Hozáya 7:1 - Bokyi Bible

¹ Nang nkéré orá nké mu n-ryuu ng n/fu, n-chi i banet ejí ḿbé Ézerel ba-nyange, ba-chîkpet ejá byěm, kángkáng ńkyí ndari kyi*da/shwôm dyityém ebe ebên* ne byibî-byěm ḿbyí mbe ba-chi i*. Ba-ryí i barî bampún, ba-sé ng byise ba-nung ng ba-wuri ng byěm. Ba-jii ng banet byěm ké byiká-oshê.

Hozáya 7:1 Iomraidhean Croise

Azáya 28:1

Ézerel e/firi ké busông. Busan emen ḿbú ragerage bu-kú bu-kpú u omu wǎ etam-ekong-byichí nyí bambwôm bato-banet-ashí badacít. Ashí ebe nyí badatông byiko nyi ne kyinung ńkyí kyinong, nké mbé bayén baa/myii eshwa.

Azáya 59:12

Óburúkpâbí, byibî ḿbyí bii/chi byi-bât ǒ bii/jê. Byibî eten byi-kú byi-bîn n bě. Be byimu byi-nyît ng kámbyí kángkáng.

Azáya 59:13

Be bii/bwom bunwa ne wo, byi-né ǒ, byi-né ebê ne wo ké kyikû. Be bii/cít banet bakíri, byi-bírî ǒ esim. Ekabe eten e*fí ké kafâ*. Byiraa eten mbyi byisédéng byísedeng.

Azáya 59:14

Bii/ró ntûntû, ne kanong ka*fí to ka-bâ bě fáráng*. Ntûntû o-kú o-kpán n ácíring ké ótíbingé, ntûntû esét o*fí o-ri ng mpât*.

Jeryimáya 51:9

Bacinbánet ḿbé mbe ba-kyú u ké mǔ mbe ba-raa ng ba/fu, byi/kan byi/fu, byi-chwáp ng Bábyílon, nké nkéré o/mû oo/shwôm. Mîng n̂g byi-mîng kámú byi-bwa esim dyijê. Osówo oo/kye Bábyílon busông ne kángkáng busa emen, ne oo/bên kámú kángkáng.

Ezékyel 16:46

Oshê-Samérya mú kyicê ńkyí bushûyû ne boǒshê emen nké mu ǒ okínkán-oshê. Oshê-Sódom mú kyicê ńkyí busyísen ne boǒshê emen nké mu ǒ wǎsíng-oshê.

Ezékyel 23:4

Mú okínkán o/mû o-bángê e Ohóla, mú o/bwom wǎ oshê-Samérya, ne mú wǎsíng o/mû o-bángê e Ohólíba, mú o/bwom wǎ oshê-Jerúsélem. Me m/bé kámbé ashí amúmú, ne mbé ba/fwon mě bwǎn.

Ezékyel 24:13

Biinunut-édúú eyên bii/bên ǒ, ǎ Jerúsélem. Nang ké n/kan n/fu, n-chi i ǒ a-cé, wo aa/waa éné. Wo aa*ba/chi a-chîcé kpárám tete wo a-ri kángkáng busa ḿbú kafâ esa ejí*.

Hozáya 10:5

Banet ḿbé mbe ba-kyú u ké oshê mú Samérya ba/chi ba-kûshî, ne ba/chi ba-ta dyikán ńdyí orím-bukye-[otyép-mpong] mú ba/chi ké gûl, mú baa*ba/chi ba-chîri*. Mbé ne banchi kyifen ebe ḿbé mbe ba-fâ orím-bukye ámu ba/chi ba-tii kámú. Mbé ba/chi ba-tii ké nkéré mú bunong emen boo*ba/chi bu-chîkyú kámú ké byiko*.

Hozáya 11:12

Óburúkpâbí o/raa o/fu, banet ḿbé Ézerel baa/yip byisédéng ne kaǎnínǐm ba-wáp mě ba-fé ké kafâ, ne banet ḿbé Júda ba/tôong ba-bírî ng bunwa ne me mú mu Osówo mú mu kanong ne mú odatî ocím emen mú odaryí.

Hozáya 11:8

Ézerel, me n-cen n nǎ ne n-zú dyityém ne ben. Me n-cen n nǎ ne m-mîng běn. Me m-man n běn eju wǎ eringe nyí n/ju banet ḿbé Ádima? n-ju běn wǎ eringe nyí n/ju banet ḿbé Zébom*. Me mm*ba/chi m-man echi kánkyí* ké nǎ, bamu ba-jang ng mě ejê ba-shwôm.

Hozáya 12:1

Kángkáng byěm ḿbyí banet ḿbé Ézerel mbe ba-chi i, kyi-fím ké dyicófóróng tete buchú bu-jí, byi*da/byí ké chwǒm* ne byi-cen n ne bukyû. Banet enîm ne byěm-anwa enwa mbyi byi-kán n byi-câ kashú ké burwám ebe. Mbé mbe ba-chi i kyikwáré ńkyí badachi byěm ne banet ḿbé Asyírya, ba-cen n kasî ne banet ḿbé Éjip.

Hozáya 12:2

Óburúkpâbí mu ne kyibî-mpan ne banet ḿbé Júda ńkyí o/fu, nyǐ o-két ng kámbé. O/chi o-kye to banet ḿbé Ézerel busông ké édúú ebe nyí mbe ba-chi i. Nyǐ o/chi o-só kámbé ewa ké byěm ḿbyí baa/chi.

Hozáya 4:17

Banet ḿbé Ézerel ba/firi ké busa ḿbú barím-bakye. Mîng kámbé ba-ca kiǐfáng ńkyí ebe.

Hozáya 4:2

Banet mbe ba-ryí i ecím, ba-bên n kányí. Mbe ba-sét ng byisédéng, ba-ju ng banet, ba-jii ng bujii, ba-chi i byinam. Byibî ḿbyí mbe ba-chi i mbyi byi-jê ng byi-câ, ba-ju ng banet ba-bírî ng.

Hozáya 5:1

Fwôo n̂g atông ba-jwo ńkyín, ǎ banchi kyifen-Osówo. Fwôo n̂g atông, ǎ banet-Ézerel. Ben mú ba/fím ké kyikû-butu, fwôo n̂g atông ba-jwo. Ben ba/mû ba/chi ba-kûkét mpan mú baa*ryí acît* ké bubwô ámbu, mpan o/chi o-bên běn, ké nǎ, ba/firi kaǎtám ké Myízipa, ba/firi to kaǎsém ńké baa/táng ké kaku ńké Tábo,

Hozáya 6:4

Nké Óburúkpâbí o/raa o/fu, me n-chi i běn ebóng, ǎ banet ḿbé Ézerel ne Júda. Kyijé ńkyí ben bamu ne nkyí ne me nkyi kyi-rím m ochéé óchee wǎ ófíbí mú odatát ké dyicófóróng. Nkyi to wǎ kyibû ńkyí kyidarím ké dyicófóróng pirípirí.

Hozáya 7:13

Mbé ba/firi ké busông. Mbé baa/mîng mě, ba-bwom bunwa ne me. N/chi n-ju kámbé. Me m/mû mu n-ryuu ng n/fu, n-nyii ng kámbé, nké ofê mú ba/mû ba-kyâ mě o/mû o*fí ké kafâ*.

Hozáya 8:5

Otyép-mpong mú ba/mee ké gûl, mú banet ḿbé oshê mú Samérya mbe ba-kyâ kámú ofê, mu o-sa ng mě kafâ. Kafâ nke ka-sa ng mě ne mbé. Ka-rí i nǎ ne mbé ba-mîng bakye ebe esháng.

Hozáya 8:9

Banet ḿbé Ézerel mbe ba-shwane e ashí wǎ boonyam-atû-dyikán, ba-cen n ba-câ biǐfáng ḿbyí ebe. Mbé baa/dim ba-ca ba-da-bí Asyírya ba/fu, achwáp kámbé, ne baa/kye eshê ekíri akpuga ba/fu, echwáp e-ku kámbé.

Émos 3:10

Óburúkpâbí o/raa o/fu, banet ḿbén mbe ba-yip ng byěm ḿbyí ba/koo ké busa, ba-yip ké kajii ba-fé ké byibám-butu. Ba*fí ba-nyît ng nang eringe nyí badasét ntûntû*.

Émos 3:9

Sét n̂g banet ḿbé mbe ba-kyú u ké byibám-butu ḿbyí ké Éjip ne Áshídot ba/fu, bâ n̂g kyikit kyibónge ké eku nyí e/wáp Samérya e-fé ké kafâ, ba-ba-ri ocît mú mbe ba-cít ng banet-byikpu ké kafâ-oshê ámu.

Émos 8:14

Banet ḿbé mbe ba-ryí i ocím ba-sem m erím-bakye nyí ké Samérya ba-raa ng ba/fu, ké dyizîn ńdyí orím-bukye mú Dǎn, ne ké dyizîn ńdyí orím-bukye mú Byíshíba, banet ámbe ba/chi ba-myii baa*bûu to*.

Máka 6:16

Ńkyín kyi/chi kyi-chi, ké nǎ, ben baa/kúng kyibî-édúú ńkyí Otu Ómiryi ne ńkyí wǎn emen Otu Éhap. Ben bamu ba-câ kashú ne kyiká-bucen ebe, ne ké bubwô ámbu, me n/chi m-bâ běn ne bukyû, ne nang yeě nang yeě o/chi o-jwó běn. [Banet nang bará ba/chi ba-kû běn echi byěm ḿbyí byida běn ewuri éshwân.]

Mátyuu 23:37

Jisos o/fu, ô Jerúsélem, Jerúsélem. Ben bamu ba-ju ng bamkpábé ḿbé badasét byiraa-Osówo, ba-tím m to banet-kyitwóm-Osówo ḿbé nyí o/twóm běn aká. Kampén ka/firi kafěng ńké me m/mû mu n-ryuu ng n/fu, m-kpárê ng banet eyên kángkáng abwô, wǎ eringe nyí buma-ekwa mbu bu-cít ng bwǎn emen ké abyibabang, nké ben ba*da mě ebángê*.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 13:34

Ô banet ḿbé mbe ké oshê mú Jerúsélem. Ben bamu ba-ju ng bamkpábé ḿbé badasét byiraa-Osówo. Ben bamu ba-tím m banet-kyitwóm ḿbé Osówo mu o-twóm m kyikit enen aká. Kampén kafěng ńké me m/mû n/ryuu n/fu, m-kpárê ng běn kángkáng m-bât ké kakim wǎ eringe ekwa nyi e-cít ng bwǎn emen ké abyibabang, nké ben ba*da mě ebángê*.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 19:42

o/fu, â banet ḿbé ké oshê mún ba/mû ba-nyît ng nang kurún ńkyí kyidacen ne bunyîn-dyityém bu-bâ, nké kántîk baa*man eri to kánkyí*.