Hozáya 8:7 - Bokyi Bible

⁷ Â mbé ba/kwón byěm ké kyikit ńkyí nkyi kafâ dyikáá wǎ bufú, ba/chi ba-fuu kyibî-chwǒm wǎ afú nyí aryên. Kyifát-esang-byichí ńkyí kii*kán esang* kii*man echi berêt nang obónge*. Â nang kyi/bwa kyi-kán esang, bacinbánet nké ba/chi ba-ryí kányí.

Hozáya 8:7 Iomraidhean Croise

Jénésis 41:23

N-ri to biincicôk-boǒsáng-byichí káchâtkányi ḿbú boo/jwóm afú nyí kyikim-dyikán ké bu/byí to,

2 Kyîng 15:19

Otu Tyígalat-Pyílese mú otu mú Asyírya o/kye Ézerel bunwa, ne Otu Meháhem o-kye ǎ égot-bakyílogaram-syílyíba etánge etánge ké byikit bujam esim diǐkpú ne byinyii eringe nyǐ odabángê ne nyǐ o-fé Otu Menáhem busa ḿbú odawaa otu ké oshê.

2 Kyîng 15:29

Kyi/mû ké nkéré mú Otu Péka o/mû otu nké Otu Tyígalat-Pyílese mú otu mú Asyírya o/koo eshê nyí Éjon ne Ébel-Bét-Máka ne Jánwa ne Kédeshi ne Házo ne byikim-esí ḿbyí Gyílet ne Gályílyi ne Nafatályi, o-kám banet o-dim ne mbé Asyírya wǎ básóng.

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 4:8

Me nn/ri banet ba-kpang byibî wǎ byifát, ba-kwón atyém ebên wǎ esang-byichí. Kántîk, mbé ba-fuu ng atyém ebên ne byibî.

Póróvep 22:8

Onet mú mu o-cen n ne byěm-acît eryí o/chi o-já busông ne oo*ba/chi o-chîcít banet*.

Ekyilyizátes 5:16

Kyi*da/nwa*. Be byi-dim m wǎ eringe nyí byi/bê. Be byimu byi-chi i bǎmkpóngé byi-kan n byi/fu, byi-kám m bufú, ne byimu byi-já ng ebóng.

Azáya 17:11

Nké nang byi-bwa byi-byí byi-byet ké dyicófóróng ándyi ńdyí badakwón kámbyí, baa*ba/chi ba-fuu chwǒm ké mbyí*. Afaníkong ne bubân ḿbú boo*man* nké nke byidakyú.

Azáya 55:2

Ebóng bamu ba-bên n akpuga ké byěm ḿbyí baa*zût*. Ebóng bamu ba-bên n akpuga enen esong e-bwa e-chî běn ekpet enwa. Fwôo n̂g atông ba-jwo mě, ba-chi ńkyí mu n-sét ng ne ba/chi ba-ryí byiryíng ḿbyí byi/nwa byi-shwôm.

Azáya 66:15

Ké nǎ, Óburúkpâbí o/chi o-bâ ké okwâ. O/chi o-bâ ne ochéé ké bamútu emen wǎ afú nyí aryên o-ba-kye banet ḿbé mu o-sa ng kafâ ne mbé busông.

Jeryimáya 12:13

Banet ejí ba/kwón esang-byichí, ba-fuu byiwong. Mbé baa/chi bǎmkpóngé ba-fé busa, nké ba*da/já nang chwǒm ké mbé*. Ké bubwô ḿbú kyibî-busa-dyityém ejí, byíkwôn ebe byi*da/zím*.

Lamantéshan 5:2

Esí eten e/firi ké abwô nyí bacinbánet. Bacinbánet ba-kú ba-kyú u ké byise eten.

Hozáya 2:9

Ké bubwô ámbu, ké nkéré mú byiryíng efuu, me n/chi n-koo eyáré ejí nyí byiryíng ne bato nyí m/mû n/kye ǎ ne n/chi n-koo byídí ejí ḿbyí byinong byinong ḿbyí n/kye ǎ mu o-bwá ng.

Hozáya 7:9

ne ba*fí ba-nyît ng ba/fu, esim ejêem ńkyín ne bacinbánet ee/koo kámbé busa*. Ací ebe aa/fárâng, nké nang onyît ónyit ba*fí ba-nyît ng*.

Hozáya 9:16

Banet ḿbé Ézerel mbe wǎ kyichí ńkyí eriri emen ee/jwóm, ńkyí kii*man to ezím byirim*. Mbé baa*ba/chi ba-fwon bwǎn*. Nké nang ba-bwa ba-fwon, me n/chi n-ju bwǎn-dyityém ebe.

Náhum 1:3

Óburúkpâbí oo*sa kafâ osa ósa*. Nké nyǐ mu ne busa, ne oo*mîng banchi byibî busông ekye*. Kyikit ńkyí Óburúkpâbí odacen, afú nyí aryên a-tugi ng. Éfíbí ányi édúkǎndú nyí edabyí ké byikit ḿbyí odacím byiká.

Hágya 1:6

Ben baa/kwón esang-byichí chwóó, nké nyí e/zím e*da/jê*. Ben bamu ne byiryíng ḿbyí badaryí, nké byi*da/jê ḿbyí ben badazût*. Ben bamu ne bato ḿbé badajwáp, nké ba*da/jê ḿbé bada běn echi ba-bwóm*. Ben bamu ne byídí, nké byi*da/kwárê ḿbyí badacít ké dyibyi*. Onet mú mu o-chi i bǎmkpóngé o*fí o-ryí i akpuga-otukáku nyí ada ǎ ekwárê*.

Galíshan 6:7

*Da n̂g echi ba-nîm byiko enen*. Onet o*fí mú odaman enîm Osówo*. Ochíchí-chwǒm ńkyí onet odakwón nké onet ámu odafuu.

Galíshan 6:8

 onet ámu o/kwón ké kyifát ńkyí kyibî-dyityém emen, ké kyifát emen ánkyi, o/chi o-fuu byiryíng ḿbyí bukyû.  o/kwón ké kyifát ńkyí Busun-Osówo, o/chi o-fuu byiryíng ḿbyí dyikpen ńdyí ne banyá.

Dyitórónómyi 28:33

Oshê mú kyíjí o/chi o-kúng kángkáng byíkwôn ḿbyí ba/chi bǎmkpóngé ba-sóng běn ne ba-kwón, ben bayén baa*koo chwǒm kyikíri* kyi-cibi ne ocît mú bada běn ecít kángkáng nkéré* ne kyibî-dyitî ńkyí bada běn etî*.