:5

Ké nkéré ben ba/byí ba-mîng Éjip, me n/ryí ocím n/fu, n-kyú u kángkáng nkéré ne ben. Me n/tôong ne ben, ké bubwô ámbu, *da n̂g echi ba-shî*.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 4:19

Nké Pyíta ne Jǒn ba/faa kámbé ba/fu, ben bayén ba/chi ba-pan mpan ké dyityém enen ba-nyît ńkyí nkyi kanong ké bushú ḿbú Osówo. Nang nkyi ńkyí be byidachi ńkyí ben ba/sét o, nang ńkyí byidachi ńkyí Osówo o/sét o.

Dyitórónómyi 20:1

Ké nkéré mú baa/dim byití edanwa ne banet-bushwôn enen, ba-ri bubyî-orá ne bamútu ḿbé bubyî-orá budatut ne basúja chwóó ḿbé ba/jê ba-shwôm ḿbé enen, *da n̂g echi ba-shî kámbé*. Óburúkpâbí mú mu Osówo enen, mú o/nyii běn ké abwô nyí Éjip o/chi o-kyú ne ben.

Dyitórónómyi 31:23

Ne Óburúkpâbí o-raa kâng ne Jóshwa mú wǎn-Nûn, o-sét ǎ o/fu, fé busa, a-kyú ne dyityém dyibónge. Wo a/chi a-tông banet-Ézerel kiǐfáng ba-nung ké esí nyí n/ryí kámbé ocím, ne me n/chi n-kyú ne wo ké kyikû.

Dyitórónómyi 31:28

Kó n̂g kángkáng banet-ashí-oshê ne bakínkán ba-ba-bwom ké bushú ejí, eringe nyí me ndasét kámbé byěm ḿbyín, n/fu, me n/chi n-kó bubóng ne esí byi-bwom mě ntûesé byi-bât kámbé.

Jóshwa 1:10

Jóshwa o-sét kâng banet-ashí o/fu, badim ba-shwôm kyikit ńkyí ba/bi bampyep ebe ba-sét banet-Ézerel ba/fu, nap n̂g byiryíng ba-tî, ké nǎ, ké ací kurún achât, be byi/chi byi-nyáng kace ńké Jódan byi-jâ ké esí nyí Óburúkpâbí mú Osówo eten mu o-kyâ bě.

Jóshwa 1:17

Be byi-kyâ ǒ ofê wǎ eringe nyí byi/mû byi-kyâ Músis kángkáng nkéré. Kyi/bát Óburúkpâbí mú Osówo eyên okyú ne wo wǎ eringe nyí o/mû ne Músis.

Jóshwa 1:18

Nang yeě nké o/kán ké dyishí ké ńkyí wo a/sét, o-né nang ńkyí wo a/fu, byichi, ba-man ba-ju ǎ. Fé busa a-kyú to ne dyityém dyibónge.

Jóshwa 10:25

Jóshwa o-sét kámbé kâng o/fu, *da n̂g echi ba-shî* ba-kyú nang ne atyém afee*. Chi n̂g ne kángkáng busa enen, ba-kyú to ne dyityém dyibónge, ké nǎ, něen nké Óburúkpâbí o/chi o-chi kángkáng banet-bushwôn enen.

Jóshwa 10:8

Óburúkpâbí o-sét Jóshwa o/fu, *dachi a-shî kámbé*. Me nn/chi ǒ a-kpógê kámbé. Nang onet obónge ké burwám ebe oo*ba/chi o-man ebwom bunwa ne wo*.

Jóshwa 3:7

Óburúkpâbí o-raa ne Jóshwa o/fu, ńkyí me n/chi n-chi kurún kyi/chi kyi-chi banet-Ézerel ba-kpet ǒ ekye ofê wǎ kiǐtí-onet, ne mbé to ba/chi ba-kûnyît ba/fu, me mu ne wo wǎ eringe m/mû ne Músis.

Jóshwa 6:27

Óburúkpâbí o/mû ne Jóshwa, ne dyizîn emen dyi/káng ké oshê omúmú.

Jóshwa 8:1

Óburúkpâbí o-raa ne Jóshwa o/fu, kpî basúja eyên bamúmú a-ca ne mbé ké Áyi. *Dachi a-shî* a-zú to nang dyityém*. Me n/chi n-chi ǒ a-kpógê otu-Áyi ne banet emen ne oshê ámu, ne esí ányi e/chi e-firi nyí enen.

Jójis 6:14

Óburúkpâbí o-sét ǎ kâng o/fu, ca ne kiǐtí-busa eyên ánkyi kyimúmú a-da-nyii banet-Ézerel ké abwô-banet-Médyan. Me oyén nké mu n-twóm m ǒ.

1 Sámwel 10:7

 nkéré mú byěm ḿbyín bii/chi, chi nang ebóng chwǒm ńkyí Osówo mu o-tírîng ng ǒ o/fu, achi.