Hozáya 6:3 - Bokyi Bible

³ Kyi-nwa ng ńkyí be byidakan byi-nyît Óburúkpâbí. Be byimu byi-nyît ng byi/fu, nyǐ o/chi o-bâ o-kâm bě wǎ eringe nyí byimu byi-nyît ng byi/fu, dyicí ndyi dyi-câ, wǎ eringe byimu byi-nyît ng to byi/fu, omu-kyifang o-na ng esí e-jwâa.

Hozáya 6:3 Iomraidhean Croise

2 Sámwel 23:4

mu wǎ esû nyí nyi e-san n ké dyicófóróng ńdyí ófíbí o*da/byí* esû nyí nyi e-chi i biǐbyâa byi-san n ké nkéré omu oo/na.

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 29:23

Nang yeě mu o-koo ng kámbyí ne bunyîn-dyityém éné wǎ eringe nyí banchi byifát badakoo omu ena ne bunyîn-dyityém ké ashí-burwom.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 19:4

Nké [ejá] ebe nyi e-ta ng ejíí emúmú. Kyitwóm ebe nkyi kyi-ribi ng nang nyá. Osówo o/bi kyise ké bubóng o-tî óbyísû.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 19:6

Óbyísû mu o-byí i ké bukô-bubóng bubónge o-cen o-ribi ké ḿbú áku. Kiinsóngé emen kyi-ta ng kángkáng byěm.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 63:8

Me mu n-king ng m-bât ng ǒ ké byiko, ne abwô eyên aa*bángê chwǒm kyi-ta mě*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 65:9

Be byimu byi-ri ng eringe nyí amu a-tún n esí ké omu mú wo amu a-twóm m. Wo amu a-chi i kányí e-kûnwa byiryíng. Wo amu a-chi i omu o-sú u ké buce. Wo amu a-kyâ esí byíkwôn. Něen nké amu a-chi i kányí.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 72:6

Kyi/bát otu okyú banet emen wǎ omu mú odana o-pwôo ng ké byifát. Kyi/bát okyú wǎ kyibû ńkyí nkyi kyi-na ng kyi-pwôo ng ké esí.

Póróvep 4:18

Kiǐfáng ńkyí banet ḿbé mbe ba-chi i kanong mbe ba-cen n nkyi wǎ óbyísû-dyicófóróng mú mu o-wángê e o-bâ tete dyicí dyi-wángê.

Azáya 2:3

ne banet ebe ba/chi ba-raa ba/fu, bâ n̂g byi-yú kaku ńké Óburúkpâbí byi-wâa ké kiǐtí-kyise-kyifen echi ńkyí Osówo mú Ézerel. Nyǐ o/chi o-tángê bě ńkyí mu o-ryuu ng o/fu, byichi. Byi/chi byi-cen ké kiǐfáng ńkyí nyǐ oo/cá, ké nǎ, ńkyí Óburúkpâbí mu o-tángê e nkyi kyi-fím m ké Jerúsélem. Mu o-bwom m ké Záyon o-pem m ne banet emen.

Azáya 32:15

Nké Osówo o/chi o-chî bě etwóm Busun emen. Esí nyí e/mû ee/waa dyikáá e/chi e-chîkpet ebát byiryíng, ne byifát byi/chi byi-bát byíkwôn ḿbyí byinong.

Azáya 44:3

Esí nyí nyi e-ryuu ng omu n/chi n-kye kányí omu, n-chi buce bu-sen ké esí nyí ee/jwóm. N/chi n-kye bwǎn enen busa ejí, n-jware kyikû-banet enen.

Azáya 5:6

N/chi m-mîng biǐbyâa byi-kán ké nkyí. Nn*tóbê byire emen* nang ecing emen mm*bwât kányí m-kpang*. Nké n/chi m-mîng nnyamefám o-cít kánkyí. Nang omu mm*ba/chi m-bángê kámú o-na ké nkyí*.

Azáya 54:13

Me oyén n/chi n-tángê banet eyên n-kye kámbé byěm ḿbyí byinong ne bunyîn-dyityém.

Jeryimáya 24:7

N/chi n-kye kámbé dyityém ńdyí badanyît ba/fu, me n-chi i Óburúkpâbí. Ne mbé ba/chi ba-kyú banet ejí, me to n-kyú Osówo ebe, ké nǎ, mbé ba/chi ba-bwa esim ba-kâm mě ne atyém ebe kángkáng.

Ezékyel 36:25

Me n/chi m-myî běn omu mú cángénéné ké byiko n-chi běn ba-cé ké erím-bakye enen ne ké kángkáng byěm byikíri ḿbyí bii/bên běn byiko.

Hozáya 10:12

Me n/sét kámbé n/fu, chwáp n̂g esí nyí efyîfî ba-kye byiko enen, kwón n̂ kanong echi, ba-fuu banjware ḿbé ofê mú bamu ba-kyâ mě, o/chi o-kye běn. Nkéré oo/fyi mú ben ba/chi ba-bírî ba-kâm mě me mú Óburúkpâbí enen, ne me n/chi m-bâ m-ba-pwó běn banjware ké byiko.

Hozáya 14:5

Me n/chi n-kyú banet-Ézerel wǎ omu mú odana ké kiǐjínjwóm-esí. Mbé ba/chi ba-byet wǎ ekong-byichí. Ba/chi ba-fé eriri ebe kyísí kanong kanong wǎ byichí ḿbyí Lebánon.

Hozáya 14:6

Mbé ba/chi ba-byet eshǎan chwóó, ba-nwa bunong wǎ byichí-ólif. Ba/chi ba-kyú ne kyinung ńkyí kyinong wǎ byichí-séda ḿbyí Lebánon.

Hozáya 2:20

Me n/chi n-tî ocím ejí mú n/ryí, n-chi ǒ a-firi mú ejí, ne wo a/chi a-nyît mě wǎ Óburúkpâbí.

Máka 4:2

ne banet ebe ba/chi ba-raa ba/fu, bâ n̂g byi-yú kaku ńké Óburúkpâbí byi-wâa ké kiǐtí-kyise-kyifen echi ńkyí Osówo mú Ézerel. Ké ebóng, nyǐ o/chi o-tángê bě ńkyí nyǐ mu o-ryuu ng bě o/fu, be byichi. Byi/chi byi-cen ké biǐfáng ḿbyí nyǐ oo/cá. Ké ebóng, ńkyí Óburúkpâbí mu o-tángê e nkyi kyi-fím m Jerúsélem. Nyǐ mu o-bwom m ké Záyon o-pem m ne banet emen.

Máka 5:2

Óburúkpâbí o/raa o/fu, Bételehêm-Efyírata, wo nké amu oshê mú o/sîi o-shwôm ké Júda, nké ké kafâ eyên nké n/chi n-kúng otu mú Ézerel, mú kyikû-banet emen kyi/fím ké bankéré ḿbé kpákpá.

Máka 5:7

Banet ḿbé Ézerel ḿbé ba/chi ba-fem ba/chi ba-kyú wǎ kyibû ńkyí kyidachee byiko, ńkyí Óburúkpâbí o/twóm o-kye eshê chwóó, ba-kyú u to wǎ omu mú odana ké byíkwôn. Mbé ba/chi ba-jêem esim ne Osówo, *chí ne onet*.

Zákaryâ 10:1

Bí n̂g Óburúkpâbí o-kye běn omu ké nkéré mú ashí-kyifang. Óburúkpâbí nké mu o-twóm m ófíbí mú odana omu mú oryên ne mú odanyérê, o-chi byifát byi-kán byi-kye nang yeě nang yeě.

Máláka 4:2

Nké kyi-kim ne ben mú bamu ba-fâ mě, busa ejí ḿbú ndanyii banet bu/chi bu-byí bu-kâm běn wǎ óbyísû, bu-chi běn ba-nyange wǎ eringe nyí busan-esû budachi banet ba-nyange. Ben ba/chi ba-firi ké byiko enen, ba-kyú ké bunyîn-dyityém wǎ bwǎn-ebû ḿbé badafîm kámbé ké nkám ba-byí kyíjí.

Mátyuu 13:11

Jisos o-faa kámbé o/fu, byinyídíng ḿbyí mbyi Osówo ké dyityém kyi-kim ne Butu emen, Osówo oo/chi běn ba-nyît kámbyí, nké nyǐ o*da/chi kámbé ba-nyît kámbyí*.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 1:78

Ké nǎ, Osówo eten o/cángê dyityém, o-ri ng to banet bafip. Nyǐ o/chi o-chi esû nyí onyii eten nyí ragerage e-san bě ké byiko,

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 17:3

Ne nyín něen eringe nyí mbé badakyú ne dyikpen ńdyí ne banyá, â mbé mbe ba-nyît ng ǒ ba/fu, wo nké amu Osówo kǎnchí mú ntûntû, ne â mbé mbe ba-nyît ng to Jisos Karâs mú wo a/twóm.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 7:17

Nang yeě nké mu o-ryuu ng o/fu, nyǐ o-chi i ńkyí Osówo mu o-ryuu ng, onet ámu o/chi o-nyît â ńkyí me mu n-tángê e něen nkyi kyi-fím m ne Osówo, nang â me mu n-sét ng ké busa ḿbú ejí.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 17:11

Banet ḿbé ké oshê ámu ba/mû ne atyém wááng nyí badajwo byiraa-Osówo ba-shwôm banet ḿbé ké Tesalonáka. Mbé ba/mû ba-ryuu ng ba/fu, mbé ba-fwôo ng atông ba-jwo ńkyí Pôl o/sét, ne ba/kwâa ejá-Osówo nyí ba/sáng kyísí kángkáng dyicí ba/fu, mbé ba-ri ng â ńkyí Pôl o/sét nkyi ntûntû.

Dyitórónómyi 32:2

Byěm ejí ḿbyí mu n-tángê e byi/chi byi-na wǎ abán-omu, byi-pwôo kyísí wǎ kyibû. Byiraa ejí byi/chi byi-na wǎ omu mú odanyérê ké esu-byichí, wǎ omu mú degere, mú odana ké biǐbyâa ḿbyí byi*da/kán ne*.

Hyíburus 3:14

Ké nǎ, be kángkáng byimu ké burwám ne Karâs, â be byi/níbî atyém eten nyí byi/mû ne nyǐ ké kiimkpet kyikû kíngkíng tete kyi-ribi ké nkuli kyikû-nkéré.

2 Pyíta 1:19

Ké bubwô ámbu kâng, be byimu dyityém dyibónge byi-shwôm oshwǒm ké kyitwóm ńkyí bamkpábé ḿbé badasét byiraa-Osówo ba/sét. Ben ba/chi ba-chi kanong ńkyí ben badafwôo atông ké nkyí, ké nǎ, kyitwóm ánkyi nkyi wǎ otyuryíkáng mú mu o-san n ké kyikit-kyifip tete Dyicí dyi-cé, ne kiinwángé-ókpére-dyicófóróng kyi-san běn ké atyém.

Revelíshon 22:16

Me Jisos nké nn/twóm orím mú onong ejí n/fu, oda-sét byěm ḿbyín ké byise-ékwâbashi ejí. Me onet mú o/fím ké kyikû-banet ńkyí Otu Dívit. Me n-chi i ókpére-dyicófóróng mú ragerage.