Jóshwa 1:5 - Bokyi Bible

⁵ Onet o*fí nang obónge mú o/chi o-man běn ekpógê* â wo amu okpó* ǎ Jóshwa*. Me n/chi n-kyú ne wo wǎ eringe nyí m/mû ne Músis. Me n/chi n-kyú ne wo kángkáng nkéré. Me mm*ba/chi m-mîng ǒ ne banyá*.

Jóshwa 1:5 Iomraidhean Croise

Jénésis 39:2

Óburúkpâbí o/mû ne Josêf ké kyikû, ne o/chi ǎ o-firi kiǐtí-onet. Josêf o/mû o-kyú u ké kyise ńkyí bonchí emen mú ké Éjip,

1 Kyîng 1:37

Eringe nyí Óburúkpâbí oo/kyú ne butu eyên, kyi/bát nyǐ okyú to ne Sólómon, o-chi butu ḿbú emen bu-ca kashú bu-shwôm ḿbú eyên.

1 Kyîng 11:38

 wo amu a-chi i ńkyí me n/sét ǒ ne dyityém eyên dyibónge, a-tî to byije ejí, a-chi to ńkyí kyi/kwárê ké bushú ejí, wǎ eringe nyí Otu Dívit mú ḿgbán ejí o/mû o-chi i, me n/chi n-kyú ne wo kángkáng nkéré. Me n/chi n-chi ǒ a-firi otu mú Ézerel, ne n/chi n-ri n/fu, banet ḿbé ba/fím ké kyikû eyên ba/chi ba-ryí to butu â wo a/kpú, wǎ eringe nyí me nn/chi Otu Dívit.

1 Kyîng 6:13

Me n/chi n-kûkyú ne banet-Ézerel ḿbé banet ejí ké kiǐtí-kyise-kyifen ejí echi ńkyín, ńkyí amu a-bi ng, ne me mm*ba/chi m-mîng kámbé ne banyá*.

1 Kyîng 8:57

Kyi/bát Óburúkpâbí mú Osówo eten okyú ne be, wǎ eringe nyí nyǐ o/mû ne banchí eten ḿbé kpákpá. Kyi/bát nyǐ o*dachi o-dim o-mîng bě ne banyá*.

1 Korónyíkil 28:20

Otu Dívit o-raa ne Sólómon o/fu, fé busa, a-kyú to ne dyityém dyibónge. Kpet bǎmkpóngé ámbe, *damîng chwǒm nang kyibónge kyi-chi ǒ a-mîng kámbé*. Osówo Óburúkpâbí mú me mu n-kyâ ǎ ofê o/chi o-kyú ne wo. Oo*ba/chi o-mîng ǒ*. Nké nyǐ o/chi o-kyú ne wo tete a-man bǎmkpóngé ḿbé mbe ké kiǐtí-kyise-kyifen emen echi.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 46:11

Óburúkpâbí mú o/rêe o-shwôm mu ne be. Osówo mú Jekôp nké mu kyikit-dyirem eten.

Ézódos 3:12

Osówo o-faa ǎ o/fu, me n/chi n-kyú ne wo ké kyikû, ne ké nkéré aa/kpî banet ámbe ba-byí ké Éjip, wo a/chi a-kye mě ofê ké kaku ńkén. Ńkyín nké kyi/chi kyi-tông kyi/fu, me nké n/twóm ǒ.

Azáya 42:16

N/chi n-tông bansêe achi-banet ejí kiǐfáng ké akwóp nyí mbé ba/mû ba*da/cen ne nang kabónge*. N/chi m-bírî kyifip ebe kyi-firi kiinwángé, n-chi akwóp a-firi gogégogé nyí badacen. Nyín byěm ḿbyí me nn/ryí ocím. M-man n-tî ocím ejí, n-chi kámbyí.

Jeryimáya 1:8

*Dachi a-shî kámbé* ké nǎ, me n/chi n-kyú ne wo, n-ku ǒ. Me Óburúkpâbí nké n/raa.

Dányel 11:16

Onet-Syírya mú mu o-nwa ng ne mbé o/chi o-chi kámbé ńkyí kyi/nyîn ǎ, okân ké dyishí oo*chi*. Nyǐ o/chi o-bwom ké esí nyí Osówo o/kye banet-Ézerel ne e/chi e-firi ké bubwô emen kángkáng.

Mátyuu 28:20

Ba-tángê to kámbé eringe nyí badachi kángkáng byěm ḿbyí me nn/sét běn n/fu, bachi. Ne zîim m̂ to ba/fu, me n/chi n-kyú ne ben kángkáng nkéré, tata ké nkuli kyikû-nkéré.

Rúman 8:31

Ne kángkáng byěm ḿbyín ké dyityém, be byi-sét ng ebóng. Â Osówo mu mú eten, yeě odaman enwa ne be.

Rúman 8:37

Aa*wááng*. Ké kángkáng byěm ḿbyín, be bii/kpógê ké bubwô ḿbú nyǐ mú byimu byi-jê ng ǎ.

Dyitórónómyi 20:1

Ké nkéré mú baa/dim byití edanwa ne banet-bushwôn enen, ba-ri bubyî-orá ne bamútu ḿbé bubyî-orá budatut ne basúja chwóó ḿbé ba/jê ba-shwôm ḿbé enen, *da n̂g echi ba-shî kámbé*. Óburúkpâbí mú mu Osówo enen, mú o/nyii běn ké abwô nyí Éjip o/chi o-kyú ne ben.

Dyitórónómyi 20:4

Óburúkpâbí mú mu Osówo enen mu o-wâa ng ne ben ké kyikû, ne o/chi o-chi běn ba-kpógê.

Dyitórónómyi 31:23

Ne Óburúkpâbí o-raa kâng ne Jóshwa mú wǎn-Nûn, o-sét ǎ o/fu, fé busa, a-kyú ne dyityém dyibónge. Wo a/chi a-tông banet-Ézerel kiǐfáng ba-nung ké esí nyí n/ryí kámbé ocím, ne me n/chi n-kyú ne wo ké kyikû.

Dyitórónómyi 4:31

Nyǐ o-chi i Osówo mú odari banet bafip. Oo*ba/chi o-mîng běn* o-ju běn* ne oo*ba/chi o-ráp ocím mú nyǐ o/ryí ne banchí enen ḿbé kpákpá*.

Dyitórónómyi 7:24

O/chi o-kúng batu ebe o-fé běn ké abwô. Ben ba/chi ba-ju kámbé, ne ba/chi ba-ráp kyi-kim ne mbé. Onet o*fí mú o/chi o-man běn eku ké bukwóp*. Ba-ju ng nang yeě nang yeě.

2 Tyímótyi 4:17

Nké Otu Kyítá o/kyú ne me o-kye mě busa eringe nyí m/man esét kyitwóm, nang onyin o*da/waa* eringe nyí banet ḿbé ba*fí banet-Jûs* badajwo. Ne Osówo o/fîm mě ké ocím mú ekpang.

Hyíburus 13:5

Kyijé ńkyí akpuga kyi*dachi kyi-kyú běn fáráng ne akpen enen*. Ńkyí bamu ne nkyí kyikwárê běn. Ké ebóng, Osówo oo/fu, me mm*ba/chi m-mîng běn ne banyá*. Me mm*ba/chi n-twóp běn n-dim ne banyá*.

Jóshwa 1:17

Be byi-kyâ ǒ ofê wǎ eringe nyí byi/mû byi-kyâ Músis kángkáng nkéré. Kyi/bát Óburúkpâbí mú Osówo eyên okyú ne wo wǎ eringe nyí o/mû ne Músis.

Jóshwa 1:9

Zîim a/fu, me nn/sét ǒ n/fu, fé busa a-kyú to ne dyityém dyibónge. *Dachi a-shî* a-jwâa asa* ké nǎ, me Óburúkpâbí mú Osówo eyên, me mu ne wo nang a-ca nyá nang a-ca nyá.

Jóshwa 10:8

Óburúkpâbí o-sét Jóshwa o/fu, *dachi a-shî kámbé*. Me nn/chi ǒ a-kpógê kámbé. Nang onet obónge ké burwám ebe oo*ba/chi o-man ebwom bunwa ne wo*.

Jóshwa 21:44

Óburúkpâbí o-kye kámbé bunyîn-dyityém ké esí ányi emúmú, wǎ eringe nyí nyǐ o/mû o/ryí banchí ebe ḿbé kpákpá ocím. Onet-bushwôn ebe nang obónge o*fí* mú oo/man ebwom ne mbé* ké nǎ, Óburúkpâbí o/kye busa o/fu, banet-Ézerel bakpógê banet-bushwôn ebe bamúmú.

Jóshwa 3:7

Óburúkpâbí o-raa ne Jóshwa o/fu, ńkyí me n/chi n-chi kurún kyi/chi kyi-chi banet-Ézerel ba-kpet ǒ ekye ofê wǎ kiǐtí-onet, ne mbé to ba/chi ba-kûnyît ba/fu, me mu ne wo wǎ eringe m/mû ne Músis.

Jóshwa 6:27

Óburúkpâbí o/mû ne Jóshwa, ne dyizîn emen dyi/káng ké oshê omúmú.

Jójis 2:18

Nang nkéré orá nké Óburúkpâbí o/kye banet-Ézerel onet-dyishí, nyǐ o-chwáp ng onet ámu o-nyii banet-Ézerel ké abwô-banet-bushwôn ebe, â onet ámu o/tôong okpó. Óburúkpâbí o-ri ng kámbé bafip, ké nǎ, mbé mbe ba-byâ ké busông ebe ḿbú mbe ba-ri ng, ne ocît to mú baa/cít kámbé.

Jójis 6:16

Óburúkpâbí o-faa ǎ o/fu, wo a-man n echi kánkyí, ké nǎ, me n/chi n-chwáp ǒ. Wo a/chi a-ju banet-Médyan nang osông kii*sóng ǒ* wǎ a/ju onet obónge.

1 Sámwel 10:7

 nkéré mú byěm ḿbyín bii/chi, chi nang ebóng chwǒm ńkyí Osówo mu o-tírîng ng ǒ o/fu, achi.