Hozáya 7:2 - Bokyi Bible

² Kyi*da/nung ne kámbé ké dyishí ba/fu, me n/chi n-zîim kángkáng byibî ḿbyín*. Nké byibî ebe mbyi byi-wáp ng kámbé byi-fâ ké otyém, ne â n/tún kámbé, n-ri ng byibî byíbi.

Hozáya 7:2 Iomraidhean Croise

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 34:21

Nyǐ mu o-ri ng kyiká-bucen nang kyirá ńkyí banet mbe ba-kúng ng.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 10:11

Mbên dyityém o-raa ng ké dyityém o/fu, Osówo o*fí o-kérê ng*. Osówo oo/cít achi ne oo*ba/chi o-ri mě ne banyá*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 25:7

Pwoo mě ké byibî ejí ne byěm ejí ḿbyí n*da/man echi ne dyikwá*. Óburúkpâbí, zîim mě ké bubwô ḿbú kanong eyên ne kyijé eyên ńkyí kii*man*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 50:22

Wo mú amu a-né ng mě, fwôo atông ké ńkyín, â kyi*fí éné* me n/chi m-man ne wo, ne onet oo*chi mú o/chi o-nyii ǒ*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 9:16

Óburúkpâbí oo/tông byiko emen wááng ké kanong emen ńké mu o-chi i ké bampan ekét, ne bambên atyém baa/róng ké kaǎtám ńké byibî-byěm ḿbyí mbé mbe ba-chi i.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 90:8

Wo amu a-yip ng byibî eten a-tî ké kashú eyên, ké kyikit ńkyí adari byibî eten ḿbyí byi/chi ké kadip.

Azáya 1:3

Bampong mbe ba-nyît ng onet mú o/já kámbé, ne boonyam-atû mbu bu-nyît ng kyikit ńkyí bonchí ebe mu o-kyâ kámbú byiryíng. Nké ńkyí ánkyi kyi/jê kyi-shwôm ńkyí banet ejí ḿbé Ézerel mbe ba-nyît ng. Mbé ba*fí ba-nyît ng dyishí nang kaǎnyín*.

Azáya 26:16

Óburúkpâbí, wo a/kye banet eyên busông, ne ké bafip, mbé ba/fé nshwam ba-kye ǒ.]

Azáya 44:19

Nchi erím-bakye o*fí ne bubong* nang dyishí* ńdyí odaraa o/fu, byichí byikíri mu n-chi i ekwón* n-rám m byiryíng* n-fwá ng enyam ké mbyí n-ryí i*. N-kúng kyicê kyikíri n-chi orím-bukye. Me m/bwa n-waa nyín n-kú n-tíngê e kyísí n-fâ kyikim-kyichí. [

Azáya 5:12

Bamu ba-chi i ajî enen ne ácîng ne boǒkám ne boontán ne bato. Nké ba*fí ba-nyît ng ńkyí Óburúkpâbí mu o-chi i*

Jeryimáya 14:10

Óburúkpâbí o/raa kyi-kim ne banet ḿbén o/fu, kyi-nyîn n kámbé echêe ba-mîng mě, ne baa*man eníbî byiko ebe*. Ké bubwô ḿbún, me kyi*fí kyi-nyîn n mě ne mbé*. N/chi n-zîim byibî-byěm ḿbyí baa/chi, n-kye kámbé busông ké bubwô-byibî ebe.

Jeryimáya 16:17

Me mu n-ri ng kángkáng byěm ḿbyí mbe ba-chi i. Chwǒm kyi*fí ńkyí me n*fí n-ri ng*. Mu n-ri ng byibî ebe.

Jeryimáya 17:1

Óburúkpâbí o/raa ne banet ḿbé Júda o/fu, ba/yip kachí-nwet ńké kiǐré ne ba-sáng kyibî enen kyísí. Ba/yip kachí-nwet ńké kaa*shî* ba-sáng běn kánkyí ké atyém enen, ba-sáng to kánkyí ké bakô-byikit enen ḿbyí bamu ba-chi i byifen.

Jeryimáya 2:19

Byibî eyên byi/chi byi-kye ǒ busông, ne esim nyí a/bírî mě e/chi e-két mpan o-bên ǒ. Wo a/chi a-nyît eringe nyí kyi/bên kanong kanong ńkyí a/mîng mě mú mu Osówo Óburúkpâbí eyên, a/fu, wo aa*fé to dyityém eyên ne me*. Me Óburúkpâbí mú o/rêe o-shwôm nké n/raa.

Jeryimáya 32:19

Wo a-kabe ng byěm ḿbyí byinong, a-chi i biǐtí-byěm. Wo amu a-ri ng kángkáng byěm ḿbyí banet mbe ba-chi i, ne a-kyâ kámbé eyáré e-tyeem ne byěm ḿbyí mbe ba-chi i.

Jeryimáya 4:18

Júda, dyikpen enen ńdyí bamu ba-kyú u ne byěm enen ḿbyí bamu ba-chi i nké bii/bê běn ne ńkyín ké byiko. Byibî enen nké bii/bê ne busông ḿbún, ḿbú boo/ta běn ké dyityém.

Jeryimáya 44:21

kyi-kim ne byifen ḿbyí ben ne banchí enen ḿbé kpákpá ne batu enen ne banet-ashí enen ne banet-oshê ba/chi ké eshê nyí Júda ne ké byiká-oshê ḿbyí Jerúsélem, ben bamu ba-kabe ng ba/fu, Óburúkpâbí o*da/nyît kyi-kim ne mbyí*? ne oo/ráp kámbyí*?

Ezékyel 21:29

Byěm-akat ḿbyí ben bamu ba-ri ng byi*fí ké kafâ* ne byěm ḿbyín bamu ba-sét ng wǎ bamkpábé byi*fí ntûntû*. Ben ba/bên atyém, ne ba-chi i banchi byibî, ne dyicí ńdyí nkuli kyikû-busông enen ndyi dyi-bâ. Kashwám ka/chi ka-kpet běn ké kyitông.

Hozáya 12:2

Óburúkpâbí mu ne kyibî-mpan ne banet ḿbé Júda ńkyí o/fu, nyǐ o-két ng kámbé. O/chi o-kye to banet ḿbé Ézerel busông ké édúú ebe nyí mbe ba-chi i. Nyǐ o/chi o-só kámbé ewa ké byěm ḿbyí baa/chi.

Hozáya 4:9

Busông ḿbú banet-Ézerel ba/chi ba-ri, ben to ba/chi ba-ri kámbú. N/chi n-kye běn busông n-chi běn ba-ré dyifwá-byibî ḿbyí bamu ba-chi i.

Hozáya 6:2

Ké ací afee nang achât, o/chi o-chi bě byi-nyange, ne be byi/chi byi-kyú ké bushú emen.

Hozáya 8:13

Mbé mbe ba-chi i byifen ba-kyâ mě, ba-kúng ng enyam-byifen ányi ba-ryí i.] Nké me Óburúkpâbí kyi*fí kyi-nyîn n mě ne mbé* ne kántîk, n/chi n-zîim kyibî ebe n-kye kámbé busông ké nkyí. N/chi n-twóm kámbé ba-bwa esim ké Éjip.

Hozáya 9:15

Óburúkpâbí o/raa o/fu, kángkáng byibî-byěm ebe ḿbyí ba/kpet echi, byi/kpet ké Gyígal. Ányi nké ba/kpet mě kafâ esa. Ne ké bubwô ḿbú kyibî ńkyí baa/chi, me n/chi n-ró kámbé ké esí ejí. Baa*ba/chi ba-chî mě ejê*. Kángkáng banet-ashí ebe baa/bírî bunwa ne me.

Hozáya 9:9

Byěm ḿbyí mbe ba-chi i byi/bên kanong kanong, wǎ eringe nyí ba/mû ké Gyíbya. Osówo o/chi o-zîim kyibî ebe, o-kye kámbé busông ké nkyí.

Émos 8:7

Óburúkpâbí mú mu Osówo mú Ézerel oo/sem dyizîn emen o/fu, me mm*ba/chi n-ráp byibî-byěm ebe ḿbyí mbe ba-chi i*.

Jóna 1:2

o-sét ǎ o/fu, ca ké kiǐtí-oshê ánkyi ńkyí badakó Nyínyíve a-da-shú kámú. Me mu n-nyît ng eringe nyí banet-oshê ámu ba/bên.

Nómba 32:23

Nké â ben ba*da/tî ocím mú ben ba/ryí* me n-kuri ng běn ekó n/fu, bamu ba-chi i kyibî ké bushú ḿbú Óburúkpâbí. *Da n̂g echi ba-nîm byiko enen*. Óburúkpâbí o-kyâ běn busông ké kyibî enen.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 12:2

Nang ebóng chwǒm ńkyí ba/cít kánkyí ba/chi ba-bâa. Nang ebóng chwǒm to ńkyí nkyi ké kadip kyi/chi kyi-byí kyíjí.

1 Koríntyan 4:5

Ké bubwô ámbu kâng, ben *da n̂g echi ba-pan onet nang obónge mpan ké byiko* ne ochíchí-nkéré o-kûfyi*. Mpan mú nkuli kyikû o-man o-bám tete Otu Kyítá o-bâ. Nyǐ o/chi o-kúng byěm-kadip ḿbyí byi/mû ké kyifip o-byí ne mbyí ké kiinwángé, o-kúng ekabe nyí banet ba/rôo ké atyém ebe o-byí ne nyǐ kyíjí. Ne nang yeě o/chi o-koo akpee nyí a/kwárê ne nyǐ ké abwô nyí Osówo.

Dyitórónómyi 32:29

Mbé ba*fí ba-nyît ng ńkyí kyi/cen ne ba-kpógê kámbé*. Baa*man enyît kyikû kyi-kim ne ńkyí kyi/chi*.

Hyíburus 4:13

Chwǒm kyi*fí nang kyibónge ńkyí kyidanwa erôo ké bushú ḿbú Osówo*. Kángkáng byěm ḿbyí Osówo o/chi mbyi bâabâa ne kyíjí wááng ké achi nyí emen. Ké bushú emen to nké be kángkáng byi/chi byi-bwom byi-sét kángkáng byěm ḿbyí byi/chi ké dyikpen eten.