Hozáya 8:8 - Bokyi Bible

⁸ Ézerel e/firi wǎ oshê nang orá, ne e*da/byí chwǒm* wǎ katí ńké kaa/sêe.

Hozáya 8:8 Iomraidhean Croise

2 Kyîng 18:11

Otu mú Asyírya o-kúng banet ḿbé Ézerel o-dim ne mbé Asyírya wǎ básóng, o-da-tî kyicê ké oshê mú Hála, kyicê fáráng ne kace ńké Hábu, ké kyikim-oshê ńkyí Gózan, ne kyicê ké eshê nyí Médya.

Azáya 30:14

Ba/chi ba-sêe rugirugi wǎ katí. Dyisê ándyi dyi/chi dyi-bên dyi-shwôm ńdyí kaǎcíncáng ńké karyên kaa*kyú nang kabónge* ńké badaman eyip ba-bwóp nang okwâ* ba-kpé nang omu ké dyijwáng*.

Jeryimáya 22:28

Me n/raa n/fu, Otu Jehóyákin oo/bírî otyu mú oo/sêe, mú baa/twóp kámú, mú onet o*fí to o-ryuu ng kámú*? Nkyí nké baa/kúng ǎ ne bwǎn emen ba-dim ne mbé oshê okíri wǎ básóng ké esí nyí baa*nyît chwǒm kyi-kim ne nyǐ*?

Jeryimáya 25:34

Tii n̂g, ben banet-ashí. Ben bambâm banet ejí, tii n̂g kakânkakân. Tii n̂g ba-bínê kyísí. Nkéré oo/fyi mú bada běn eju, ne ba/chi ba-fee běn wǎ ebû.

Jeryimáya 48:38

Bukyû búkyu nké bu/firi ké kángkáng byise ne ké étíbingé nyí Mówep, ké nǎ, me nn/sé Mówep wǎ otyu mú onet oo*chi to*.

Jeryimáya 50:17

Óburúkpâbí o/raa o/fu, banet ḿbé Ézerel mbe wǎ etám-ebû nyí ekpang nyi e-nwa ng ne nyǐ, e-chi i kányí e-pwôo byiryibyiryi. Ké mbwôp kashú, otu mú Asyírya nké o/kye kámbé bunwa, ne Otu Nébúkanéza o-sé kámbé byikúú.

Jeryimáya 51:34

Otu mú Bábyílon o/kám Jerúsélem o-ryí. O/chi oshê o-waa kafâ dyikáá wǎ otyu. O/myii kámú wǎ kyibî-enyam. O/kúng ńkyí mu o-ryuu ng, o-bwa ne kyicê o-pwó.

Lamantéshan 2:16

Kángkáng banet-bushwôn eyên mbe ba-fát ng ǒ kiikuku ba-tún n ǒ byibî-achi ne busa-dyityém. Mbé mbe ba-nyîim m byibî-ocím ebe ba-nyet ng byibî-ejwó ba/fu, bii/bên kámú. Dyicí ńdyí byi/mû byi-bám m něen.

Lamantéshan 2:2

Óburúkpâbí o/bên kángkáng eshê-Júda, byiko byi*da ǎ ekpú*. Nyǐ oo/sé byikit-dyirem ḿbyí mbyi byi-ku ng esí. Nyǐ o/fé oshê ámu ne banet-ashí-esí ányi éshwân.

Lamantéshan 2:5

Óburúkpâbí oo/bên Jerúsélem wǎ o-chi i onet-bushwôn. Nyǐ oo/mîng byikit-dyirem ḿbyí Jerúsélem ne byibám-batu emen byi-firi biǐbwô-byise. Nyǐ o/bê ne banet-Júda ne bafip ḿbé baa*man*.

Lamantéshan 4:2

Byisat ḿbyí Záyon byi/mû byi/rí bě ké dyityém wǎ gûl. Nké kántîk, ba-kú ba-kúng ng kámbé wǎ butí-ecing.

Lamantéshan 5:2

Esí eten e/firi ké abwô nyí bacinbánet. Bacinbánet ba-kú ba-kyú u ké byise eten.

Ezékyel 36:3

Sét kányí ńkyí me Óburúkpâbí mú mu Otu Kyítá mu n-raa ng. Ké nkéré eshê nyí e/fárâng Ézerel e/koo eku nyí Ézerel e-bên byěm ḿbyí mbyi ké nyǐ, eshê ányi kángkáng e/dángê Ézerel.

Lyívyítyíkus 26:33

N/chi m-bâ běn ne byití, m-pwó běn ba-jâ byiryibyiryi ké esí-bacinbánet. Esí enen e/chi e-waa kafâ dyikáá, ne eshê enen e/chi e-firi biǐbwô-oshê.

Rúman 9:22

Nkyi eringe ebónge ne ńkyí Osówo oo/chi. O/mû mu o-ryuu ng o/fu, nyǐ o-tông ng busa-dyityém emen, o-chi banet ba-nyît busa emen. Nyǐ o/cíp dyityém kâng ké ofit eryí ne banet ḿbé ba/mû ba/cen ǎ ne busa-dyityém, ḿbé nyǐ o/mû oo/kpá byiko ḿbyí odaju kámbé.

Dyitórónómyi 28:25

Óburúkpâbí o/chi o-chi banet-bushwôn enen ba-kpógê běn. Ba-fím m kyicê kyibónge ba-kye běn bunwa, nké ba-chêe ng kámbé ba-jâ byicê byimúmú, ne bushî bu/chi bu-róng kángkáng banet ḿbé ké ejíí ké nkéré baa/ri ńkyí nkyi kyi-chi i běn.

Dyitórónómyi 28:64

Óburúkpâbí o/chi o-pwó běn byiryibyiryi ké kángkáng eshê ekíri, kyi-fím ké bukô-ejíí bubónge kyi-ribi ké ḿbú áku. Ké eshê ányi nké ben ba/chi ba/fé erím-bakye nyí ba/sím ké byichí ne aká, nyí nang ben nang banchí enen ḿbé kpákpá ba/mû ba*da/fé ne*.