Hozáya 6:2 - Bokyi Bible

² Ké ací afee nang achât, o/chi o-chi bě byi-nyange, ne be byi/chi byi-kyú ké bushú emen.

Hozáya 6:2 Iomraidhean Croise

Jénésis 17:18

O-bí Osówo o/fu, ebóng Éshimal oo*ryí mě bukyû*.

2 Kyîng 20:5

obwa esim o-kâm Otu Hezekyâ mú mu otu mú banet-Óburúkpâbí, o-da-sét ǎ o/fu, me Óburúkpâbí mú mu Osówo mú Otu Dívit mú bonchí eyên mú kpákpá, nn/jwo nshwam eyên, n-ri batíí eyên. Me n/chi n-chi ǒ a-nyange, ne ké ací achât kyi-fím kurún, wo a/chi a-ca ké kafâ-kiǐtí-kyise-kyifen-Osówo echi.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 61:7

Ô Osówo, kyi/bát nyǐ okyú otu ne banyá ké bushú eyên. Ku ǎ ne kyijé eyên ńkyí kii*man* ne ocím eyên mú amu a-tî ng.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 71:20

Wo aa/twóm mě afaníkong ne busông, nké wo a/chi a-bwa ne busa ejí a-kye mě. Wo aa*mîng mě n-nung ké dyikun*.

Ekyilyizátes 3:3

o-tî ng nkéré mú onet eju ne nkéré mú onet echi o-nyange, o-tî ng nkéré mú badabú ne mú badabi,

Azáya 26:19

Banet eten ḿbé baa/kpú ba/chi ba-chîkpen. Byikwóm-enyam-byiko ebe byi/chi byi-chîbwa ké dyikpen. Kángkáng banet ḿbé mbe ba-rê ng ké akun ebe ba/chi ba-jwóbê ba-kwán ekwan ké bunyîn-dyityém. Eringe nyí kyibû nkyi kyi-chi i esí e-chee, éné to nké Óburúkpâbí o/chi o-chi banet ḿbé baa/kpú ka-bwon ba-bwa ké dyikpen.

Azáya 30:26

Otukáku o/chi o-kûsan jangjang wǎ óbyísû, ne óbyísû o/chi o-kûsan kampén bujam o-shwôm eringe nyí o/mû o-san n, wǎ kiinwángé ńkyí ací bujam kyidasan ké dyicí dyibónge. Ńkyín kyi/chi kyi-chi ké nkéré mú Óburúkpâbí oo/bwá byinêm ḿbyí o/kye banet emen byi-kpú.

Hozáya 13:14

Me mm*ba/chi n-nyii banet ḿbén ké oshê-bakúsí* nang ké abwô nyí bukyû*. Bukyû, [bâ ne] byirwóm eyên. Oshê-bakúsí, [bâ ne] bukyû eyên. Me mm*ba/chi n-chîri banet ḿbén bafip*.

Hozáya 7:2

Kyi*da/nung ne kámbé ké dyishí ba/fu, me n/chi n-zîim kángkáng byibî ḿbyín*. Nké byibî ebe mbyi byi-wáp ng kámbé byi-fâ ké otyém, ne â n/tún kámbé, n-ri ng byibî byíbi.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 14:19

Ké kaǎnyín-nkéré, ejíí ee*ba/chi e-chî mě eri* nké ben ba/chi ba-ri mě, ne ké bubwô ḿbú me mu m-kpen n, ben to ba/chi ba-kpen.

Rúman 14:8

 be byi/kpen, byimu byi-kpen n eringe nyí byidafé Otu Kyítá. Nang byi/bwa byi-kpú to, byimu byi-kpú u eringe nyí byidafé Otu Kyítá. Nang byimu byi-kpú u, nang byimu byi-kpen n kâng, Otu Kyítá nké o/já bě.

1 Koríntyan 15:4

Ba/fu, ba-ryii ǎ, ké ací achât, Osówo o-jwóbê ǎ ké bukyû, wǎ eringe nyí nkyi ké ejá-Osówo nyí ba/sáng kyísí.