Hozáya 7:7 - Bokyi Bible

⁷ Ké nkéré mú kafâ ka-kú ka-sa ng kámbé, ba-kám batu ebe ba-ju. Baa/ju batu ebe ké obónge ké obónge, nké onet o*fí mú mu o-fâ nshwam o-kyâ mě o/fu, me nnyii kámbé*.

Hozáya 7:7 Iomraidhean Croise

1 Kyîng 15:28

Ńkyín kyi/chi ńdyí Otu Ása mú Júda oo/rí ké butu ké aje achât. Ne Básha o-koo kâng kakyúng-butu ńké Otu Nádap wǎ otu mú Ézerel.

1 Kyîng 16:18

Nkéré mú Otu Zímiryi o/ri o/fu, oshê-Tyíza oo/róng, o-dim o-da-nung ké nfût mú ké kyibám-butu mú ké kafâ ké kafâ, mú shwaneshwane, o-fé okwâ ké nkyí, o-kpú áku ké bumang-okwâ.

1 Kyîng 16:22

Ké nkuli kyikû, ḿbé ké kyicê ńkyí Ómiryi nké ba/kpógê. Tyíbyinyi o-kpú, Ómiryi o-firi otu.

2 Kyîng 10:14

Otu Jéhu o-kye banet emen busa o/fu, kúng kámbé bakpó ashí amúmú. Ba-kám kámbé, o-ju kámbé fáráng ne dyibíng ńdyí dyi/mû ányi. Mbé ashí kángkáng ba/mû bajam bafee esim-banet bafee. Ba*da/mîng nang onet obónge okpó*.

2 Kyîng 10:7

Ńdyí ba/koo léta mú Otu Jéhu, banet-ashí-oshê mú Samérya ba/ju kángkáng banet-kyikû-banet ńkyí Otu Éhap ámbe bajam bachât esim diǐkpú, ba-yip ashí ebe ba-fé ké bookye, ba-twóm kányí a-kâm Otu Jéhu ké Jézerel.

2 Kyîng 15:10

Shálum mú wǎn-Jábeshi o/nam Otu Zákaryâ dyiju, ne o-ju ǎ [ké Ébyam,] o-kúng kyikit emen wǎ otu.

2 Kyîng 15:14

Menáhem mú wǎn-Gádyi o/dim ké Tyíza o-wâa Samérya, o-da-ju Otu Shálum, o-kúng kyikit emen wǎ otu.

2 Kyîng 15:25

Onet-dyishí-basúja ḿbé Otu Pekahyâ, mú odabángê Péka, mú wǎn-Ramalyâ o/cibi ne bajam-banet bafee esim diǐkpú ḿbé ba/fím Gyílet, ba-ju Otu Pekahyâ ké kyise ńkyí badabwom ba-nwa byití, ńkyí ké kafâ, ké kyibám-butu, ké Samérya, Péka o-kúng kyikit emen wǎ otu.

2 Kyîng 15:30

Ké aje bujam nyí Jótan mú wǎn-Otu Ozáya o/ryí butu ké Júda, Hoshâ mú wǎn-Éla o/nam Otu Péka dyiju ne o-ju ǎ, o-kúng kyikit emen wǎ otu.

2 Kyîng 9:24

Otu Jéhu o/tut búre emen ne busa emen kángkáng o-ché ǎ, dyibán dyi-tím ǎ ké esim dyi-kám ǎ ké dyityém. Otu Jóram o-myii ké kafâ-mútu emen o-kpú.

2 Kyîng 9:33

Ne Otu Jéhu o-sét kámbé o/fu, jê n̂g ǎ o-róng kyísí. Ba-jê ǎ o-róng kyísí, baróng emen ba-myî ké ekpe ne ké bubyî-orá. Otu Jéhu o-yip bubyî-orá ne mútu emen mú bubyî-orá budatut o-yú o-shwôm ké kyikwóm-enyam-byiko emen,

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 36:13

Banet ḿbé baa*nyît Osówo* ba-waa ng ké kafâ esa, ne baa*fé nshwam-ochwâp* nang ké nkéré mbe ba-kyâ kámbé busông*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 14:4

Óburúkpâbí mu o-raa ng o/fu, banchi byibî ḿbén kángkáng baa*nyît chwǒm*. Bubong bu*fí kámbé*. Mbé mbe ba-kpen n ké banet ejí eju. Mbé baa*fé nshwam ba-kye mě*.

Azáya 43:22

Óburúkpâbí o/raa o/fu, nké Ézerel, ben ba/mû baa/kyee ne me. Ba*da mě efé*.

Azáya 64:4

Onet o*fí mú oo/ri* o-jwo kyi-kim ne Osówo wǎ wo* mú mu o-chi i azong-byěm ányi o-kyâ banet ḿbé ba/tî achi ne nyǐ*.

Azáya 64:6

Be kángkáng byimu byi-chi i byibî. Nang édúú eten nyí enong nyi e-nut ng wǎ kyibâm-baróng. Ké bubwô-byibî eten, be byimu wǎ eshǎan nyí nyi e-jwóm m bufú bu-tugi kányí bu-pwó.

Azáya 64:7

Onet o*fí mú o/bírî o-fé nshwam o-kye ǒ*. Onet mú mu o-câ o-kâm ǒ o/fu, wo achwáp ǎ*. Wo aa/rôo bě byiko eyên, [a-dim a-mîng] bě ké bubwô-byibî eten.

Azáya 9:13

Banet ḿbé Ézerel ba*da/saa ne byiko* ba-mîng byibî echi*. Nang ké Óburúkpâbí oo/kye kámbé busông, mbé ba*da/bwa ne esim ba-kâm ǎ*.

Ezékyel 22:30

Me n/kyé onet mú odaman ebi ekpe ne o-man n ebwom ké byikit ḿbyí ekpe ee/bûu o-nyii oshê eringe nyí busa-dyityém ejí boo*ba/chi bu-bên kámú*. Nké n*da/ri nang onet obónge*.

Dányel 9:13

A/kye bě kángkáng busông ḿbú ba/sét ké byije ḿbyí Músis. Nké nang kántîk, ǎ Osówo Óburúkpâbí eten, be byi*da/kan ne byi/fu, byi-chi i kyi-nyîn ǒ ké byibî emîng* nang ké ntûntû eyên ecen*.

Hozáya 13:10

Ben ba/bí mě ba/fu, me nkye běn otu ne banet-ashí, nké mbé ba-cen n nǎ ne ba-nyii oshê.]

Hozáya 5:15

Me n/chi m-mîng banet ejí tete ba-ri busông ḿbú bu/chi bu-kwárê ne byibî ebe, ba-dim ba-kpet mě ekyé ba-bâ. Katô ké busông ebe ba/chi ba-kan ba/fu, mbé ba-kyé ng mě.

Hozáya 7:10

Byiko etông ḿbyí banet-Ézerel mbyi byi-tii ng kámbé bukyû ké byiko. Nang ké kángkáng byěm ámbyi bii/chi kámbé, mbé ba*da/bwa ne esim ba-kâm mě me mú Óburúkpâbí mú Osówo ebe*.

Hozáya 7:14

Mbé ba*da/fé ne nshwam ne dyityém ebe ba-kye mě* nké mbe ba-myii ng kyísí ba-tii ng wǎ eringe nyí banshâng bakye mbe ba-chi i. Â ba-kú ba-fâ nshwam ba/fu, mbé bajá byiryíng ne bato, ba-kpet ng byiko ebe byibáp wǎ banshâng bakye. Mbé mbe ba-bírî ng bunwa ne me kanong kanong.

Hozáya 8:4

Banet ejí ba/kúng batu, nké ba/chi kánkyí ké kakim ebe. Ba/fîm banet-ashí ba*da mě ebí*. Ba/kúng syílyíba ne gûl ebe ba-chi erím-bakye nyí e/chi e-ju kámbé mbé bayén.

Máka 2:1

Kyi/chi kyi-bên kanong kanong ne banet ḿbé mbe ba-waa ng achi fúú ba-nam m byibî. Â dyicófóróng dyi/cé, ba-ri ng mpât ba-bâ, ba-chi kyibî ánkyi ńkyí ba/mû ba/kabe ne buchú.