Hozáya 8:10 - Bokyi Bible

¹⁰ Nké kántîk, n-kú m-bâ ekpaa kámbé n-tî kyikit kyibónge, n-kye kámbé busông. Kaa*bwon to ne ba-kpet ebínê kyísí* ké nkéré mú otu Asyírya o-kú o-kyâ kámbé busông*.

Hozáya 8:10 Iomraidhean Croise

2 Kyîng 14:26

Óburúkpâbí o/ri [byibî-afaníkong] ḿbyí banet-Ézerel mbe ba-ri ng. Onet o/mû o*fí mú odachwáp kámbé*.

2 Kyîng 17:3

Otu Shamanéze mú Asyírya o/nwa byití ne nyǐ. Otu Hoshâ o-zú abwô ké bunwa o-kye Otu Shamanéze, ne o-kpet ǎ ekye akpuga-dyishí kángkáng dyije.

2 Kyîng 17:4

Nké dyije dyibónge, Otu Hoshâ o/twóm banet-kyitwóm ba-kâm [Otu Sô mú Éjip,] o/fu, ochwáp ǎ, o-mîng Asyírya ekye akpuga-dyishí nyí mu o-kyâ kángkáng dyije. Ké nkéré mú Otu Shamanéze o/jwo kyi-kim ne nkyí, o-ba-kám Otu Hoshâ o-fé ǎ ké mgbokobá.

1 Korónyíkil 5:26

Ké bubwô ámbu, Osówo o/chi Otu Pûl mú otu mú Asyírya, mú o/mû o-bángê e to Otu Tyígalat-Pyílese o-kye oshê ebe bunwa. O-kám banet ḿbé byikû-banet ḿbyí Rúben ne Gât ne ḿbé kyicê-Manáse ńkyí óbyísû mu o-byí i, o-da-tî kámbé ba-kûkyú ké Hála ne Hábu ne Hára ne ké bukô-kace ńké Gózan.

Azáya 10:8

Mu o-tông ng byiko o/fu, onet-dyishí-basúja emen nang orá o-chi i otu.

Azáya 30:2

Mbe ba-dim m ba-kâm m Éjip ba/fu, bachwáp kámbé, bacê ḿbé emen ba*da/bí*. Mbe ba-ryuu ng ba/fu, Éjip eku kámbé, ne ké bubwô ámbu, baa/yip dyityém ebe ba-fé ne otu mú Éjip.

Azáya 36:13

Ne onet-dyishí-basúja ámu o-bûu nensang o-raa ké Hyíburu ne ejá kyíbóng kyíbóng o/fu, fwôo n̂g atông ba-jwo ńkyí otu mú Asyírya mu o-sét ng běn.

Jeryimáya 42:2

ba-ba-sét mě ba/fu, kamgbe, chi ńkyí byimu byi-bí ng ǒ byi/fu, chi. Fé nshwam a-kye Osówo Óburúkpâbí eten ké bubwô eten. Fé kámú ké bubwô ḿbú be ashí amúmú mú bii/fem bukyû. Be byi/mû byi/jê chwóó, nké kántîk byi/firi boǒnyín, wǎ eringe nyí wo amu a-ri ng.

Ezékyel 16:33

Onet-akpara ba-kyâ ǎ akpuga. Nké wo a/yárê kángkáng bákyî eyên a-kye kámbé ngu a/fu, bafím kángkáng byikit ba-ba-rí ne wo.

Ezékyel 16:37

Ké bubwô ḿbún, me n/chi m-kpaa bákyî eyên kángkáng ḿbé bada ǒ ejê ne ḿbé baa*jê ǒ* n-tî kyikit kyibónge. Me n/chi m-bâ ne mbé ba-wâng ǒ, ne m-pii ǒ byídí ké byiko m-mîng kámbé ba-ri ǒ osíndyíbang.

Ezékyel 22:20

ké dyizong-bukwóp ḿbú mbe ba-fâ biǐré ké okwâ-bure. Busa-dyityém ejí bu/chi bu-nyange kámbé wǎ eringe okwâ odanyange biǐré.

Ezékyel 23:5

Nang ké Ohóla o/mû onyi mú ejí, nyǐ o/mû mu o-câ kashú ne akpara emen, ne babép ba/mû ba/sú ǎ ké byiko kyi-kim ne bákyî emen ḿbé ba/fím Asyírya.

Ezékyel 26:7

Óburúkpâbí mú mu Otu Kyítá o-raa o/fu, me n/chi m-bâ ne Otu Nébúkanéza mú Bábyílon, mú o/rêe o-shwôm kángkáng batu o-ba-nwa ne wo. Nyǐ o/chi o-fím bushûyû ne bannwa byití chwóó ne bubyî-orá ne bamútu ḿbé bubyî-orá budatut ne basúja ḿbé badayú bubyî-orá.

Dányel 2:37

Átá-otu, wo amu otu mú o/rêe o-shwôm kángkáng batu. Osówo mú kyíbóng oo/kúng ǒ butu, ne oo/kye ǒ busa ne ofê ne oo/chi ǒ a-firi kiǐtí.

Hozáya 10:10

Me n/chi n-kye banchi byibî-banet ḿbén bunwa,] n-kye kámbé busông. Eshê e/chi e-cibi kyikit kyibónge e-nwa ne mbé, ne e/chi e-kye kámbé busông ké bubwô-byibî ebe.

Hozáya 12:2

Óburúkpâbí mu ne kyibî-mpan ne banet ḿbé Júda ńkyí o/fu, nyǐ o-két ng kámbé. O/chi o-kye to banet ḿbé Ézerel busông ké édúú ebe nyí mbe ba-chi i. Nyǐ o/chi o-só kámbé ewa ké byěm ḿbyí baa/chi.

Hágya 2:6

Kii*ba/chi kyi-chîbwon ne n-chînáng bubóng ne esí* ne ecing ne buce*.