Jóshwa 1:1 - Bokyi Bible

¹ Ké nkéré mú Músis mú ḿgbán-Óburúkpâbí oo/kpú, Óburúkpâbí o/raa ne Jóshwa mú wǎn-Nûn, mú o/mû mu o-chwáp ng Músis.

Jóshwa 1:1 Iomraidhean Croise

1 Kyîng 19:16

a-pwó to Jéhu mú wǎn-Hyímishi bakút ké dyishí o-firi otu mú Ézerel, a-pwó to Elásha mú wǎn-Sháfat bakút ké dyishí, mú o/fím Ébel Mehóla, o-koo kyikit eyên wǎ mkpábé mú odasét byiraa ejí.

2 Kyîng 3:11

Otu Jehósháfat o-bí o/fu, mkpábé mú odasét byiraa-Osówo mu nyín? mú byida ǎ esét o-bí Óburúkpâbí? Onet-dyishí-basúja ḿbé Otu Jóram o-faa o/fu, Elásha mú wǎn-Sháfat mu nyín. Nyǐ nké o/mû o-chwáp ng Elája.

Nehemyâ 8:17

Kángkáng banet ḿbé ba/fím ké byikit ḿbyí ba/mû ba/kúng kámbé ba-jâ ne mbé ba/bi boompyep ba-kyú ké mbú. Nyín kyi/mû mbwôp kashú-nkéré mú ba/chi kánkyí kyi-fím ké nkéré mú Jóshwa mú wǎn-Nûn, ne nang yeě o/mû ké bunyîn-dyityém.

Ézódos 24:13

Músis ne Jóshwa mú onet-ochwâp emen ba-kpá byiko, ne Músis o-kpet eyú kaku-ociring o-câ.

Nómba 11:28

Jóshwa kâng mú wǎn-Nûn, mú oo/kyú onet-ochwâp mú Músis kyi-fím ké nkéré mú nyǐ o/mû o/tôong wǎsíng, o-raa ne Músis o/fu, bonchí, chi kámbé ba-mîng.

Nómba 12:7

Ńkyín kyi/yángê ne eringe nyí me ndaraa ne Músis mú ḿgbán ejí. [Me nn/tî ǎ wǎ onet-dyishí mú kángkáng banet ejí ḿbé Ézerel.]

Nómba 13:16

Ḿbén nké ba/mû banet-boǒfêp-esí ḿbé Músis o/twóm o/fu, bada-kyé kyikû kyi-kim ne esí nyí Kínan. Músis o-yángê dyizîn ńdyí Hoshâ mú wǎn-Nûn, dyi-firi Jóshwa.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 16:10

Nang yeě nké ba/kye ǎ boǒnyín-byěm o-tî kámbú kanong, ba-man n ǎ ekye to ḿbyí byiryên. Nang yeě nké o*da/man etî boǒnyín-byěm* nang ḿbyí byiryên oo*man etî*.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 7:45

Ké nkéré mú kii/rí ńdyí ba/chi kámú, banchí eten ḿbé kpákpá ḿbé ba/koo mpyep ámu ne banchí ebe ba/yip kámú ba-dim ne mǔ ké nkéré mú ba/cen ne Jóshwa ba-nung ké esí nyí eshê nyí Osówo o/ró banet ké nyǐ, o-kye kámbé. Mpyep ámu o/waa ányi tete kyi-ribi ké nkéré mú Otu Dívit.

Rúman 1:1

Me Pôl mú ḿgbán mú Jisos Karâs ne onet-kyitwóm emen mú Osówo o/fîm ǎ, o-kó ǎ o/fu, osét Bǎmpém emen ḿbé Banong nké mu n-sáng ng n-kye běn ben kángkáng banet-Rûm ḿbé bamu ba-jê ng Osówo ne oo/kó běn o/fu, ben bakyú banet emen. Kyi/bát Osówo mú Bonchí eten ne Jisos Karâs, Otu Kyítá bakye běn ochwâp ne bunyîn-dyityém. Osówo o/mû o/ryí banet ocím kyi-kim ne Bǎmpém ḿbé Banong ké nkéré mú oo/shwôm ké esim chwóó, ké ocím mú bamkpábé ḿbé badasét byiraa-Osówo. Ne bamkpábé ámbe ba-kúng ocím ámu ba-sáng kyísí ké nwet-ejá-Osówo nyí ba/sáng kyísí. Bǎmpém ḿbé Banong ámbe ba/kim ne Wǎn-Osówo Jisos Karâs, Otu Kyítá eten. Wǎ onet ba/mû ba/fwon ǎ ké kyikû-banet ńkyí Otu Dívit. Kyi-kim ne eringe nyí nyǐ o/fím ne Osówo, ne eringe nyí nyǐ mu kanong, Osówo o/tông ne kiǐtí-busa o/fu, mú mǔ o-chi i Wǎn emen ké ojwóbe mú o/jwóbê ǎ ké bukyû. Ké bubwô emen, Osówo o/kye mě kiǐtí-bǎmkpóngé ḿbé n/firi onet-kyitwóm-Jisos, eringe nyí n/chi n-tông kángkáng banet ḿbé ké ejíí kiǐfáng ńkyí badabángê, ba-chi to ńkyí nyǐ o/sét. Ńkyín kyi/ta běn to, ben banet-Rûm ḿbé Osówo oo/kó běn o/fu, ben ba-chi i banet ḿbé Jisos Karâs.

Dyitórónómyi 1:38

Nké fé Jóshwa mú wǎn-Nûn, mú mu o-chwáp ng ǒ busa. Nyǐ o/chi o-ca banet-Ézerel kashú ba-koo esí ányi.

Dyitórónómyi 31:23

Ne Óburúkpâbí o-raa kâng ne Jóshwa mú wǎn-Nûn, o-sét ǎ o/fu, fé busa, a-kyú ne dyityém dyibónge. Wo a/chi a-tông banet-Ézerel kiǐfáng ba-nung ké esí nyí n/ryí kámbé ocím, ne me n/chi n-kyú ne wo ké kyikû.

Dyitórónómyi 31:3

Óburúkpâbí mú mu Osówo enen nyǐ oyén o/chi o-bwóp běn kashú o-da-ju banet ḿbé mbe ba-kyú u ké eshê ányi, eringe nyí ben badakoo esí ebe. Jóshwa nké o/chi o-firi onet-dyishí enen, wǎ eringe nyí Óburúkpâbí oo/sét.

Dyitórónómyi 33:1

Ńnyín banjware ḿbé Músis mú mu onet-Osówo o/kye banet ḿbé Ézerel ne o-kûkpú.

Dyitórónómyi 34:12

Mkpábé mú odasét byiraa-Osówo okíri o*fí to mú oo/man echi biǐtí-biinchi bushî-byěm* ḿbyí Músis o/chi ké bushú ḿbú kángkáng banet-Ézerel*.

Dyitórónómyi 34:5

Ne Músis mú onet-Óburúkpâbí kâng o-kpú ányi ké esí nyí Mówep wǎ eringe nyí Óburúkpâbí o/mû o/sét o/fu, o/chi o-kpú ányi.

Dyitórónómyi 34:9

Jóshwa mú wǎn-Nûn o/já bubong kanong kanong, ké nǎ, Músis o/mû oo/fîm ǎ o/fu, okúng kyikit emen. Banet ḿbé Ézerel ba/chi ńkyí Jóshwa o/sét kámbé, ba-tî byije ḿbyí Óburúkpâbí o/kye Músis o-kye kámbé.

Tátus 1:1

Me Pôl mú mu ḿgbán-Osówo ne onet-kyitwóm-Jisos Karâs nké mu n-sáng ng léta mún n-kye Tátus mú mu ochíchí-wǎn ejí ké dyityém efé ne Osówo ńdyí byimu kyikit kyibónge. Kyi/bát Osówo Bonchí eten ne Jisos Karâs Onet-Onyii eten bakye ǒ ochwâp ne bunyîn-dyityém. Me Osówo o/cá mě, o-twóm mě o/fu, nchwáp banet ḿbé Osówo o/cá kámbé, ba-fé dyityém ne nyǐ, n-tángê kámbé ntûntû mú ékwâbashi nyí Karâs, mú o/jêem busi ké achi eten etî nyí byimu byi-tî ng byi/fu, byi-koo ng dyikpen ńdyí ne banyá. Osówo mú oo*sét kyisédéng* o/ryí bě ocím mú oda bě ekye dyikpen ńdyín, ne nkéré o-kûkpet, ne o/tông ocím eryí ámu wááng ké ochíchí-nkéré mú o/kwárê ne nyǐ, ké kyitwóm emen. O/kye mě me kyitwóm ánkyi, ne me mu n-sét ng kánkyí ké busa ḿbú Osówo mú mu Onet-Onyii.

Jêmsyi 1:1

Me Jêmsyi mú mu ḿgbán-Osówo ne mú Jisos Karâs, Otu Kyítá nké mu n-sáng ng léta mún n-ta kángkáng banet ḿbé Osówo ḿbé byikû-banet emen diǐkpú ne byifee, ḿbé mbe byiryibyiryi ké ejíí emúmú kyiraa.

Jóshwa 1:15

tete ké nkéré mú baa/koo esí nyí nyi ké kyicê-kace ńkyí áku, nyí Óburúkpâbí mú Osówo enen oo/kye kámbé. Ké nkéré mú Óburúkpâbí oo/bwât kángkáng byikû-banet-Ézerel o-tî kanong, ben ba-man ebwa esim nyín ké esí nyí enen, ké kyicê ńkyí esû nyi e-byí i, ké kace ńkén, nyí Músis mú ḿgbán-Óburúkpâbí o/kye běn.

Jóshwa 1:2

Nyǐ o/sét Jóshwa o/fu, Músis mú ḿgbán ejí oo/kpú. Wo ne kángkáng banet-Ézerel, kpá n̂g byiko kántîk ba-nyáng kace ńké Jódan ba-da-nung ké esí nyí mu n-kyâ běn.

Jóshwa 12:6

Músis ne banet-Ézerel ba/kpógê batu ḿbén bafee. Músis mú ḿgbán-Óburúkpâbí o-yip esí ebe ányi o-kye banet ḿbé ba/fím ké kyikû-Rúben ne ḿbé ba/fím ké kyikû-Gât ne kyicê-banet ḿbé ba/fím ké kyikû-Manáse, o/fu, baryí bukyû ké nyǐ.

Revelíshon 1:18

Me n-chi i onet mú o/tôong ne dyikpen. Me m/mû mm/kpú, nké kûri, me mu okpó ne banyá ne banyá. Me nké n/níbî agbókóró nyí bukyû ne nyí oshê-bakúsí.