Hozáya 8:5 - Bokyi Bible

⁵ Otyép-mpong mú ba/mee ké gûl, mú banet ḿbé oshê mú Samérya mbe ba-kyâ kámú ofê, mu o-sa ng mě kafâ. Kafâ nke ka-sa ng mě ne mbé. Ka-rí i nǎ ne mbé ba-mîng bakye ebe esháng.

Hozáya 8:5 Iomraidhean Croise

2 Korónyíkil 13:8

Otu Abyíja o-raa o-ca kashú o/fu, kántîk, ben bamu ba-nam m enwa ne butu ḿbú Óburúkpâbí o/kye bwǎn-Otu Dívit. Ben bamu ne bannwa byití chwóó ne bamu ne batyép-bampong-gûl ḿbé Otu Jérobâm o/chi o/fu, bakyú esówo enen.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 19:13

*Dachi a-mîng mě to n-tigi ne dyityém ejí n-chi byibî*. *Damîng kámbyí byi-koo mě busa*. Ne me n/chi n-firi kerededet, a-chi mě n-fem ké [byibî ḿbyí bii*nwa eri*.]

Póróvep 1:22

enyam-banet, ben bamu ba-ryuu ng ba/fu, ba-róng ng enyam ka-rí nǎ. Ben ba-kyâ bubong enen edángé ka-rí nǎ. Ben baa*ba/chi ba-kwâa chwǒm*?

Azáya 45:20

Óburúkpâbí o/raa o/fu, ben kángkáng banet ḿbé ké eshê, ḿbé ba/fem ké nkéré mú kiǐtí-oshê ánkyi kyi/róng, bâ n̂g kyikit kyibónge. Bâ n̂g ba-bwom ké mpan. Banet ḿbé mbe ba-sháng ng bakye ḿbé baa*man echwáp kámbé* ba-fâ nshwam ba-kyâ kámbé, ba*fí ba-nyît ng chwǒm nang kaǎnyín*.

Jeryimáya 13:27

Nyǐ oo/ri běn ba-chi byěm ḿbyí mbyi byi-sa ng ǎ kafâ. Nyǐ oo/ri běn ké baa/kyé esówo nyí e*fí ké kafâ* ké eku ne ké byifát, wǎ onyinchéng mú mu o-kyé ng erí ne onyi mú orî-onet emen, wǎ kabyî-orá ńké nke ka-kyé ng erí ne buma. Banet ḿbé Jerúsélem, ben ba/firi ké busông. Nkéré orá mú ben ba/chi ba-firi kanong.

Jeryimáya 4:14

Jerúsélem, soo byibî ḿbyí mbyi ké dyityém eyên eringe nyi Osówo o/chi o-nyii ǒ. Ka-rí i nǎ ne wo a-mîng byibî-okabe ekabe.

Jeryimáya 48:13

Banet ḿbé Mówep ba/chi ba-nyît ba/fu, Kémos mú orím-bukye ebe oo/nîm kámbé wǎ eringe nyí ba/nîm banet ḿbé Ézerel ne Bétel mú mu Osówo mú mbé ba/fé dyityém.

Hozáya 10:5

Banet ḿbé mbe ba-kyú u ké oshê mú Samérya ba/chi ba-kûshî, ne ba/chi ba-ta dyikán ńdyí orím-bukye-[otyép-mpong] mú ba/chi ké gûl, mú baa*ba/chi ba-chîri*. Mbé ne banchi kyifen ebe ḿbé mbe ba-fâ orím-bukye ámu ba/chi ba-tii kámú. Mbé ba/chi ba-tii ké nkéré mú bunong emen boo*ba/chi bu-chîkyú kámú ké byiko*.

Hozáya 10:8

Ba/chi ba-bên biinchéng-bakye ḿbyí mbyi kyíbóng-eku, ké Áben, byikit ḿbyí banet ḿbé Ézerel mbe ba-sháng ng bakye. Byiwong ne biǐbyâa byi/chi byi-byí ké byikit ámbyi ḿbyí mbe ba-chi i byifen. Banet ḿbé Ézerel ba/chi ba-tii ba-kó eku nyí nyáám ba/fu, rôo bě, ba-tii ba-kó eku nyí kyísí kyísí ba/fu, cít bě.

Hozáya 13:2

Mbé ba/tôong ba-chi i byibî ba-câ kashú, ké ochi mú mbe ba-chi i erím-bakye-biǐré ba-kyâ kányí ofê, erím-bakye-syílyíba nyí ba/kúng bubong ne abwô nyí banet ne ba-chi. [Ne ba-raa kâng ba/fu, chi n̂g byifen ba-kye kányí. Banet ba-cen n nǎ ne ba-fé erím-bakye ányi ocím, nyí ba/chi wǎ bampong.]

Hozáya 8:6

Nsîm byěm mú Ézerel nké o/sím orím-bukye, nké orím-bukye ámu oo*chi Osówo*. Ba/chi ba-sé mpong rugirugi mú ba/mee ké gûl, mú banet ḿbé Samérya mbe ba-kyâ kámú ofê.

Émos 8:14

Banet ḿbé mbe ba-ryí i ocím ba-sem m erím-bakye nyí ké Samérya ba-raa ng ba/fu, ké dyizîn ńdyí orím-bukye mú Dǎn, ne ké dyizîn ńdyí orím-bukye mú Byíshíba, banet ámbe ba/chi ba-myii baa*bûu to*.

Máka 1:7

N/chi n-sé erím-bakye nyí ba/fé dyityém ké nyǐ rugirugi. Okwâ o/chi o-shí kángkáng byěm ḿbyí ba/kye banyinyi-akpara ké kyise-bakye esháng ebe, ne kángkáng erím-bakye ebe e/chi e-firi dyizu-biǐbyém. Ba/kye banet-Samérya byěm ḿbyín ba/fu, byibâ ne bufwon, nké kántîk banet-bushwôn emen ba/chi ba-kúng kámbyí ba-kûdakye kámbyí ofê ké byikit byikíri.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 7:41

Kyi-fím ányi kâng mbé ba-chi orím-bukye mú o/mû wǎ wǎn-mpong, ba-chi kyifen ba-kye kámú, ne ba-chi dyijî kyi-kim ne orím-bukye ámu mú mbé bayén ba/kúng abwô ebe ba-chi.

Dyitórónómyi 32:22

Kafâ esa ejí ka/chi ka-mang wǎ okwâ ka-shí kángkáng byěm ké ejíí. Ka/chi ka-ribi ké oshê-bakúsí, ka-shí byikû-eku.