Jóshwa 1:6 - Bokyi Bible

⁶ Fé busa a-kyú to ne dyityém dyibónge, ké nǎ, wo nké a/chi a-kyú onet-dyishí-banet ḿbén, ńdyí ba-kú ba-koo ng esí ńnyín ba-câ, nyí n/ryí banchí ebe ḿbé kpákpá ocím.

Jóshwa 1:6 Iomraidhean Croise

Jénésis 12:7

Óburúkpâbí o/byí o-kâm Ébaram o-raa ne nyǐ o/fu, oshê mún nké n/chi n-kye kyikû-banet eyên. Ne Ébaram o-bi kyikit-kyifen echi o-tî Óburúkpâbí mú o/byí o-kâm ǎ.

Jénésis 26:3

Kyú nyín, me n/chi n-kyú ne wo n-jware ǒ. N/chi n-kúng esí ńnyín kángkáng n-kye ǒ ne bwǎn eyên. N-tî ng ocím ejí mú n/ryí ne Ébarahâm mú bonchí eyên.

2 Sámwel 10:12

Kyú shwaneshwane, ne dyityém to dyirêe ǒ. Byinwa byití kíngkíng byi-kye banet eten, byi-nwa to byi-kye eshê nyí Osówo eten. Ne kyi/bát ńkyí Óburúkpâbí mu o-ryuu ng kyichi.

1 Kyîng 2:2

o/fu, nkéré ejí mú ndakpú oo/fyi. Kyú ne dyityém dyibónge, a-tigi to ne dyityém,

1 Korónyíkil 22:13

 wo a/tî byije kángkáng ḿbyí Óburúkpâbí o/kye Músis o/fu, okye banet-Ézerel, kyi/chi kyi-nwa kyi-kye ǒ. Fé busa, a-kyú to ne dyityém dyibónge. *Damîng chwǒm nang kyibónge kyi-chi ǒ a-shî*.

1 Korónyíkil 28:10

Wo a-man a-nyît a/fu. Óburúkpâbí oo/cá ǒ wo o/fu, wo abi kiǐtí-kyise-kyifen emen echi ńkyí ociring. Bwom kâng shwaneshwane a-bi kánkyí.

1 Korónyíkil 28:20

Otu Dívit o-raa ne Sólómon o/fu, fé busa, a-kyú to ne dyityém dyibónge. Kpet bǎmkpóngé ámbe, *damîng chwǒm nang kyibónge kyi-chi ǒ a-mîng kámbé*. Osówo Óburúkpâbí mú me mu n-kyâ ǎ ofê o/chi o-kyú ne wo. Oo*ba/chi o-mîng ǒ*. Nké nyǐ o/chi o-kyú ne wo tete a-man bǎmkpóngé ḿbé mbe ké kiǐtí-kyise-kyifen emen echi.

2 Korónyíkil 15:7

Nké ben ba-man ba-bwom shwaneshwane. *Da n̂g ejwâa asa*. Eyáré e/chi e-kyú ké bǎmkpóngé ḿbé bamu ba-chi i.

2 Korónyíkil 20:11

Eyáré nyí mbé mbe ba-kyâ bě, ányi dyirô ńdyí mbé baa/bê bě ebaró ké esí nyí wo a/kye bě.

2 Korónyíkil 20:7

Wo a-chi i Osówo mú eten. Ké nkéré banet eyên ḿbé Ézerel ba/bê ba-ba-nung ké esí ńnyín, wo a/ró banet ḿbé ba/mû nyín, ne a-kúng esí ńnyín a-kye bwǎn ḿbé Ébarahâm mú ocín eyên a/fu, ekyú nyí ebe ne banyá.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 27:14

Tî dyityém ké Óburúkpâbí. Fé dyityém ké nyǐ. Bwom shwaneshwane. Tî dyityém ké Óburúkpâbí.

Dányel 10:19

Nyǐ o/raa o/fu, wo amu a-jê ng Osówo. Ké bubwô ámbu, *damîng chwǒm nang kyibónge kyi-kédê ǒ ofong* kyi-fé ǒ nang bushî*. Ké nkéré nyǐ o/raa ńkyín, busa bu/bwa bu-nung mě onǔng bu-shwôm, ne n-raa n/fu, bonchí, sét mě ńkyí ada mě esét. Wo aa/chi mě n-firi kanong.

Hágya 2:4

Nké asa a*dachi a-jwâa onet nang obónge*. Chi n̂g bǎmkpóngé ba-ca kashú, ké nǎ, me mu ne ben.

Zákaryâ 8:9

Kám m̂ dyityém. Kántîk, ba-kú ba-jwo ng bachíchí-byiraa ámbyi byibónge ḿbyí bamkpábé ḿbé badasét byiraa ejí ba/mû ba/sét běn ké nkéré mú ba/mû ba-fâ kyikû-ekpe nyí ba/bwât kiǐtí-kyise-kyifen ejí echi ba-bi.

Nómba 26:53

kyii esí nyí Kínan a-kye byikû-banet-Ézerel kyi-tyeem ne eringe kyikû nang kyirá kyi/jê.

Nómba 33:53

Koo n̂g esí ányi ba-kyú ké nyǐ, ké nǎ, me nké mu n-kyâ běn kányí.

1 Koríntyan 16:13

Kû n̂g ebám byiko enen, bwom m̂ kíngkíng ké dyityém enen ńdyí ba/fé ne Jisos. Kyú n̂g ne busa ne dyityém ńdyí onyinchéng.

Efyíshan 6:10

Ké nkuli kyikû, fé n̂g busa enen ké ocibi ne Otu Kyítá ne ké bubwô ḿbú kiǐtí-busa emen.

Dyitórónómyi 1:8

Kángkáng byikit ḿbyín nké mbyi esí nyí me Óburúkpâbí n/ryí ocím n/fu, n-kyâ Ébarahâm ne Ázik ne Jekôp ḿbé banchí enen ḿbé kpákpá, ne bwǎn ebe. Ca n̂g ba-da-kyú ké nyǐ.

Dyitórónómyi 11:8

Tî n̂g kángkáng byije ḿbyí me nn/kye běn kurún. Â ba/tî kámbyí kâng, ben ba/chi ba-man enyáng kace ńké Jódan ba-kyú ké esí nyí ben ba-kú ba-bâ enung ké nyǐ.

Dyitórónómyi 31:23

Ne Óburúkpâbí o-raa kâng ne Jóshwa mú wǎn-Nûn, o-sét ǎ o/fu, fé busa, a-kyú ne dyityém dyibónge. Wo a/chi a-tông banet-Ézerel kiǐfáng ba-nung ké esí nyí n/ryí kámbé ocím, ne me n/chi n-kyú ne wo ké kyikû.

2 Tyímótyi 2:1

Kyi-kim ne wo, ǎ wǎn ejí ké bubwô ḿbú Karâs, kyú shwaneshwane ké bubwô-kanong ńké Osówo, ńké nke ńké eten ké ocibi ne Jisos Karâs.

Jóshwa 1:18

Nang yeě nké o/kán ké dyishí ké ńkyí wo a/sét, o-né nang ńkyí wo a/fu, byichi, ba-man ba-ju ǎ. Fé busa a-kyú to ne dyityém dyibónge.

Jóshwa 1:7

Fé busa a-kyú to ne dyityém dyibónge. *Damîng etî kángkáng byije ḿbyí Músis mú ḿgbán ejí o/kye ǒ*. *Dachi a-né kaǎcê emen nang kabónge* ne kyi/chi kyi-kyú ǒ kanong nang a-ca nyá nang a-ca nyá.

Jóshwa 1:9

Zîim a/fu, me nn/sét ǒ n/fu, fé busa a-kyú to ne dyityém dyibónge. *Dachi a-shî* a-jwâa asa* ké nǎ, me Óburúkpâbí mú Osówo eyên, me mu ne wo nang a-ca nyá nang a-ca nyá.

Jóshwa 10:25

Jóshwa o-sét kámbé kâng o/fu, *da n̂g echi ba-shî* ba-kyú nang ne atyém afee*. Chi n̂g ne kángkáng busa enen, ba-kyú to ne dyityém dyibónge, ké nǎ, něen nké Óburúkpâbí o/chi o-chi kángkáng banet-bushwôn enen.

Jóshwa 13:6

Ńkyín kyi/cibi ne kángkáng esí nyí banet-Sádon, ḿbé mbe ba-kyú u ké esí nyí eku éku, ké otyém ne otyém mú eku nyí Lebánon ne Myíserefut-Myâm. Me n/chi n-ró banet ḿbén â banet-Ézerel ba-kú ba-bâ. A-man a-kyii esí ányi a-kye banet-Ézerel wǎ eringe nyí n/sét ǒ n/fu, chi.

Jóshwa 18:3

Jóshwa o-raa kâng ne banet-Ézerel o/fu, ben ba-bám m ka-rí nǎ ne ba-dim ba-nung ba-da-koo esí ányi nyí Óburúkpâbí mú Osówo-banchí enen ḿbé kpákpá oo/kye běn.

Jóshwa 21:43

Óburúkpâbí o/kye kâng banet-Ézerel kángkáng esí ányi nyí nyǐ o/mû oo/ryí banchí-banet-Ézerel ḿbé kpákpá ocím o-sem byiko emen o/fu, nyǐ o-kyâ kámbé. Ké nkéré mú mbé baa/koo kányí, mbé ba/kpet ekyú ányi.

1 Sámwel 4:9

Cíp n̂g dyityém, ǎ banet-Fyilíta. Nwa n̂g bunwa wǎ banyinchéng, â kyi*fí éné* be byi/chi byi-firi básóng ḿbé banet-Hyíburus wǎ eringe mbé ba/mû básóng eten. Ké bubwô ámbu kâng, nwa n̂g bunwa wǎ banyinchéng-banet.