Hozáya 7:5 - Bokyi Bible

⁵ Ké dyicí ńkyí otu odachi dyijî, ba/chi otu ne banet-ashí emen ba-jwáp bato ba-kpet ebwóm, ba-róng enyam.

Hozáya 7:5 Iomraidhean Croise

Jénésis 40:20

Ńdyí ací a/chîrí achât, otu o/mû o/zîim dyicí ńdyí ba/mû ba/fwon ǎ, ne o-kó kángkáng banet-ashí-bǎmkpóngé emen dyijî. O-fîm ḿgbán-bato emen ne onet-dyishí-banchi berêt ba-byí ké mgbokobá ba-ba-bwom ké bushú-banet-ashí-bǎmkpóngé emen.

1 Kyîng 13:4

Nkéré mú Otu Jérobâm o/jwo ńkyín, o-tông ǎ kafwa o-kye busa o/fu, kám m̂ onyinchéng ámu. Bubwô-otu ámu bu-waa ányi bu-kpú, kyi-fím ányi o*fí to o-man n enyîim kámbú*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 1:1

Bunyîn-dyityém mbu ne onet mú o/né bacê ḿbé byibî-banet. Mú o*fí o-kúng ng kyiká-bucen ńkyí banchi byibî* ne oo*cibi ne banet ḿbé badakúng Osówo ké ayâa*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 69:12

Mbé mbe ba-raa ng kyi-kim ne me ké byiká-oshê, ne bambwôm bato mbe ba-rim m ne ekwan kyi-kim ne me.

Póróvep 13:20

Onet mú mu o-cen n ne banet ḿbé mbe ne bubong o-firi ng ne bubong. Kyi/chi kyi-bên ne wo â amu a-cen n ne enyam-banet.

Póróvep 20:1

Bato ejwáp chwóó ba-chi i ǒ a-firi nraa kyiraa ne enyam-onet. Kyi-tông ng enyam ńkyí adabwóm bato.

Azáya 28:1

Ézerel e/firi ké busông. Busan emen ḿbú ragerage bu-kú bu-kpú u omu wǎ etam-ekong-byichí nyí bambwôm bato-banet-ashí badacít. Ashí ebe nyí badatông byiko nyi ne kyinung ńkyí kyinong, nké mbé bayén baa/myii eshwa.

Azáya 28:14

Ben bantông byiko-banet ḿbé bamu ba-tún n oshê nyín ké Jerúsélem, fwôo n̂g atông kántîk ba-jwo ńkyí Óburúkpâbí mu o-sét ng.

Dányel 5:23

Wo a/chi byěm ḿbyí byi*da/nyîn Óburúkpâbí mú kyíbóng* ne wo a/bê ne bammîk ne acáng nyí ba/kúng ké kiǐtí-kyise-kyifen echi emen. Wo ne biǐtí-banet eyên ne banyi eyên ḿbé bakínkán ne ḿbé bwǎsíng ba/jwáp bato ké mbyí, ne ba/kpee erím-bakye nyí ba/chi ké gûl ne syílyíba ne borôn ne áyon ne byichí ne aká, nyí nyi erím-bakye nyí ee*man eri* e-jwo nang ojwo* ne ee*nyît nang chwǒm*. Nké wo a*da/kye Osówo ofê mú odasét o/fu, nang wo akpú* nang wo akpen* mú kángkáng byěm ḿbyí amu a-chi i mbyi ké bubwô emen.

Hozáya 7:3

Óburúkpâbí o/raa o/fu, banet mbe ba-nîm m otu ne banet-ashí-bǎmkpóngé emen ké byibî-byěm ebe ḿbyí mbe ba-nam m.

Mátyuu 14:6

Ké dyicí ńdyí Otu Hérot o/chîkwárê dyije dyikíri ńdyí ba/fwon ǎ, wǎn-Heródyas mú onyinyi o/ne ane ké bushú ḿbú bacinbánet-Otu Hérot kángkáng. Dyityém dyi/nyîn Otu Hérot kanong kanong,

MÂK BǍMPÉM ḾBÉ BANONG KYI-KIM NE JISOS KARÂS ERINGE NYÍ MÂK O/SÁNG 6:21

Ké nkuli kyikû, Heródyas o/já mpât. Kyi/mû ké dyicí ńdyí Otu Hérot o/chîkwárê dyije dyikíri, fím ké nkéré mú ba/fwon ǎ. Dyicí ándyi, Otu Hérot o/kó banet-ashí ḿbé biǐtí-bǎmkpóngé-okákárá ne banet-ashí-basúja ne biǐtí-banet ḿbyí Gályílyi dyijî.

Efyíshan 5:18

*Da n̂g ekûjwáp bato chwóó ḿbé bada běn ebwóm* ḿbé badabên enyam-byiko enen*. Nké Busun-Osówo busú běn ké enyam-byiko.