Hozáya 8:1 - Bokyi Bible

¹ Óburúkpâbí o/raa ne me o/fu, wonge agurubí. Banet-bushwôn mbe ba-tíngê e ba-bâ kyísí ké esí ejí wǎ biinkwa. Banet ejí baa/bên ocím mú n/ryí ne mbé, ne baa/né ejwo ńkyí n/tángê kámbé.

Hozáya 8:1 Iomraidhean Croise

2 Kyîng 18:27

Nyǐ o-faa o/fu, ben bamu ba-kabe ng ba/fu, ben nké nke nké otu mú Asyírya o/twóm mě o/fu, me nraa ne ben? Aa*wááng* me mu n-raa ng to ne banet ḿbé ba/yú ba-kyú ké ekpe, ḿbé ba/chi ba-ryí abîng ebe, ba-jwáp basa ebe wǎ eringe nyí ben to ba/chi ba-chi.

Azáya 18:3

Nang yeě mú mu o-kyú u ké ejíí, ofwôo atông o-jwo. Kû n̂g etî achi ké ekap-byití nyí ba/chi ba-tông kyíbóng-eku. Fwôo n̂g atông ba-jwo ntán mú ba/chi ba-jwá.

Azáya 24:5

Banet baa/bên ejíí ké byije ḿbyí Osówo ḿbyí mbe ba-bên n, ne ké ocím ebên mú nyǐ o/ryí o/fu, o/chi o-waa ne banyá.

Azáya 58:1

Óburúkpâbí o/raa o/fu, wonge eringe nyí badaman ewonge kakân. Sét banet ejí ḿbé Ézerel kyi-kim ne byibî ebe.

Jeryimáya 31:32

Oo*ba/chi o-chi wǎ mú kpákpá mú n/ryí ne banchí ebe ḿbé kpákpá* ké nkéré mú n/níbî kámbé ké bubwô* n-fîm kámbé ba-byí ké Éjip*. Nang ké m/mû kámbé wǎ otyép, mbé ba*da/tî ocím ámu mú n/ryí ne mbé*.

Jeryimáya 34:18

Banet-ashí ḿbé Júda ne Jerúsélem, cibicibi ne banet-ashí-bǎmkpóngé-otu ne banchi kyifen ejí ne kángkáng banet-ashí-oshê ba/ryí ocím ne me ba-sem dyizîn ejí, ba-cen ké otyém-byicê-enyam byifee ḿbyí ba/ju mpong ba-ját kámú byicê byifee. Nké mbé ba/bên ocím mún ba*da/chîtî kámú*. Ké bubwô ámbu, n/chi n-chi banet ḿbén ńkyí mbé ba/chi mpong ámu.

Jeryimáya 4:13

Kan n̂ achi ba-ri, onet-bushwôn mu o-bâ wǎ ófíbí. Bamútu-byití enwa emen mbe wǎ kyibî-bufú, ne bubyî-orá emen bu-kwáng ng bu-shwôm biinkwa. Be bii/tánê. Be bii/kpú.

Jeryimáya 4:5

Jwá n̂g ntán ké esí emúmú. Wonge ê ne ejá kyíbóng kyíbóng, ba-sét banet ḿbé Júda ne Jerúsélem ba/fu, bachêe ba-da-rem ké eshê nyí nyi ne byikit ḿbyí badabwom ba-nwa byití.

Jeryimáya 48:40

Óburúkpâbí oo/ryí ocím o/fu, oshê obónge o/chi o-ba-tíngê ké Mówep wǎ kiinkwa ńkyí kii/byí kyi-paam abyibabang,

Jeryimáya 49:22

Onet-bushwôn o/chi o-kye Búzara bunwa wǎ kiinkwa ńkyí kii/byí kyi-paam abyibabang. Ké dyicí ándyi, bushî bu/chi bu-chi basúja ḿbé Édom wǎ onyinyi mú bufwon mbu bu-nwa ng ǎ.

Jeryimáya 51:27

Tông n̂g ekap nyí byidakye bunwa. Jwá n̂g ntán eringe nyí eshê edajwo. Kpá n̂g eshê byiko ba-nwa byití ne Bábyílon. Sét n̂g eshê nyí Arárat ne Myínyi ne Ashíkénaz ba-kye bunwa. Fîm m̂ onet-dyishí-basúja mú odatông kashú ké bunwa. Bâ n̂g ne bubyî-orá wǎ dyibóng-agurubí.

Jeryimáya 6:1

Banet-kyikû-banet ńkyí Běnjámin, chêe n̂g eringe nyí badafem. Chêe n̂g ké Jerúsélem. Jwá n̂g ntán ké Tékwa, ba-tî ekap-byití ké Bét-Hákerem, ké nǎ, kyibî ńkyí kyi/chi kyi-bên byěm chwóó nkyi kyi-fím m bushûyû kyi-bâ.

Ezékyel 11:4

Kántîk kâng, ǎ wǎn-onet, sét byiraa ejí a-bîn kámbé.

Ezékyel 16:59

Óburúkpâbí mú mu Otu Kyítá mu o-sét ng o/fu, me n/chi n-chi ǒ ńkyí kyi/kwárê ne wo, ké nǎ, wo a/né ocím mú a/ryí ne me.

Ezékyel 17:3

eringe nyí badanyît ńkyí me Óburúkpâbí mú mu Otu Kyítá mu n-sét ng kámbé, n/fu, kiinkwa kyi/mû ńkyí kyi/mû kyi/rêe kanong kanong ne ezinge enong enong ne abyibabang aryên aryên táttát. Nkyí kyi/byí kyi-jâ ḿbú eku nyí Lebánon kyi-da-jâa kyire-kyíbóng-dyisín-kyichí ńkyí badakó séda.

Ezékyel 7:14

Ba-kpet ng ntán ejwá nang yeě o-kpet byiko ekpá. Nké onet o*fí mú o/chi o-dim byití* ké nǎ, kafâ esa ńké Osówo ka/chi ka-ta nang yeě.

Hozáya 4:6

Banet ejí mbe ké busông, ké nǎ, mbé ba*fí ba-nyît ng mě*. Ben banchi kyifen ejí baa/né mě enyît ne baa/né ńkyí n/tángê běn, ne ké bubwô ámbu, me mu n-né ng běn ne mm*ba/chi n-nyît bwǎn enen wǎ banchi kyifen ejí*.

Hozáya 5:8

Jwá n̂g bantán-byití ké Gyíbya. Wonge ê agurubí ké Ríma. Nyán n̂ byití ké Bétel. Banet ḿbé Běnjámin, nwa n̂g byití.

Hozáya 6:7

Nké mbé ba-nung ng ké esí ányi ba-bâ, ké oshê mú Ádam,] ba-bên ocím mú m/mû n/ryí ne mbé.

Hozáya 9:15

Óburúkpâbí o/raa o/fu, kángkáng byibî-byěm ebe ḿbyí ba/kpet echi, byi/kpet ké Gyígal. Ányi nké ba/kpet mě kafâ esa. Ne ké bubwô ḿbú kyibî ńkyí baa/chi, me n/chi n-ró kámbé ké esí ejí. Baa*ba/chi ba-chî mě ejê*. Kángkáng banet-ashí ebe baa/bírî bunwa ne me.

Jówel 2:1

Jwá n̂g ntán, wonge ê agurubí ké kaku-ociring ńké Osówo, ńké badakó Záyon. Shî n̂g ba-tím banê, ǎ banet ḿbé Júda. Dyicí ńdyí Óburúkpâbí ndyi dyi-bâ abeabe.

Jówel 2:15

Jwá n̂g ntán ké kaku ńké Záyon. Kye n̂g busa ḿbú badacíp esong, ba-kó banet ba-bâ kyikit kyibónge.

Émos 3:6

Ntán-byití o-man n eróng ké oshê? mú oo*chi banet ba-shî*? Busông bu-man n enung ké oshê? â Óburúkpâbí o*da/twóm kámbú*?

Émos 8:3

Ké dyicí ándyi, ekwan nyí mbe ba-kwán n ké [kyibám-butu] e/chi e-bírî e-firi bukyû ḿbú dyikán eta. Byikwóm-banet byi/chi byi-firi ké kángkáng byikit. Ba-yip ng kámbyí [ba-twóp ng pyêppyêp.]

Émos 9:1

Me n/ri Óburúkpâbí ké o/bwom ké kyikit-kyifen emen echi. Nyǐ o/kye busa o/fu, kíbî ké ashí-byikwap nyí kyise-kyifen-Osówo echi kakânkakân eringe nyí byikwap byimúmú byidanáng. Sé kámbyí a-mîng kámbyí byi-róng banet ké ashí. Banet ḿbé ba/waa n/chi n-ju kámbé ké byití. Onet o*fí mú o/chi o-chêe*. Onet o*fí mú o/chi o-fem*.

Habákuk 1:8

Bubyî-orá ebe bu-kwáng ng bu-shwôm ekpang, ne bu/bên to atyém bu-shwôm ekpang nyí esong e-kú e-nwa ng kányí. Banyû bubyî-orá ebe ba/fím ké esí nyí tíbítíbí mbe ba-yú u kámbú ba-bâ, bubyî-orá ebe ba-fuu ng esí bu-bâ. Mbe ba-bâ ba-tíngê e kyísí ba-bâ wǎ bukô ḿbú mbu ba-bâ ekám chwǒm.

Zefanyâ 1:16

dyicí ńdyí biintán-byití ejwá ne dyiwonge ńdyí byití ḿbyí badanwa ne eshê nyí ba/bi ekpe ba-wáp kányí, ne ńdyí badanwa ne biǐnyáám-byikit-mbâm.

Zákaryâ 11:1

Oshê mú Lebánon, bâa afyi eyên eringe okwâ odashí byichí-séda eyên.

Zákaryâ 9:14

Óburúkpâbí o/chi o-byí o-bwom kyíbóng, banet emen ba-bwom kyísí. O/chi o-ché abán emen nyí adakwáng wǎ kasabang. Óburúkpâbí mú o/rêe o-shwôm o/chi o-jwá ntán emen. O/chi o-cen ké afú nyí aryên, nyí nyi a-fím m busyísen. [

Mátyuu 24:28

Nang kyikit kyirá ńkyí kyikwóm-okúsí kyidakyú, biinfuu akun byi-cibi ng ányi.

1 Koríntyan 15:52

wǎ eringe onet odamyâp achi, ké nkéré mú ntán mú nkuli kyikû oo/jwá. Ké ebóng, ké nkéré ntán ámu oo/jwá, Osówo o/chi o-jwóbê banet ḿbé baa/kpú ba-bwa ké dyikpen ńdyí baa*kpú to*. Ne Osówo o/chi o-yángê bě be ashí amúmú.

Dyitórónómyi 28:49

Óburúkpâbí o/chi o-bâ ne oshê mú o/fím tíbítíbí, mú baa*jwo ejá nyí mbe ba-raa ng* o-ba-nwa ne ben. Mbé ba/chi ba-róng ba-ba-kám běn wǎ kakô.