Hozáya 9:4 - Bokyi Bible

⁴ Ké esí-bacinbánet ányi, mbé baa*ba/chi ba-man eyip bato ba-chi kyifen ba-kye Óburúkpâbí* nang byifen baa*ba/chi ba-man echi ba-kye ǎ*. Byiryíng ebe byi/chi byi-bên, nang yeě o/ryí kámbyí wǎ byiryíng ḿbyí banet badaryí ké ajî-bukyû echi. Ba/chi ba-ryí byiryíng ámbyi eringe esong ee*nwa kámbé nké nke*. Byi*fí nang byibónge* ḿbyí ba/chi ba-kúng kámbyí ba-ca ne mbyí ké kiǐtí-kyise-kyifen echi ńkyí Óburúkpâbí*.

Hozáya 9:4 Iomraidhean Croise

Ézódos 29:40

Chi kyifen ké wǎn-etám-ebû mú kashú ne kyílogaram-filáwa obónge mú onong, mú badachi berêt ké mǔ ne lyíta-bakút-ólif mú onong onong obónge. Pwó lyíta-bato obónge ké kyifen ánkyi echi.

Ézódos 40:23

o-yip berêt mú badachi kyifen ba-kye Óburúkpâbí o-twôom ké mǔ, wǎ eringe nyí Óburúkpâbí o/mû o/sét ǎ.

Azáya 57:6

Bamu ba-kúng ng aká nyí gogégogé ké kace ánke ba-fâ kányí wǎ esówo. Bamu ba-pwó ng bato ké nyǐ ḿbé kyifen echi, ba-kyâ kányí byiryíng. Ben ba/kabe ba/fu, nkyi kyi-nyîn n mě ne kángkáng byěm ḿbyín?

Azáya 66:3

Banet mbe ba-chi i ńkyí kyi/nyîn kámbé. Onet mú mu o-ju ng otyép-mpong o-chi kyifen mu wǎ mú mu o-ju ng onet ké kyifen echi. Mú mu o-yip ng wǎn-etám-ebû o-chi kyifen mu wǎ mú mu o-bún n kabyî kyitông ké kyifen echi. Mú mu o-chi i kyifen ké esang-byichí mu wǎ mú mu o-chi i ké baróng-akûk. Mú mu o-shí i burwan mu wǎ mú mu o-jware ng orím-bukye. Atyém ebe nyi a-jêe ng ké biinunut-akwóp ḿbyí mbe ba-kyâ erím-bakye ofê.

Jeryimáya 16:7

Onet o*fí mú o/chi o-kye onet byiryíng* o-fé ǎ nang bato o/fu, onet-kyijé emen o/kpú ǎ*. Onet o*fí mú o/chi o-ri orî bafip*. Nang onet mú bonchí nang boné odakpú baa*ri ǎ bafip*.

Jeryimáya 6:20

Me n*fí ne chwǒm ńkyí ndachi ne burwan ḿbú ba/fím ne mbú ké Shéba ba-bâ mě ne mbú* nang ne bakút ḿbé ba/fím oshê mú tíbítíbí*. Mm*ba/chi n-koo eyáré ebe* nang byifen ebe bii*ba/chi byi-nyîn mě*.

Ezékyel 24:17

*Dachi a-tii bukyû bu-byí wááng*. *Dacen dyishí dyikáá* nang abe dyikáá* wǎ ekap nyí dyikán eta*. *Dacít bushú eyên* a-ryí nang byiryíng ḿbyí banet-dyikán eta mbe ba-ryí i*.

Ezékyel 24:22

Ne ben kâng ba/chi ba-chi ńkyí me nn/chi. Ben baa*ba/chi ba-cít bashú enen* ba-ryí nang byiryíng ḿbyí banet-akán eta mbe ba-ryí i*.

Dányel 1:8

Dányel o-tî ké dyityém emen o/fu, nyǐ oo*mîng byiko emen byi-bên ké bushú ḿbú Osówo* ké byiryíng eryí ne bato ejwáp ké kyibám-otu*. Ké bubwô ámbu, nyǐ o/bí Ashípenaz o/fu, ochwáp ǎ.

Hozáya 3:4

Ké dyizong-bukwóp ḿbún, banet ḿbé Ézerel ba/chi ba-kyú ké kyikim-nkéré chwóó, baa*kyú ne batu nang banet-ashí* baa*ba/chi ba-chi byifen* ba-kyú nang ne aká-ociring* baa*ba/chi ba-kyú ne erím-bakye ne byěm ḿbyí badakúng ba-sô epé*.

Hozáya 7:16

Mbé mbe ba-né ng mě ba-câ kashú ba-bírî ng ba-kâm m [bukye ḿbú bu*fí ne busa*.] Mbé baa*nwa efé dyityém* wǎ búre ḿbú bu*fí dángdáng*. Ké nǎ, banet-ashí ebe mbe ba-raa ng byiraa-akpee, mbé ba/chi ba-kpú kyibî-bukyû, ne banet ḿbé Éjip ba/chi ba-jwó kámbé.

Hozáya 8:13

Mbé mbe ba-chi i byifen ba-kyâ mě, ba-kúng ng enyam-byifen ányi ba-ryí i.] Nké me Óburúkpâbí kyi*fí kyi-nyîn n mě ne mbé* ne kántîk, n/chi n-zîim kyibî ebe n-kye kámbé busông ké nkyí. N/chi n-twóm kámbé ba-bwa esim ké Éjip.

Jówel 1:13

Fé n̂g byídí-dyikán eta ba-tii, ben banchi kyifen ḿbé bamu ba-chi i bǎmkpóngé ké kyikit-kyifen-Osówo echi. Ca n̂g ba-da-nung ké kiǐtí-kyise-kyifen-Osówo echi ba-tii buchú bumúmú. Byiryíng ne bato byi*fí to* ḿbyí badakye Osówo enen*.

Jówel 1:9

Byiryíng ne bato byi*fí to* ḿbyí badakye wǎ eyáré-kyifen echi ké kiǐtí-kyise-kyifen-Osówo echi*. Banchi kyifen-Osówo ba-kú ba-tii ng, ké nǎ, ba*fí to ne byifen ḿbyí badachi ba-kye Óburúkpâbí*.

Jówel 2:14

Katô Óburúkpâbí mú mu Osówo enen o/chi o-yángê dyityém emen, o-jware běn, o-kye běn byíkwôn chwóó. Ne ben kâng ba/chi ba-kye ǎ byiryíng ne bato.

Lyívyítyíkus 17:11

Baróng ba-kyâ nang ebóng chwǒm ńkyí nkyi kyikpó dyikpen, ne nkyí nké Óburúkpâbí oo/kye busa o/fu, bakúng kángkáng baróng ba-pwó ké kyikit-kyifen echi eringe nyí badafîm byibî ḿbyí banet. Baróng ḿbé badakye dyikpen ba-fîm m byibî.

Lyívyítyíkus 21:17

osét Éron o/fu, wǎn eyên nang obónge mú mu ne kyinêm ké byiko o*dachi o-chi kyifen-byiryíng o-kye mě*. Kyije ńkyín kyi-waa ng ké kángkáng bankéré ḿbé mbe ba-bâ.

Lyívyítyíkus 21:21

Wǎn mú Éron mú nchi kyifen-Osówo nang orá mú mu ne kyinêm ké byiko o*dachi o-chi kyifen ánkyi o-kye mě*.

Lyívyítyíkus 21:6

O-man o-kyú dyikpen ńdyí dyinong ké bushú ejí ne oo*man o-fé dyizîn ejí éshwân*. Nyǐ nké mu o-chi i kyifen-byiryíng o-kyâ mě, ne o-man o-kyú dyikpen ńdyí dyida mě enyîn.

Lyívyítyíkus 21:8

Banet-Ézerel ba-man ba-kúng nchi kyifen-Osówo wǎ onet mú mu o-kyú u dyikpen ńdyí dyinong ké bushú ejí, ké nǎ, nyǐ nké mu o-chi i kyifen-byiryíng o-kyâ mě. Me n-chi i Óburúkpâbí. Me mu kanong ne mu n-chi i banet ejí ba-kyú dyikpen ńdyí dyinong.

Émos 5:22

 ba/bê ne byifen ḿbyí badafwá byirim-enyam byi-shí ne ḿbyí badakye byiryíng, mm*ba/chi n-koo kámbyí*. Mm*ba/chi n-koo byitú enen ḿbyí baa/nen byi-rêe ba/fu, ba-bâ ng echi byifen ba-kye mě*.

Máláka 2:13

Chwǒm kyikíri ńkyí bamu ba-chi i nkyi něen. Ben bamu ba-cok ng kyikit-kyifen echi ńkyí Óburúkpâbí ne batíí, ba-tii ng bukyû, ké nǎ, nyǐ o*fí to o-koo ng byifen ḿbyí bamu ba-chi i ba-kyâ ǎ*.

Nómba 19:11

Nang yeě nké o/ta kyikwóm-okúsí, onet ámu o-waa ng onet mú bada ǎ eciring ké ací káchâtkányi.

Nómba 28:2

osét banet-Ézerel ba-kû ǎ ekye eyáré-byiryíng nyí eda ǎ enyîn, ké nkéré mú kyi/nyîn ǎ.

Nómba 4:7

Ba/chi ba-paam kyídí ńkyí bulûbulu ba-tát ké ókpákpúrúk mú badatî berêt, mú ba/chi kyifen ba-kye Óburúkpâbí, ba-twôom kâng acáng nyí burwan ne nyí eyáré ekye ne etyu nyí badafé bato-eyáré ekye ké nkyí. Berêt o/chi o-kyú kángkáng nkéré ké ókpákpúrúk.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 6:51

Me mu berêt mú dyikpen mú o/fím kyíbóng. Nang yeě nké o/ryí berêt mún o/chi o-kyú ké dyikpen ńdyí ne banyá. Berêt mú me n/chi n-kye ǎ, ányi enyam-byiko ejí nyí me n/chi n-kye, eringe nyí banet ba/chi ba-já dyikpen.

Dyitórónómyi 26:14

Me n*da/ryí onyin emen nang obónge* ké nkéré m/mû n-ta ng dyikán*. Me n*da/kúng onyin emen nang obónge m-byí ne mǔ kyíjí* ké nkéré mú me m/mû onet mú bada ǎ eciring* ne n*da/kúng ne onyin emen nang obónge* [n-kye bakúsí*.] Me nn/chi ńkyí wo a/sét mě, ǎ Óburúkpâbí. Me nn/chi kángkáng byěm ḿbyí wo a/sét kyi-kim ne eyáré nyí byikit diǐkpú.