Hozáya 7:4 - Bokyi Bible

⁴ Mbé kángkáng ba-chi i bannîm banet ne ba*fí ne ofê*. Kafâ esa ebe ne banet nke ka-sóng ng wǎ okwâ mú badachi berêt, mú baa*wóngê kámú* tete nkéré o-fyi mú badatwôom berêt ké mǔ.

Hozáya 7:4 Iomraidhean Croise

Jeryimáya 23:10

Esí ee/sú pwat ne banet ḿbé ba*da/fé dyityém ne Óburúkpâbí*. Mbé mbe ba-kyú u byibî-akpen, ba-chi i busa ebe ké bukwóp ḿbú boo*nwa*. Ké bubwô-kyishû ńkyí Óburúkpâbí, esí e-kú e-ta ng dyikán ne byifát bii/jwóm.

Jeryimáya 9:1

Kyi/mû kyi/chi kyi-nyîn mě, â dyishí ejí dyi/mû wǎ dyijwáng, achi ejí a-kyú wǎ katí-batíí, eringe nyí ndaman etii buchú ne esû ké dyishí-banet ejí ḿbé baa/ju.

Jeryimáya 9:2

Kyi/mû kyi/chi kyi-nyîn mě, â m/mû ne kyikit ké kyikim-dyikán ńkyí ndaman edim n-jâ ké nkyí, m-mîng banet ejí. Ké nǎ, mbé kángkáng ba-chi i banchi byinam, ne banet ḿbé badanam barî-banet dyiju.

Hozáya 4:10

Ben ba/chi ba-ryí byiryíng-kyifen echi ḿbyí byi/já běn, nké esong e-chî ng běn enwa. Ben ba/chi ba-fé esówo nyí edakye bufwon, nké baa*ba/chi ba-ri bwǎn* ké nǎ, ben baa/mîng mě, ba-firi ké kyijé ne esówo ekíri.

Hozáya 4:12

Mbé mbe ba-kúng ng kyikim-kyichí ba-sô ng epé. Kyikim-kyichí ńkyí nsô epé nké nkyi kyi-sét ng kámbé ńkyí mbé mbe ba-ryuu ng ba/fu, mbé ba-nyît ng. Mbé baa/mîng mě. Baa/yip byiko ebe ba-kye esówo ekíri wǎ onyi mú o/bírî o-kpet eryí akpara.

Hozáya 4:2

Banet mbe ba-ryí i ecím, ba-bên n kányí. Mbe ba-sét ng byisédéng, ba-ju ng banet, ba-jii ng bujii, ba-chi i byinam. Byibî ḿbyí mbe ba-chi i mbyi byi-jê ng byi-câ, ba-ju ng banet ba-bírî ng.

1 Koríntyan 5:6

Kyi*fí kanong ńkyí ben badakûtông byiko*. Ben bamu ba-nyît ng ńkyí ba/sét ba/fu, kaǎnyín-bukye ńké badafé ké berêt ne o-mut nke ka-chi i kyirim-berêt kyimúmú kyi-mut.

Jêmsyi 4:4

Ben banet ḿbé ba*fí ba-kyâ Osówo ofê*. Ben ba*fí ba-nyît ng ba/fu, bucín eryí ne ejíí, ányi kyi/byí, a/firi onet-bushwôn-Osówo*? Nang yeě nké o/fu, nyǐ o-ryí i bucín ne ejíí, onet ámu o-chi i byiko emen o-firi onet-bushwôn-Osówo.