Hozáya 9:7 - Bokyi Bible

⁷ Nkéré mú busông ekye oo/fyi, nkéré mú banet ba/chi ba-koo busông ḿbú bu/kwárê ne mbé. Ké nkéré mú ńkyín kii/chi, Ézerel e/chi e-nyît kyi-kim ne nkyí. Ben bamu ba-sét ng ba/fu, mkpábé mú odasét byiraa-Osówo mún mu enyam. Ba-fu to, onyinchéng mún mú oo/koo byiraa ne Óburúkpâbí mu o-fún n. Me mu n-sa ng běn kafâ chwóó, ké nǎ, kyibî enen kyi/jang ejap kiǐtí.

Hozáya 9:7 Iomraidhean Croise

Máka 7:4

Nang banet ḿbé mbe kanong ba-shwôm kámbé, ḿbé baa*sét kyisédéng ké burwám ebe* ba*da/byí ké chwǒm* wǎ biǐbyâa. Dyicí dii/fyi ńdyí Osówo o/chi o-kye banet ḿbé Ézerel busông, wǎ eringe nyí o/kuri kámbé ekó ké ocím mú bamkpábé ḿbé badasét byiraa emen. Kántîk, mbé ba*fí to ba-nyît ng ńkyí badachi*.

2 Kyîng 9:11

Jéhu o-bwa esim o-kâm bábe-banet-ashí-basúja, ḿbé ba/bí ǎ ba/fu, kángkáng byěm mbyi kanong dí. Onet-kyifún ámu mu o-ryuu ng ebóng ne wo. Jéhu o-faa kámbé o/fu, ben bamu ba-nyît ng ńkyí mu o-ryuu ng.

MÂK BǍMPÉM ḾBÉ BANONG KYI-KIM NE JISOS KARÂS ERINGE NYÍ MÂK O/SÁNG 3:21

Ké nkéré mú kyikû-banet emen ba/jwo kyi-kim ne chwǒm ńkyín, ba/dim ǎ ekpî, ké ebóng, banet ba/mû mbe ba-raa ng ba/fu, o-kú o-fún n.

Ezékyel 13:3

Nyín něen ńkyí Óburúkpâbí mú mu Otu Kyítá mu o-sét ng, o/fu, kyi/bên ne enyam-bamkpábé ḿbén. Mbé mbe ba-sét ng ńkyí nkyi kámbé ké dyityém ne ba*fí ba-ri ng chwǒm*.

Lamantéshan 2:14

Bamkpábé eyên ba/mû ba*fí ne chwǒm ńkyí bada ǒ esét* kyi-cibi ne byisédéng*. Byiraa ebe ḿbyí ba/mû mbe ba-sét ng byi/nîm ǒ, ké nǎ, mbyí byi/mû byi*fí byi-tông ng byibî eyên wááng*. Mbé ba/chi ǒ a-kûkabe a/fu, wo a*dachîryuu byiko esaa*.

Jeryimáya 10:15

Erím-bakye ányi e*da/byí chwǒm* ne e/kwárê nyí badatwóp kányí. Óburúkpâbí o/chi o-bên kányí ké nkéré mú oo/bê kámbé busông ekye.

Azáya 10:3

Ben ba-chi i nǎ, ké nkéré mú Osówo o-kú o-kyâ běn busông. Ben ba-chi i nǎ, ké nkéré mú o/bê běn ne afaníkong nyí a/fím oshê mú tíbítíbí. Ben ba-zóngê e ba-jâ nyá ne ba-da-koo ochwâp. Ben ba-rôo ng esang enen nyá.

2 Koríntyan 5:13

Be byimu byi-fún n ké ntûntû dí*. Nkyi ké bubwô ḿbú Osówo. Aa be byimu ne bubong eten dí. Nkyi ké bubwô enen.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 21:22

Ké ebóng, ací ányi a/bwom ké ací nyí Osówo o/chi o-kye banet-Ézerel busông, eringe nyí kyi/chi kyi-chi wǎ eringe nyí ejá-Osówo nyí ba/sáng kyísí e/fu,

Máka 2:11

Banet ḿbén mbe ba-ryuu ng mkpábé mú odasét byiraa ejí, mú odayêe ké byikit o-sét ng byisédéng, o-nîm m banet o/fu, me nn/ri n/fu, ben ba/chi ba-já bato chwóó.

Ezékyel 13:10

Bamkpábé ḿbén mbe ba-nîm m banet ejí ké osêt mú mbé mbe ba-sét ng ba/fu, nkyi kanong. Ké ntûntû, kyi*fí kanong*. Banet ejí baa/bi ekpe nyí aká nyí dédé, ne bamkpábé baa/sabe kányí kángkáng mpén.

Jeryimáya 29:26

Óburúkpâbí oo/chi ǒ wo nchi kyifen emen o-mîng Jehóyáda mú o/mû nchi kyifen emen, ne wo kántîk a/firi [onet-dyishí] mú kiǐtí-kyise-kyifen-Osówo echi. Kyi/firi bǎmkpóngé eyên ḿbé adari a/fu, onet-kyifún nang orá mú mu o-nîm m banet o/fu, nyǐ o-chi i mkpábé mú odasét byiraa-Osówo bafé ǎ bamgbokobá ne kyifóngé ńkyí kiǐrékiire.

Revelíshon 16:19

Kiǐtí-oshê ánkyi kyi-kyii byicê byichât, ne eshê ké ejíí emúmú e-bên. Osówo o-zîim kiǐtí-oshê ńkyí Bábyílon, ne o-chi kámú o-jwáp bato ké mmîk emen. Bato ḿbé kyibî-kafâ esa ńké Osówo.

Zefanyâ 3:4

Bamkpábé ḿbé badasét byiraa-Osówo baa*kúng byěm róró* ne ba-nîm m banet. Banchi kyifen-Osówo ba-bên n byěm-ociring, ba-pín n byije-Osówo eringe nyí byidakwárê ne édúú ebe.

Émos 8:2

Óburúkpâbí o-bí mě o/fu, Émos, wo a/ri ebóng. Me n-faa n/fu, n/ri kaakye ne byirim-byichí ḿbyí bii/bwam ké kafâ. Óburúkpâbí o-sét mě o/fu, nkuli kyikû mú banet ejí ḿbé Ézerel oo/fyi. Mm*ba/chi n-chîyángê dyityém ejí kyi-kim ne busông ḿbú n/fu, n-kyâ kámbé*.

Hozáya 9:8

Osówo oo/twóm mě wǎ mkpábé mú odasét byiraa emen o/fu, me mba-kuri banet emen ḿbé Ézerel ekó. Nké nang nyá nké n/wâa, ben bamu ba-ryuu ng ba/fu, ba-kám m mě wǎ kanurung. Ké ochíchí-esí nyí Osówo, banet-Ézerel bayén mbe ba-shwôn n ne mkpábé mú emen.

Ezékyel 38:23

Ké bukwóp ḿbún, me n/chi n-tông kángkáng eshê n/fu, me mu kiǐtí ne n/nwa dyityém. Mbé ba/chi ba-nyît kâng ba/fu, me n-chi i Óburúkpâbí.

Ezékyel 25:17

Me n/chi n-kye kámbé busông kanong kanong ne n/chi n-só kámbé ewa nyí e/kwárê mě. Mbé ba/chi ba-ri busa-dyityém ejí. Ne mbé ba/chi ba-nyît ba/fu, me n-chi i Óburúkpâbí.

Jeryimáya 46:21

Nang basúja emen ḿbé o/yámê ba*fí ne busa* wǎ bwǎn-bampong. Ba*da/bwom ba-nwa bunwa* mbé ashí amúmú ba/pín esim ba-chêe. Dyicí-busông ebe dyi/mû dii/ribi, nkéré mú badaju kámbé.

Jeryimáya 16:18

N/chi n-chi kámbé ba-ré dyifwá kampén kafee ké byibî ebe ne atyém ebe nyí ba/bên, ké nǎ, mbé baa/bên esí ejí ne erím-bakye nyí e*fí ne dyikpen* wǎ byikwóm-enyam-byiko ne baa/chi kányí e-sú ne esówo nyí e*fí ké kafâ*.

Jeryimáya 11:23

Me nn/tî nkéré mú n/chi n-kye banet ḿbé Anátot busông, ne ké ochíchí-nkéré ámu, onet o*fí nang obónge mú o/chi o-fem*.

Jeryimáya 8:11

Mbé baa/chi byinêm ḿbyí banet ejí byi-kpú kaǎnyín, ba-raa ng ba/fu, bunyîn-dyityém boo/bê, nké kyikit ńkyí mbu kô kyi*fí*.

Jeryimáya 6:14

Mbé mbe ba-kúng ng byinêm ḿbyí banet ejí wǎ boochi-bakwá. Byěm byi*fí kanong* nké mbé mbe ba-raa ng ba/fu, byěm mbyi kanong.

Azáya 44:25

Me mu n-chi i bansô epé ba-róng enyam, m-bên byěm ḿbyí banet ḿbé mbe ba-sô ng epé ké ékpére mbe ba-sét ng ba/fu, byi/chi byi-chi. Mu n-twóp ng byiraa ḿbyí banet-bubong, n-tông n/fu, bubong ebe mbu ḿbú enyam.

Azáya 34:8

Nyín nkéré mú Óburúkpâbí o/chi o-nyii Záyon, o-só banet-bushwôn emen ewa.

Azáya 26:11

Banet-bushwôn eyên ba*fí ba-nyît ng ba/fu, wo a-kyâ kámbé busông*. Óburúkpâbí, fé kámbé éshwân a-mîng kámbé ba-ri busông. Mîng kámbé ba-ri busông ḿbú aa/tî kámbé. Tông kámbé eringe nyí banet eyên mbe ba-jê ng ǒ.

Jeryimáya 23:13

Me nn/ri kyibî ńkyí bamkpábé ḿbé badasét byiraa ejí, ḿbé mbe ké Samérya mbe ba-chi i. Mbé baa/raa byiraa ké dyizîn ńdyí Bâl ne baa/nîm banet ejí.

Jeryimáya 25:14

N/chi n-só banet ḿbé Bábyílon ewa ké ńkyí baa/chi, ne eshê chwóó ne biǐtí-batu ba/chi ba-kúng kámbé ba-firi básóng.

Ezékyel 9:10

Nké me mm*ba/chi n-ri kámbé bafip*. Me n-chi i kámbé ńkyí mbé ba/chi banet ḿbé áku.

Hozáya 8:13

Mbé mbe ba-chi i byifen ba-kyâ mě, ba-kúng ng enyam-byifen ányi ba-ryí i.] Nké me Óburúkpâbí kyi*fí kyi-nyîn n mě ne mbé* ne kántîk, n/chi n-zîim kyibî ebe n-kye kámbé busông ké nkyí. N/chi n-twóm kámbé ba-bwa esim ké Éjip.

Hozáya 14:1

Hozáya o/fu, banet ḿbé Ézerel, bwa n̂g esim ba-kâm Osówo Óburúkpâbí enen. Kyibî enen kii/chi běn ba-kpán dyícíring ba-myii.

Hozáya 5:9

Dyicí-busông ndyi dyi-bâ, ne Ézerel e/chi e-nung ké busông. Banet ḿbé Ézerel, ńkyín kyi-man kyi-chi.