Jóshwa 1:4 - Bokyi Bible

⁴ Buti enen bu/chi bu-fím ké kyikim-dyikán ké kyicê-busyísen bu-ribi ké eku nyí Lebánon nyí nyi ké kyicê ńkyí bushûyû. Bu-fím ké kiǐtí-kace ńké Yuférétyis ké kyicê ńkyí esû nyi e-byí i, bu-shwôm ké oshê mú banet-Hyítat bu-ribi ké baya ḿbé Medeterényan ké kyicê ńkyí esû nyi e-ríbî ng e-jâ.

Jóshwa 1:4 Iomraidhean Croise

1 Kyîng 10:29

ne kángkáng bamútu to ḿbé bubyî-orá budatut, ḿbé ba/mû ba-fím m Éjip. Mbé ba/mû mbe ba-shee ng batu-Hyítat ne batu-Syírya bubyî-orá ne bamútu ḿbé bubyî-orá budatut, ba-shee ng bamútu ámbe ké égot-byikim-syílyíba echât echât ké obónge, ne bajam-byikim-syílyíba káchâtkányi esim diǐkpú ké kabyî-orá nang kará.

1 Kyîng 4:21

Butu-Sólómon bu/cít kángkáng eshê nyí fím ké kace ńké Yuférétyis tete a-ribi Fyilíta ne buti ḿbú Éjip. Mbé ba/mû mbe ba-kyâ ǎ akpuga-dyishí, ne ba/mû ké bubwô emen ké kángkáng dyikpen emen.

1 Korónyíkil 18:3

Ké nnyinyěng, Otu Dívit o/kye Otu Hadadéze mú oshê-Syírya mú Zóba, fáráng ne kyikim-esí ńkyí Hámat bunwa, ké nǎ, Otu Hadadéze o/mû mu o-kan n kyikim-esí ńkyí bushûyû-Yuférétyis ekoo.

1 Korónyíkil 5:9

Mbé ba/mû ne byitú chwóó ké esí nyí Gyílet, ne ké bubwô ámbu, mbé ba/koo esí tete ba-ribi ké kyikim-dyikán ńkyí kyicê ńkyí óbyísû mu o-byí i, ńkyí kyi/nere tete kyi-byí kace ńké Yuférétyis.

Ézara 4:20

Batu ḿbé mbe ne busa ba/kyú batu ányi ne baa/níbî kyikim-esí kyimúmú ńkyí kyicê-kace ńké Yuférétyis ńkyí esû edaríbî, ba-koo ng akpuga-dyishí ne akpuga akíri.

Ézódos 23:31

Me n/chi n-chi buti-esí enen bu-nere bu-fím ké dyiga ńdyí Ákwaba tete bu-ribi ké kace ńké Yuférétyis, bu-fím to ké baya ḿbé Medeterényan bu-ribi ké kyikim-dyikán. Me n/chi n-kye běn busa ḿbú badakpógê bayén-esí, ne ba/chi ba-ró kámbé â ba-kú ba-câ kámbé ké abwô.

Dyitórónómyi 1:7

Bú n̂g boompyep enen ba-dim ba-wâa kashú. Ca n̂g ké esí-eku éku nyí Ámórit ne ké kángkáng byikit ḿbyí mbyi ányi fáráng, ba-ca ké owo mú kace ńké Jódan ne ké esí nyí eku éku ne byikit ḿbyí ndege ńdege ne ké kyikim-esí ńkyí busyísen ne ké bukô-baya ḿbé Medeterényan. Ca n̂g ké esí nyí Kínan, ba-ca kashú ba-shwôm eku nyí Lebánon tete ba-ribi ké kiǐtí-kace ńké Yuférétyis.

Dyitórónómyi 11:24

Kángkáng ecing nyí ben ba/chi ba-cím byiká ké nyǐ e/chi e-firi nyí enen. Esí enen e/chi e-nere e-fím ké kyikim-dyikán ké busyísen, e-ribi ké eku nyí Lebánon, ké kyicê ńkyí bushûyû. E-fím ké kace ńké Yuférétyis, ké kyicê ńkyí óbyísû odabyí, e-ribi ké baya ḿbé Medeterényan, ké kyicê ńkyí óbyísû odaríbî o-jâ.

Dyitórónómyi 3:25

Mîng mě, ǎ Óburúkpâbí, n-nyáng kace ńké Jódan n-ri esí nyí edajang ebát byiryíng, nyí kyicê ńkyí áku, esí-eku éku nyí enong enong, ne eku nyí Lebánon.

Revelíshon 9:14

Ejá ányi e/raa ne orím mú onong ámu ké ashí nyâchât, mú mu ne ntán ámu e/fu, pii barím ḿbé banong banyii ḿbé ba/bwá kámbé ba-tî ké kiǐtí-baya ḿbé badakó Yuférétyis.