Hozáya 9:8 - Bokyi Bible

⁸ Osówo oo/twóm mě wǎ mkpábé mú odasét byiraa emen o/fu, me mba-kuri banet emen ḿbé Ézerel ekó. Nké nang nyá nké n/wâa, ben bamu ba-ryuu ng ba/fu, ba-kám m mě wǎ kanurung. Ké ochíchí-esí nyí Osówo, banet-Ézerel bayén mbe ba-shwôn n ne mkpábé mú emen.

Hozáya 9:8 Iomraidhean Croise

1 Kyîng 17:1

Mkpábé mú odasét byiraa-Osówo, mú odabángê Elája, mú o/fím Tyíshíbe, ké esí nyí Gyílet, o/raa ne Otu Éhap o/fu, ké dyizîn ńdyí Óburúkpâbí, Osówo-Ézerel mú mu okpó, mú me mu n-chi i bǎmkpóngé n-kyâ ǎ, me mu n-sét ng ǒ n/fu, kyibû nang omu bii*ba/chi byi-na ké aje nang afee nang achât* tete me n-fu byina.

1 Kyîng 18:1

Ké nkéré mú kaa/rí, ké aje achât nyí omu o/mîng ena, Óburúkpâbí o/raa ne Elája o/fu, ca a-da-tông Otu Éhap byiko, ne me n/chi n-twóm omu o-na.

1 Kyîng 18:19

Sét kâng kángkáng banet-Ézerel ba-da-cibi barî ké kaku ńké Kámel. Bâ to ne égot-bamkpábé-Bâl ámbe efee ne bajam-bamkpábé bafee esim diǐkpú, ne égot-bamkpábé-osówo-onyinyi ámu efee, mú bada ǎ ekó Ashéra, ḿbé Jézébel mú onyi-Otu Éhap mu o-chwáp ng kámbé.

1 Kyîng 22:11

Obónge o/mû ányi ké burwám ebe, Zedekyâ mú wǎn-Kenána, o-chi etwóm ké kiǐré, o-raa ne Otu Éhap o/fu, nyín něen ńkyí Óburúkpâbí mu o-raa ng. O/fu, wo a/chi a-kúng etwóm ńnyín a-nwa ne banet-Syírya a-kpógê kámbé ba-nung ké ecing.

1 Kyîng 22:22

Óburúkpâbí o-bí kámbú o/fu, wo a-cen n nǎ ne a-nîm ǎ. Mbú bu-faa ǎ bu/fu, me n/chi n-ca n-da-chi kángkáng bamkpábé emen ba-kûsét kyisédéng. Óburúkpâbí o-faa o/fu, ca a-da-nîm ǎ. Wo a/chi a-man ǎ enîm.

1 Kyîng 22:28

Makáya o-faa ǎ o/fu, â wo a/fyi beem! ányi kâng Óburúkpâbí o*da/raa ké ocím ejí*. Ne o-chîraa kâng o/fu, fwôo n̂g atông ashí amúmú ké ńkyí me nn/raa.

1 Kyîng 22:6

Otu Éhap o-kó kâng bamkpábé ḿbé badasét byiraa-Osówo ba-ba-nung, mbé ba/mû égot-banet nang efee. Ne o-bí kámbé o/fu, me nca n-da-kye Rímot bunwa dí, aa n*dace*. Mbé ba-faa ǎ ba/fu, kye kámbé bunwa. Óburúkpâbí o/chi o-chi ǒ a-kpógê kámbé.

2 Kyîng 13:21

Nkéré obónge, ńdyí banet-Ézerel ba/kúng okúsí ba-wâa edaryii, ba/ri dyizu-banet-Mówep dyibónge, ba-bwa ne okúsí ámu ba-twóp ké dyikun ńdyí Elásha [ba-chêe.] Ńdyí kyikwóm-enyam-byiko ánkyi kyi-ta ng ké dyikun ńdyí Elásha kyi-bâ, onyinchéng ámu o-jwóbê ké bukyû, o-bûu o-bwom cip.

2 Kyîng 2:14

O-yip ágbádá ányi o-díp ké kace, o-raa o/fu, Óburúkpâbí mú Osówo mú Elája mu nyá. Ne o-chîdíp kace ánke ne ka-kyii, o-cen o-nyáng o-jâ esim nyí áku.

2 Kyîng 2:21

ne o-dim o-wâa ké dyijwáng, o-yip bano ámbe o-fé ké omu, o-raa o/fu, něen nké Óburúkpâbí o/raa o/fu, me nn/chi omu mún o-firi kanong, ne oo*ba/chi o-chîchi banet ba-kpú* nang afít a-chîbyí banyinyi*.

2 Kyîng 4:41

Elásha o-sét kámbé o/fu, bakpere onyin-filáwa ba-kye ǎ, ne o-yip kámú o-fé ké kafâ-katí ánke, o-sét kámbé o/fu, bachîkpé kasu ánke ba-kye kámbé. Kyibî-chwǒm kyi*da/chîchi ké kasu ánke*.

2 Kyîng 4:43

Nké ḿgbán emen o/faa ǎ o/fu, wo a/kabe a/fu, ḿbyín byi-kwárê ng bajam-banet batánge? Elásha o-faa ǎ o/fu, kye kámbé ba-ryí, ké nǎ, Óburúkpâbí oo/sét o/fu, ba/chi ba-ryí byi-waa kyísí.

2 Kyîng 5:14

Ne Náman o-dim kâng ké Jódan, o-da-ríbî ké kafâ-kace kampén káchâtkányi wǎ eringe nyí Elásha o/mû o/sét ǎ, ne orwôm emen o-man. Enyam-byiko emen e-firi shwaneshwane kanong kanong wǎ nyí kaǎwásíng.

2 Kyîng 5:27

Kántîk, orwôm mú Náman o/chi o-bwa esim o-kâm ǒ, ne o/chi o-waa ne bwǎn eyên ne banyá. Ńdyí Geháze o/dim, orwôm ámu o/kám ǎ, enyam-byiko emen e-kpet ecé kpárádádát wǎ abíp.

2 Kyîng 7:19

ne ókpúrúbíp-otu ámu o-faa o/fu, ńkyí ánkyi kii*chi* nang Óburúkpâbí oyén o-twóm omu o-na kántîk*. Ne Elásha o/mû o/faa ǎ o/fu, wo a/chi a-ri ké nkéré mú kyi/chi kyi-chi, nké wo aa*ba/chi a-ryí byiryíng ámbyi nang byibónge*.

2 Kyîng 7:2

Ókpúrúbíp-otu o-sét Elásha o/fu, ńkyí ánkyi kii*man echi* nang Óburúkpâbí oyén o-bwa o-twóm omu o-na kántîk*. Elásha o-faa ǎ o/fu, wo a/chi a-ri nkéré mú kyi/chi kyi-chi, nké byiryíng ámbyi nang onyin wo aa*ba/chi a-ryí*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 124:7

Be bii/fem wǎ kanurung ńké ka/mû ka/kpú ké kaǎtám. Kaǎtám kaa/bên, ne be bii/fem.

Ekyilyizátes 9:12

Aa*nyît nkéré mú nkéré mú eyên o/chi o-bâ*. Be bii/róng ké kyibî-nkéré ké nkéré mú be byi/mû byi*da/tî achi* wǎ kanurung ńké ka/róng ké kaǎtám kiǐmút, ne wǎ kakworê ńké ka/róng ké kaǎsém.

Okwan 3:3

Banet ḿbé mbe ba-bám m oshê ba/ri mě. Me m-bí kámbé n/fu, ben ba/ri onet-kyijé ejí?

Azáya 62:6

Me nn/tî banet-mbâm ké ekpe eyên, ǎ Jerúsélem. Mbé baa*ba/chi ba-cíbî pyêp* buchú ne esû*. Ba-man ba-zîim Óburúkpâbí byěm emen ḿbyí o/ryí ocím. Baa*ba/chi ba-mîng ǎ o-ráp*.

Jeryimáya 11:19

Nké me m/mû wǎ etám-ebû nyí ee*faa ojá* nang mbe ba-wâa ng kányí edaju. Me n*da/nyît n/fu, me nké mbe ba-nam m mě byibî-byěm echi*. Mbé ba/mû mbe ba-raa ng ba/fu, bâ n̂g byi-két kyichí ńkyín [ké kyi/tôong ne byirim emen.] Bâ n̂g byi-ju ǎ eringe nyí baa*zîim to dyizîn emen*.

Jeryimáya 14:13

Ne me n-raa kâng n/fu, Óburúkpâbí mú mu Otu Kyítá, wo amu a-nyît ng a/fu, bamkpábé ḿbé badasét byiraa eyên mbe ba-sét ng banet ba/fu, byití ne esong bii*ba/chi byi-chîchi* ké nǎ, wo aa/ryí ocím a/fu, bii*chi to*. Mbe ba-sét ng ba/fu, bunyîn-dyityém nké nke nké bu/chi bu-firi ké esí eten.

Jeryimáya 23:13

Me nn/ri kyibî ńkyí bamkpábé ḿbé badasét byiraa ejí, ḿbé mbe ké Samérya mbe ba-chi i. Mbé baa/raa byiraa ké dyizîn ńdyí Bâl ne baa/nîm banet ejí.

Jeryimáya 31:6

Ké ntûntû, nkéré mu o-bâ mú bambâm byikit ba/chi ba-bwom ké eku nyí Éferem ba-kó ba/fu, bâ n̂g byi-dim Záyon byi-kâm Osówo Óburúkpâbí eten.

Jeryimáya 6:14

Mbé mbe ba-kúng ng byinêm ḿbyí banet ejí wǎ boochi-bakwá. Byěm byi*fí kanong* nké mbé mbe ba-raa ng ba/fu, byěm mbyi kanong.

Jeryimáya 6:17

Óburúkpâbí kâng o-fîm banet-mbâm o/fu, bakûfwôo atông ké ntán mú o/chi o-kuri kámbé ekó. Nké banet-mbâm ámbe ba/raa ba/fu, mbé baa*fwôo atông*.

Lamantéshan 2:14

Bamkpábé eyên ba/mû ba*fí ne chwǒm ńkyí bada ǒ esét* kyi-cibi ne byisédéng*. Byiraa ebe ḿbyí ba/mû mbe ba-sét ng byi/nîm ǒ, ké nǎ, mbyí byi/mû byi*fí byi-tông ng byibî eyên wááng*. Mbé ba/chi ǒ a-kûkabe a/fu, wo a*dachîryuu byiko esaa*.

Lamantéshan 4:13

Nké ńkyín kyi/chi, ké nǎ, bamkpábé emen ḿbé badasét byiraa-Osówo ba/chi byibî, ne banchi kyifen-Osówo emen ba/chi kyibî ńkyí ba/cen ne bukyû ḿbú banet ḿbé ba*da/chi chwǒm*.

Ezékyel 3:17

wǎn-onet, me mu n-chi i ǒ a-firi onet-obâm mú oshê-Ézerel. Wo a/chi a-sét kámbé ekó nyí me mu n-kuri ng ǒ.

Ezékyel 33:7

Wǎn-onet, kántîk, me mu n-chi i ǒ onet-mbâm mú oshê mú Ézerel. Wo a-man a-sét kámbé kyi-kim ne ekó ekuri nyí mu n-sét ng ǒ.

Hozáya 5:1

Fwôo n̂g atông ba-jwo ńkyín, ǎ banchi kyifen-Osówo. Fwôo n̂g atông, ǎ banet-Ézerel. Ben mú ba/fím ké kyikû-butu, fwôo n̂g atông ba-jwo. Ben ba/mû ba/chi ba-kûkét mpan mú baa*ryí acît* ké bubwô ámbu, mpan o/chi o-bên běn, ké nǎ, ba/firi kaǎtám ké Myízipa, ba/firi to kaǎsém ńké baa/táng ké kaku ńké Tábo,

Hozáya 9:7

Nkéré mú busông ekye oo/fyi, nkéré mú banet ba/chi ba-koo busông ḿbú bu/kwárê ne mbé. Ké nkéré mú ńkyín kii/chi, Ézerel e/chi e-nyît kyi-kim ne nkyí. Ben bamu ba-sét ng ba/fu, mkpábé mú odasét byiraa-Osówo mún mu enyam. Ba-fu to, onyinchéng mún mú oo/koo byiraa ne Óburúkpâbí mu o-fún n. Me mu n-sa ng běn kafâ chwóó, ké nǎ, kyibî enen kyi/jang ejap kiǐtí.

Hozáya 9:9

Byěm ḿbyí mbe ba-chi i byi/bên kanong kanong, wǎ eringe nyí ba/mû ké Gyíbya. Osówo o/chi o-zîim kyibî ebe, o-kye kámbé busông ké nkyí.

Máka 7:4

Nang banet ḿbé mbe kanong ba-shwôm kámbé, ḿbé baa*sét kyisédéng ké burwám ebe* ba*da/byí ké chwǒm* wǎ biǐbyâa. Dyicí dii/fyi ńdyí Osówo o/chi o-kye banet ḿbé Ézerel busông, wǎ eringe nyí o/kuri kámbé ekó ké ocím mú bamkpábé ḿbé badasét byiraa emen. Kántîk, mbé ba*fí to ba-nyît ng ńkyí badachi*.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 15:24

Bonchí ejí o/mû oo*ba/chi o-fu kányí e/chi kyibî* â me m/mû n*da/chi biǐtí-akat ké bushú emen* ḿbyí nang onet obónge o*da/chi ne ne banyá*. Wǎ eringe nyí nkyi, nyǐ ee/ri ńkyí me n/chi. Me cibicibi ne Bonchí ejí byimu byi-sa ng kányí dyityém.

Rúman 3:7

Nké ebóng kyi/bên ké kafâ, â kyisédéng ejí ńkyí mu n-sét ng nkyi kyi-chi i banet ba-kûri busan-Osówo ḿbú ragerage, ké ochi mú nkyi kyi-chi i banet ba-kûri ntûntû mú Osówo wááng ba-shwôm. Kyi-cen n nǎ kâng ne Osówo o-chî mě ekye busông wǎ nchi byibî.

Hyíburus 13:17

Jwo n̂g banet-ashí enen ba-chi to ńkyí ba/kye busa ba/fu, bachi. Mbé mbe ba-bám m basun enen ojâng baa*jáng* ké ebóng, mbé ba-man ba-sét Osówo kyi-kim ne bǎmkpóngé ebe. Â ben ba/jwo kámbé mbé ba-chi i bǎmkpóngé ebe ne bunyîn-dyityém. Â kyi*fí éné* mbé ba/chi ba-chi kámbé ne bafip ne ńkyí nkyí kii*ba/chi kyi-chwáp běn nang onyin*.