Hozáya 7:3 - Bokyi Bible

³ Óburúkpâbí o/raa o/fu, banet mbe ba-nîm m otu ne banet-ashí-bǎmkpóngé emen ké byibî-byěm ebe ḿbyí mbe ba-nam m.

Hozáya 7:3 Iomraidhean Croise

1 Kyîng 22:13

Ké nkéré ámu, onet ámu mú o/wâa edakó Makáya o/raa ne nyǐ o/fu, kángkáng bamkpábé ḿbé áku baa/sét ba/fu, Otu Éhap o/chi o-kpógê. Nké kyi-nwa ng ńkyí wo to adasét éné.

1 Kyîng 22:6

Otu Éhap o-kó kâng bamkpábé ḿbé badasét byiraa-Osówo ba-ba-nung, mbé ba/mû égot-banet nang efee. Ne o-bí kámbé o/fu, me nca n-da-kye Rímot bunwa dí, aa n*dace*. Mbé ba-faa ǎ ba/fu, kye kámbé bunwa. Óburúkpâbí o/chi o-chi ǒ a-kpógê kámbé.

Jeryimáya 37:19

Bamkpábé eyên ḿbé badasét byiraa-Osówo, ḿbé ba/sét ǒ ba/fu, otu mú Bábyílon oo*ba/chi o-kye ǒ bunwa* nang oshê mún bunwa* mbe nyá.

Jeryimáya 5:31

Bamkpábé ḿbé badasét byiraa ejí ba*fí ba-sét ng chwǒm* kyi-cibi ne kyisédéng*. Banchi kyifen ejí mbe ba-tún n oshê wǎ eringe nyí bamkpábé ámbe mbe ba-kyâ kámbé busa, ne banet ejí ba*fí ba-né ng*. Nké ben ba-chi i nǎ, â nkuli kyikû o/fyi.

Jeryimáya 9:2

Kyi/mû kyi/chi kyi-nyîn mě, â m/mû ne kyikit ké kyikim-dyikán ńkyí ndaman edim n-jâ ké nkyí, m-mîng banet ejí. Ké nǎ, mbé kángkáng ba-chi i banchi byinam, ne banet ḿbé badanam barî-banet dyiju.

Hozáya 10:13

Nké ben ba/bwa ba-kwón kyibî, ba-fuu busông ḿbú kyidakye. Ben baa/ryí byirim-byichí ḿbyí byisédéng enen mbyi byi-zím m. Ké nǎ, ben ba/fé atyém enen ké [bamútu enen ḿbé bubyî-orá budatut,] ne ké bujê-basúja ḿbé bamu ne mbé,

Hozáya 11:12

Óburúkpâbí o/raa o/fu, banet ḿbé Ézerel baa/yip byisédéng ne kaǎnínǐm ba-wáp mě ba-fé ké kafâ, ne banet ḿbé Júda ba/tôong ba-bírî ng bunwa ne me mú mu Osówo mú mu kanong ne mú odatî ocím emen mú odaryí.

Hozáya 4:2

Banet mbe ba-ryí i ecím, ba-bên n kányí. Mbe ba-sét ng byisédéng, ba-ju ng banet, ba-jii ng bujii, ba-chi i byinam. Byibî ḿbyí mbe ba-chi i mbyi byi-jê ng byi-câ, ba-ju ng banet ba-bírî ng.

Hozáya 5:11

Ézerel nyi e-ri ng busông ḿbú mbe ba-cít ng kányí. Esí nyí e/mû e/já kányí e*fí to nyí emen* ké nǎ, Ézerel e/tú dyishí e/fu, nyǐ e-da ng ekyé ochwâp ne [banet ḿbé ba*fí ne ochwâp mú badakye kányí*.]

Hozáya 7:5

Ké dyicí ńkyí otu odachi dyijî, ba/chi otu ne banet-ashí emen ba-jwáp bato ba-kpet ebwóm, ba-róng enyam.

Máka 6:16

Ńkyín kyi/chi kyi-chi, ké nǎ, ben baa/kúng kyibî-édúú ńkyí Otu Ómiryi ne ńkyí wǎn emen Otu Éhap. Ben bamu ba-câ kashú ne kyiká-bucen ebe, ne ké bubwô ámbu, me n/chi m-bâ běn ne bukyû, ne nang yeě nang yeě o/chi o-jwó běn. [Banet nang bará ba/chi ba-kû běn echi byěm ḿbyí byida běn ewuri éshwân.]

Máka 7:3

Mbé kángkáng baa/kpí byibî echi kanong kanong. Banet-ashí-oshê ne bampan bampan mbe ba-bí ng banet bangu. Onet mú mu ne busa ké oshê mu o-sét ng kámbé ńkyí nyǐ mu o-ryuu ng, [ne ké bubwô ámbu, ba-kpet enam byibî-byěm kyikit kyibónge.]

Rúman 1:32

Mbé mbe ba-nyît ng ba/fu, kyije ńkyí Osówo kyi/fu, banet ḿbé mbe ba-kyú u ké dyizong-bukwóp ḿbún ba/kwárê mú badakpú. Nang ké mbe ba-nyît ng éné, mbé ba*fí ba-chi i bachíchí-byěm ḿbyín ba-câ kashú nké nke* nké nkyi kyi-nyîn n kámbé to ne banet bakíri ḿbé mbe ba-chi i kámbyí.

1 Jǒn 4:5

Mbé mbe ba-raa ng kyi-kim ne byěm ḿbyí ké ejíí, ne ejíí nyi e-tî ng atông e-jwo ng kámbé, ké ebóng, mbé ba/já ejíí.