Jóshwa 1:7 - Bokyi Bible

⁷ Fé busa a-kyú to ne dyityém dyibónge. *Damîng etî kángkáng byije ḿbyí Músis mú ḿgbán ejí o/kye ǒ*. *Dachi a-né kaǎcê emen nang kabónge* ne kyi/chi kyi-kyú ǒ kanong nang a-ca nyá nang a-ca nyá.

Jóshwa 1:7 Iomraidhean Croise

1 Kyîng 2:2

o/fu, nkéré ejí mú ndakpú oo/fyi. Kyú ne dyityém dyibónge, a-tigi to ne dyityém,

1 Kyîng 2:3

a-chi ńkyí Óburúkpâbí mú Osówo eyên o/sét ǒ o/fu, wo achi. Tî kángkáng byije emen ne ńkyí o/sét ǒ o/fu, achi, wǎ eringe nyí ba/sáng ké Byije ḿbyí Músis, eringe nyí nang nyá nké a/ce kyidanwa kyi-kye ǒ ké kángkáng ńkyí amu a-chi i.

2 Kyîng 22:2

Otu Josáya o/chi ńkyí kyi/nyîn Óburúkpâbí. Nyǐ o/leme édúú nyí Otu Dívit mú bonchí emen mú kpákpá, o-tî kángkáng byije-Osówo kerededet.

1 Korónyíkil 22:13

 wo a/tî byije kángkáng ḿbyí Óburúkpâbí o/kye Músis o/fu, okye banet-Ézerel, kyi/chi kyi-nwa kyi-kye ǒ. Fé busa, a-kyú to ne dyityém dyibónge. *Damîng chwǒm nang kyibónge kyi-chi ǒ a-shî*.

2 Korónyíkil 15:7

Nké ben ba-man ba-bwom shwaneshwane. *Da n̂g ejwâa asa*. Eyáré e/chi e-kyú ké bǎmkpóngé ḿbé bamu ba-chi i.

2 Korónyíkil 26:5

Ké nkéré Zákaryâ mú o/mû o-kyâ ǎ bacê kyi-kim ne Osówo efé mu okpó, Otu Ozáya o/kye Óburúkpâbí ofê ne dyityém emen, ne Osówo o/jware ǎ.

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 1:8

Óburúkpâbí o-bí Sátan o/fu, wo a/kabe nǎ kyi-kim ne Jôp mú ḿgbán ejí. Onet o*fí nang obónge ké ejíí* mú o/fé dyityém ne me* ne mú mu kanong wǎ nyǐ*. Nyǐ mu o-shî ng mě, ne mu o-bám m byiko emen eringe nyí nyǐ oo*chi chwǒm ńkyí nkyi kyibî*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 80:19

Osówo Óburúkpâbí mú o/rêe o-shwôm, bwa ne be esim. Ri bě bafip, ne be byi/chi byi-fem.

Póróvep 4:27

Mîng byibî, a-cen dángdáng a-ca kashú. *Dachi a-monge a-mîng ochíchí-bukwóp*.

Póróvep 8:20

Me mu n-cen n ké bukwóp ḿbú kanong echi. Me mu n-cen n ké kiǐfáng ńkyí kii*ryí acît*

Dányel 10:19

Nyǐ o/raa o/fu, wo amu a-jê ng Osówo. Ké bubwô ámbu, *damîng chwǒm nang kyibónge kyi-kédê ǒ ofong* kyi-fé ǒ nang bushî*. Ké nkéré nyǐ o/raa ńkyín, busa bu/bwa bu-nung mě onǔng bu-shwôm, ne n-raa n/fu, bonchí, sét mě ńkyí ada mě esét. Wo aa/chi mě n-firi kanong.

Nómba 27:23

Músis o-twôom Jóshwa abwô ké dyishí wǎ eringe nyí Óburúkpâbí o/kye busa, o-sét o/fu, Jóshwa nké o/chi o-kúng kyikit emen.

Dyitórónómyi 11:8

Tî n̂g kángkáng byije ḿbyí me nn/kye běn kurún. Â ba/tî kámbyí kâng, ben ba/chi ba-man enyáng kace ńké Jódan ba-kyú ké esí nyí ben ba-kú ba-bâ enung ké nyǐ.

Dyitórónómyi 12:32

Chi n̂g kángkáng byěm ḿbyí me nn/sét běn. *Da n̂g efé chwǒm kyikíri ké kafâ* ba-fîm nang chwǒm kyikíri ké mbyí*.

Dyitórónómyi 28:14

Nké ben baa*man ba-bên kámbyí ké bukwóp nang burá* ba-fé nang esówo ekíri*.

Dyitórónómyi 29:8

byi-koo esí ebe, byi-kyii kányí byi-kye byikû-banet ḿbyí Rúben ne Gât ne kyicê-kyikû-banet ńkyí Manáse.

Dyitórónómyi 29:9

Tî n̂g kángkáng byiraa ḿbyí ocím eryí mún ne atyém enen, eringe nyí nang ebóng chwǒm ńkyí bamu ba-chi i kyida běn ebyí dyishí.

Dyitórónómyi 31:7

Ne Músis o-kó kâng Jóshwa o-sét ǎ ké bushú ḿbú kángkáng banet-Ézerel o/fu, fé busa, a-kyú ne dyityém dyibónge. Wo nké a/chi a-tông banet ḿbén kiǐfáng ba-koo esí nyí Óburúkpâbí o/ryí banchí ebe ḿbé kpákpá ocím.

Dyitórónómyi 4:2

*Da n̂g echi ba-fé chwǒm kyikíri* ké byěm ḿbyí mu n-sét ng běn* ne *da n̂g echi to ba-fîm nang chwǒm kyibónge ké mbyí*. Tî n̂g byije ḿbyí Óburúkpâbí mú mu Osówo enen, ḿbyí nn/kye běn.

Dyitórónómyi 5:32

Banet ḿbé Ézerel, tî n̂g ké dyityém enen ba/fu, ben ba-chi i kángkáng byěm ḿbyí Óburúkpâbí mú mu Osówo enen oo/sét běn o/fu, ben bachi. *Da n̂g echi ba-róng kyije emen nang kyibónge*.

Jóshwa 1:1

Ké nkéré mú Músis mú ḿgbán-Óburúkpâbí oo/kpú, Óburúkpâbí o/raa ne Jóshwa mú wǎn-Nûn, mú o/mû mu o-chwáp ng Músis.

Jóshwa 1:8

Ri a/fu, mbe ba-kó ng Nwet-Byije ejí kángkáng nkéré. Kwâa kámú buchú ne esû, ne *damîng echi kángkáng byěm ḿbyí ba/sáng ké mǔ*. Kyi-fím ányi kâng, byěm byi/chi byi-kû ǒ ece kashú kerededet.

Jóshwa 1:9

Zîim a/fu, me nn/sét ǒ n/fu, fé busa a-kyú to ne dyityém dyibónge. *Dachi a-shî* a-jwâa asa* ké nǎ, me Óburúkpâbí mú Osówo eyên, me mu ne wo nang a-ca nyá nang a-ca nyá.

Jóshwa 11:15

Óburúkpâbí nké o/mû o/sét Músis mú ḿgbán emen ńkyín, Músis o-yip o-sét Jóshwa, ne Jóshwa o-chi kâng wǎ eringe ba/sét ǎ. Nyǐ o/chi kángkáng byěm ḿbyí Óburúkpâbí o/mû o/sét Músis.

Jóshwa 23:6

Ké bubwô ámbu kâng, ben kû n̂g ebám byiko ba-kû ǎ ejwo ba-chi to nang ebóng chwǒm ńkyí ba/sáng ké Nwet-Byije-Músis. *Da n̂g echi ba-né kyikit-nwet ámu nang kyibónge*